అన్నాచెల్లెళ్ల అనుబంధానికి ప్రతీకగా రక్షాబంధన్ జరుపుకుంటారు. అయితే చాలా మంది రాఖీ కట్టిన ఒకటి, రెండు రోజులకే తీసేస్తుంటారు. ఇలా చేయడం అశుభమని పండితులు సూచిస్తున్నారు. రాఖీని కనీసం 21 రోజులు ఉంచుకోవాలట. లేదంటే రాఖీ తర్వాత వచ్చే శ్రీకృష్ణ జన్మాష్టమి వరకైనా ఉంచుకోవాలి.
మంచిర్యాల జిల్లాలో జితేంద్ర అనే బాలుడు రామకృష్ణాపూర్‌ సాంఘిక సంక్షేమ గురుకుల పాఠశాలకు తన సోదరిమణులతో రాఖీలు కట్టించుకునేందుకు వెళ్లగా పాఠశాల సిబ్బంది అనుమతించలేదు. దీంతో తండ్రి భుజాలపైకి ఎక్కి కిటికీలో నుంచి తన అక్కలతో రాఖీ కట్టించుకున్నాడు.
రాఖీ పండుగ సందర్భంగా బీఆర్ఎస్‌ వర్కింగ్ ప్రెసిడెంట్ కేటీఆర్‌ తన సోదరి కవితను గుర్తుచేసుకుంటూ ఎక్స్‌లో భావోద్వేగ పోస్ట్ చేశారు. '' ఈరోజు నువ్వు నాకు రాఖీ కట్టలేకపోవచ్చు. అయినప్పటికీ కూడా.. ఎలాంటి కష్టంలోనైన నీ వెంట ఉంటా అంటూ" ట్వీట్ చేశారు.
ఛత్తీస్‌గఢ్‌లోని జంజ్‌గిర్‌ చంపా జిల్లాలో బహెరాడి అనే గ్రామంలో ఏటా రెండు రోజులు రక్షా బంధన్ జరుపుకుంటారు. పండుగకు ఒకరోజు ముందే పర్యావరణ పరిరక్షణ కోసం చెట్లకు, మొక్కలకు అక్కడి ప్రజలు రాఖీలు కడతారు. ఆ తర్వాత రోజున మహిళలు తమ సోదరులకు రాఖీలు కడతారు.
అన్నాచెల్లెళ్లు, అక్కాతమ్ముళ్ల మధ్య ప్రేమానురాగాలకు ప్రతీకగా రక్షాబంధన్ జరుపుకుంటారు. తోబుట్టువులు విజయం దిశగా అడుగులు వేయాలని, అత్యున్నత శిఖరాలకు చేరుకోవాలని అక్కా చెల్లెల్లు రక్షగా కట్టే బంధనమే ఈ రక్షాబంధన్.
ఈ ఏడాది ఆగస్టు19న రాఖీ పౌర్ణమి వచ్చింది. అయితే.. ఆ రోజు ఉదయం నుంచి మధ్యాహ్నం 1.32 గంటల వరకు రాఖీ కట్టడం అంత మంచిది కాదని పండితులు చెబుతున్నారు. మధ్యాహ్నం 2:07 గంటల నుంచి రాత్రి 08:00 గంటల వరకు మహిళలు తమ సోదరులకు రాఖీ కట్టాలని సూచిస్తున్నారు.
పశ్చిమ బెంగాల్ ముఖ్యమంత్రి మమతా బెనర్జీ బిగ్ బీ అమితాబచ్చన్ ను కలిశారు. ముంబైలోని ఆయన నివాసంలో అమితాబ్ తో దీదీ భేటీ అయ్యారు. బచ్చన్ కుటుంబ సభ్యులతో ఆమె కాసేపు ముచ్చటించారు. అనంతరం బిగ్ బీకి మమతా బెనర్జీ రాఖీ కట్టారు. దీనికి సంబంధించిన ఫోటోలను అమితాబచ్చన్ సోషల్ మీడియాలో షేర్ చేశారు. ఆ ఫోటోలు ఇప్పుడు వైరల్ అవుతున్నాయి.
రక్షా బంధన్ రోజు బిల్కీస్ భానో, మహిళా రెజ్లర్లకు బీజేపీ నేతలు రాఖీ కట్టాలని ప్రతిపక్షాలు సూచించాయి. ఈ రోజు రక్షా బంధన్ అని ఉద్దవ్ ఠాక్రే అన్నారు. బిల్కీస్ భానో, మహిళా రెజ్లర్లకు, మణిపూర్ మహిళలకు బీజేపీ నేతలు రాఖీలు కట్టాలన్నారు. వాళ్లంతా దేశంలో సురక్షితంగా వున్నామని ఫీల్ కావాలని చెప్పారు. అందుకే తామంతా కలిసి వచ్చామన్నారు. ఇండియా కూటమి సమావేశం నేపథ్యంలోనే గ్యాస్ సిలిండర్ ధరను రూ. 200 తగ్గించారని శివసేన నేత సంజయ్ రౌత్ తెలిపారు.
రాఖీ పండుగ విశ్వవ్యాప్తమై చాలా ఏళ్లు అయ్యింది. ఇండియన్స్‌ ఎక్కుడ ఉంటే అక్కడ ఈ పండుగ కనిపిస్తుంది. భారతీయులను చూసి విదేశీయులు కూడా రాఖీ పండుగను సెలబ్రేట్ చేసుకోవడం మొదలుపెట్టారు. అమెరికా, యూకే, ఆస్ట్రేలియా, సింగపూర్, యూఏఈ, నేపాల్, ఫ్రాన్స్, కెనడా, జర్మనీ, న్యూజిలాండ్, మలేషియా దేశాల్లో రాఖీ పండుగ కనిపిస్తుంది.
/rtv/media/media_files/2025/06/25/crime-news-2025-06-25-18-22-56.jpg)
/rtv/media/post_attachments/wp-content/uploads/2024/08/FotoJet-2024-08-18T125832.179-1.jpg)
/rtv/media/post_attachments/wp-content/uploads/2024/08/rakhi.jpg)
/rtv/media/post_attachments/wp-content/uploads/2024/08/FotoJet-51-2.jpg)
/rtv/media/post_attachments/wp-content/uploads/2024/08/FotoJet-31-2.jpg)
/rtv/media/post_attachments/wp-content/uploads/2024/08/FotoJet-2024-08-18T155708.599.jpg)
/rtv/media/post_attachments/wp-content/uploads/2024/08/Raksha-Bandhan-2024-on-19th-August-Find-out-the-right-time-to-tie-Raksha-Bandhan.jpg)
/rtv/media/post_attachments/wp-content/uploads/2023/08/amitabh-jpg.webp)
/rtv/media/post_attachments/wp-content/uploads/2023/08/udhav-thakre-jpg.webp)
/rtv/media/post_attachments/wp-content/uploads/2023/08/rakshi-india-jpg.webp)
