Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

Love Story

Neeraj-M bhaker: నీరజ్‌-మను ప్రేమయాణం? అందరిముందే ఒట్టు వేయించుకున్న మను తల్లి: వీడియో వైరల్!

Published on by

Neeraj-M bhaker: పారిస్ ఒలింపిక్స్‌లో పతకాలు సాధించిన భారత అథ్లెట్లు నీరజ్‌ చోప్రా, మను బాకర్‌ మధ్య ప్రేమ చిగురించినట్లు తెలుస్తోంది. వీరిద్దరూ ఒకచోట సన్నిహితంగా కనిపించడం చర్చనీయాంశమైంది. మనుబాకర్, నీరజ్ ఇద్దరూ సిగ్గుపడుతూ మాట్లాడుకుంటున్న ఫొటో, వీడియోలు నెట్టింట తెగ వైరల్ అవుతోంది.

అంతేకాదు మను బాకర్ తల్లి నీరజ్ చోప్రాతో అప్యాయంగా మాట్లాడుతూ.. అతని చేతిని తన తల మీద పెట్టుకుని ఒట్టు వెయించుకోవడం హాట్ టాపిక్ గా మారింది. ఈ వీడియోలో చోప్రా చేతిని ప్రేమగా పట్టుకున్న మను తల్లి.. నీరజ్ ను ప్లీజ్ ప్లీజ్ అంటూ ఏదో బతిమిలాడుతున్నట్లు స్పష్టంగా అర్థం అవుతోంది. ‘నా మాట కాదొనొద్దు’ అంటూ మను తల్లి రిక్వెస్ట్ చేస్తున్నట్లు కనిపించడంతో ఒక్కసారిగా ఊహగానాలు జోరందుకున్నాయి. వారిద్దరూ ప్రేమలో ఉన్నారని, త్వరలోనే పెళ్లి చేసుకుంటారంటూ ప్రచారం మొదలైంది. అసలు విషయం తెలియాలంటూ వారిద్దరిలో ఎవరో ఒకరు స్పందించాల్సిందే.

Mahabubabad: విషాదంగా ఇద్దరు అమ్మాయిల ప్రేమకథ.. కాపురం విడగొట్టారని!

Published on by

Crime: తెలంగాణలో ఇటీవల చర్చనీయాంశమైన ఇద్దరు అమ్మాయిల ప్రేమకథ చివరికి విషాదాంతమైంది. తమ పెళ్లికి పెద్దలు అంగీకరించలేదనే ఆవేశంలో ఆత్మహత్యకు పాల్పడ్డారు. చికిత్స పొందుతూ ఒకరు మృతి చెందగా మరొకరి పరిస్థితి విషమంగా ఉండగా.. ఇందుకు సంబంధించిన వివరాలు ఇలా ఉన్నాయి. మహబూబాబాద్ జిల్లా కురవి మండలానికి చెందిన 21 ఏళ్ల యువతికి, గార్ల మండలానికి చెందిన 20ఏళ్ల యువతి ఆరు నెలల కిందట ఇన్‌స్టాగ్రామ్‌లో పరిచయమైంది. వారి స్నేహం కాస్త ప్రేమగా మారింది. ఇద్దరు ప్రేమలోపడ్డారు. రహస్యంగా పెళ్లి కూడా చేసుకుని కాపురం కూడా పెట్టారు. ఇక్కడి వరకూ బాగానే ఉన్నా.. విషయం బటయకు రావడంతో అసలు కథ మొదలైంది.

పరువు పోతుందని భావించి..
ఈ ఇద్దరు అమ్మాయిలు వ్యవహారం రెండువైపులా తల్లిదండ్రులకు తెలిసిపోయింది. ఊర్లో వాళ్లకు తెలిస్తే పరువు పోతుందని భావించిన పేరెంట్స్ వాళ్లను విడదీసేందుకు చాలా ప్రయత్నాలు చేశారు. కొంతకాలం ఇద్దరినీ ఎవరింటికి వారిని తీసుకెళ్లిపోయారు. కానీ మే చివరి వారంలో ఈ ఇద్దరూ విజయవాడ పారిపోయారు. దాంతో కురివి మండలానికి చెందిన యువతి తల్లిదండ్రులు పోలీసులకు కంప్లైంట్ ఇచ్చారు. పోలీసులు ఎంక్వైరీ చేసి ఇద్దరు అమ్మాయిలనూ స్వస్థలాలకు తీసుకొచ్చారు. కౌన్సెలింగ్ ఇచ్చి తల్లిదండ్రులకు అప్పజెప్పారు.

