Pregnancy Robot: ప్రపంచంలో మొదటిసారిగా పిల్లలు కనే రోబోలు.. ఎక్కడో తెలిస్తే షాక్!

ప్రపంచంలోనే మొట్టమొదటిసారిగా "గర్భధారణ రోబోట్"(pregnancy robot) ను అభివృద్ధి చేస్తున్నారు. సింగపూర్‌(singapore) లోని నన్యాంగ్ టెక్నలాజికల్ యూనివర్శిటీలో డాక్టర్. ఝాంగ్ క్విఫెంగ్ నేతృత్వంలో ఈ విప్లవాత్మక ప్రాజెక్ట్ జరుగుతోంది. ఈ రోబోట్ తయారీ ముఖ్య ఉద్దేశ్యం, పిల్లలు కావాలి, కానీ గర్భం దాల్చడం, ప్రసవ వేదన వంటి వాటిని ఇష్టపడని వారికి ప్రత్యామ్నాయ పరిష్కారం చూపించడం. అలాగే, సంతానలేమి సమస్యతో బాధపడుతున్న దంపతులకు ఇది ఓ వరంగా మారవచ్చని పరిశోధకులు భావిస్తున్నారు.

Also Read :  ISS యాత్ర తర్వాత తొలిసారి ఇండియాకు బయల్దేరిన శుభాన్షు శుక్లా

Pregnancy Robot In Singapore

Would YOU use a robot surrogate? China develops the world's first 'pregnancy humanoid' that's capable of giving birth to a live baby | Xantha Leatham, Daily Mail

It's a concept that currently only exists in sci–fi movies.

But scientists in China are developing the world's first… pic.twitter.com/0aYV0DiVzv

— Owen Gregorian (@OwenGregorian) August 16, 2025

ఈ గర్భధారణ రోబోట్ ఒక మానవరూపంలో ఉంటుంది. దీని పొట్ట భాగంలో ఒక కృత్రిమ గర్భాశయాన్ని అమర్చారు. ఈ కృత్రిమ గర్భాశయంలో పిండం పూర్తిగా పెరిగి, ప్రసవం అయ్యే వరకు దీనిలోనే ఉంటుంది. ఈ గర్భాశయంలో కృత్రిమ అమ్నియోటిక్ ఫ్లూయిడ్ (బిడ్డ చుట్టూ ఉండే ద్రవం) నింపబడి ఉంటుంది. అంతేకాకుండా, గొట్టాల ద్వారా పిండానికి అవసరమైన పోషకాలు అందించబడతాయి.

డాక్టర్ ఝాంగ్ ప్రకారం, కృత్రిమ గర్భాశయ సాంకేతికత ఇప్పటికే గణనీయమైన పురోగతిని సాధించింది. జంతువులపై చేసిన ప్రయోగాలు విజయవంతమయ్యాయి. ఉదాహరణకు, ఫిలడెల్ఫియాలోని చిల్డ్రన్స్ హాస్పిటల్ పరిశోధకులు 2017లో "బయోబ్యాగ్" అనే కృత్రిమ గర్భాశయంలో ఒక గొర్రెపిల్లను పెంచడంలో విజయం సాధించారు. అయితే, ఆ సాంకేతికత ప్రధానంగా ఒక పొదిగే యంత్రం (ఇంక్యుబేటర్) లాగా పనిచేస్తుంది. కానీ డాక్టర్ ఝాంగ్ యొక్క రోబోట్ పూర్తి గర్భధారణ ప్రక్రియను అనుకరిస్తుంది.

Chinas Kaiwa Technology has developed a robot with an artificial womb inside a robotic abdominal module that could carry a full 10-month pregnancy and even give birth to a live baby.

CEO Zhang Qifeng claims they have already tested this abominable technology on animals. https://t.co/dUqL32D114pic.twitter.com/wgCFx6zqhc

— Michael King 🇺🇸🇮🇹🇬🇧 (@miketheking1517) August 15, 2025

Also Read :  అతి పెద్ద మిస్టరీ ఛేదించిన శాస్త్రవేత్తలు.. ఎవరూ చేరుకోలేని రహస్య భూమి!

ఈ ప్రాజెక్టును మొదలుపెట్టడానికి గల ప్రధాన కారణం, దేశాలలో తగ్గుతున్న జనాభా రేటును అరికట్టడం అని డాక్టర్ ఝాంగ్ చెప్పారు. అలాగే, వివాహం చేసుకోకుండా పిల్లలను కనాలని కోరుకునే వారికి ఇది ఒక అవకాశంగా ఉంటుందని ఆయన పేర్కొన్నారు. దీని ప్రోటోటైప్ ను ఏడాది లోపు విడుదల చేయాలని లక్ష్యంగా పెట్టుకున్నారు. ఈ రోబోట్ ధర 100,000 యువాన్ల (భారతీయ రూపాయలలో సుమారు 11 లక్షలు) కంటే తక్కువగా ఉంటుందని అంచనా వేస్తున్నారు.

ఈ గర్భధారణ రోబోట్ పై భిన్నాభిప్రాయాలు వ్యక్తమవుతున్నాయి. కొంతమంది ఇది మహిళలకు గర్భధారణ బాధల నుండి విముక్తిని ఇస్తుందని, సంతానలేమి సమస్యను పరిష్కరిస్తుందని ఆశాభావం వ్యక్తం చేస్తున్నారు. మరికొందరు మాత్రం ఇది మానవ నీతి నియమాలకు విరుద్ధమని, తల్లితో అనుబంధం లేకుండా బిడ్డ జన్మించడం క్రూరమని విమర్శిస్తున్నారు. ఈ ప్రాజెక్టుకు సంబంధించిన నైతిక, చట్టపరమైన అంశాలపై ఇప్పటికే అధికారులు చర్చలు జరుపుతున్నారు.