HYD Accident: హైదరాబాద్‌లో ఘోర రోడ్డు ప్రమాదం.. ఫ్లై ఓవర్‌పై పల్టీలు కొట్టిన కారు!

HYD Accident: హైదరాబాద్‌ నగరంలోని అత్తాపూర్ ప్రాంతంలో ఉన్న పీవీ నరసింహారావు ఎక్స్‌ప్రెస్ వేపై ఘోర రోడ్డు ప్రమాదం సంభవించింది. మెహదీపట్నం నుంచి ఆరాంఘర్ వైపు వెళ్తున్న సమయంలో పిల్లర్ నంబర్ 280 సమీపంలో రెండు కార్లు పరస్పరం ఢీకొన్నాయి. ఈ ఢీకొన్న ఘటనలో ఒక కారు అదుపుతప్పి పల్టీ కొట్టింది. ప్రమాదం తీవ్రత వల్ల కారు పూర్తిగా దెబ్బతింది. కారు మరో కారుపై బోల్తా పడింది. దీంతో  కారు నడుపుతున్న వ్యక్తికి గాయాలు అయ్యాయి. 

డ్రైవింగ్‌లో నిర్లక్ష్యంతోనే..

ప్రత్యక్షసాక్షుల సమాచారం మేరకు ప్రమాదం జరిగిన వెంటనే స్థానికులు క్షతగాత్రుడిని బయటకు తీసి ఆసుపత్రికి తరలించారు. ప్రస్తుతానికి అతడి ఆరోగ్యం నిలకడగా ఉన్నట్లు సమాచారం. ప్రమాదం జరిగిన నేపథ్యంలో కొంతసేపు ఎక్స్‌ప్రెస్ వేపై ట్రాఫిక్‌కు తీవ్ర అంతరాయం ఏర్పడింది. సమాచారం అందుకున్న అత్తాపూర్ పోలీసు సిబ్బంది వెంటనే ఘటనా స్థలానికి చేరుకుని పరిస్థితిని అదుపులోకి తెచ్చారు. క్రేన్ సహాయంతో ప్రమాదానికి గురైన వాహనాలను తొలగించి ట్రాఫిక్‌ను పునరుద్ధరించారు. ప్రమాదంపై పోలీసులు కేసు నమోదు చేసి దర్యాప్తు ప్రారంభించారు. ప్రమాదానికి డ్రైవింగ్‌లో నిర్లక్ష్యమే కారణమా అనే కోణంలో దర్యాప్తు ప్రారంభించారు.

ఇది కూడా చదవండి: రాత్రిపూట కాళ్లలో ఈ లక్షణాలు కనిపిస్తే గుండెపోటుకు సంకేతం

అత్తాపూర్ ఫ్లై ఓవర్ మీద పల్టీ కొట్టిన కారు

అత్తాపూర్ పోలీస్ స్టేషన్ పరిధిలోని పీవీ నరసింహారావు ఎక్స్‌ప్రెస్ వేపై రోడ్డు ప్రమాదం సంభవించింది..

మెహదీపట్నం నుంచి ఆరాంఘర్ వెళ్లే దారిలో పిల్లర్ నంబర్ 280 వద్ద రెండు కార్లు ఢీ కొనగా.. ఓ కారు పల్టీ కొట్టింది..

కారు నడుపుతున్న… pic.twitter.com/hAlqLG9dPq

— Telangana Awaaz (@telanganaawaaz) April 28, 2025

ఇది కూడా చదవండి: ఏపీలో కాంగ్రెస్ నేత దారుణ హత్య.. లారీతో ఢీ కొట్టి, వేట కొడవళ్లతో నరికి.. !

(  ts-news | crime news | car | latest-news)