వీరిద్దరూ లెస్బియన్స్ కావచ్చనే అనుమానాలు..
అయితే ఈ సంఘటనతో తీవ్ర ఒత్తిడికి లోనైన యువతులు జూన్ 1న మహబూబాబాద్‌లో ఎలుకల మందు తాగారు. అయితే స్థానికుల సమాచారంతో విషయం తెలుసుకున్న కుటుంబసభ్యులు వారిని మహబూబాబాద్ జిల్లా ఆస్పత్రికి తరలించారు. చికిత్స పొందుతూ కురవి మండలానికి చెందిన యువతి శుక్రవారం చనిపోయింది. మరో యువతి ప్రాణాపాయ స్థితిలో ఉంది. పోలీసులు కేసు దర్యాప్తు చేస్తున్నారు. అయితే వీరిద్దరూ లెస్బియన్స్ కావచ్చనే అనుమానాలు వ్యక్తమవుతున్నాయి. ఇందుకు సంబంధించిన పూర్తి వివరాలు త్వరలోనే వెల్లడిస్తామని పోలీసులు తెలిపారు.

Sneha: భార్య భర్తల మధ్య గొడవలు అందుకే వస్తాయి…నా భర్త వేరే అమ్మాయితో లవ్‌ లో ఉండడంతో!

Published on by

టాలీవుడ్‌ నటి స్నేహ గురించి ఎవరికీ పెద్దగా పరిచయం అక్కర్లేదు. తెలుగు ఇండస్ట్రీలోకి ప్రియమైన నీకు సినిమాతో ఎంట్రీ ఇచ్చి..తన అందం,  అభినయంతో ఫ్యామిలీ ఆడియన్స్‌ కు బాగా దగ్గర అయ్యింది. ఆ తరువాత ఆమె తమిళ నటుడు ప్రసన్న కుమార్ తో ప్రేమలో పడి పెద్దలను ఒప్పించి మరి పెళ్లి చేసుకుంది. వీరికి ఓ కూతురు, కొడుకు ఉన్నారు.

పొజెసివ్‌నెస్ ఉండాలి కానీ అతిగా

ఇక అప్పటినుంచి స్నేహ సహా నటిగా నటిస్తుంది. అలాగే పలు యాడ్స్ చేస్తూ బాగానే సంపాదిస్తోంది. అయితే చివరగా స్నేహ మమ్ముట్టి ‘క్రిస్టోఫర్’ సినిమాలో కనిపించింది. ఆ తర్వాత ఏ కొత్త మూవీ అనౌన్స్‌ చేయలేదు. ఇదిలా ఉంటే.. తాజాగా, ఓ ఇంటర్వ్యూలో పాల్గొన్న స్నేహ తన భర్తకు సంబంధించిన ఓ సీక్రెట్ రివీల్ చేసింది. ‘‘ జనాల్లో పొజెసివ్‌నెస్ ఉండాలి కానీ అతిగా ఉండకూడదు. ముఖ్యంగా జంటల మధ్య అసలు ఉండకూడదు. ఎందుకంటే నమ్మకాన్ని కాపాడుకోవడం కష్టంగా మారి ఇద్దరి మధ్య గొడవలు పెరుగుతాయి. ఉదాహరణకు.. పార్ట్‌నర్ ఎక్కడికైనా వెళ్లేటప్పుడు.. ఎందుకు.. వెళ్లి ఏం చేస్తావ్ అని అనుమానం అసలు రాకూడదు.

ప్రేమ పెరిగి బంధం మరింత

భాగస్వామిని సరిగ్గా అర్థం చేసుకుంటే అసలు ఇలాంటి ప్రశ్నలు రావు. భార్యభర్తలిద్దరి మధ్య నమ్మకం ఉండాలి అప్పుడే జీవితం సంతోషంగా ఉంటుంది. పార్ట్‌నర్ అడగకముందే వారికి చెప్పి వెళ్తే వాళ్లకి కూడా పొజెసివ్‌నెస్ రాదు. అలాగే మనం వెళ్లాలనుకున్న చోటుకి చేరుకున్నాక.. భాగస్వామికి ఫోన్ చేసి చెప్తే బెటర్.వారితో కాసేపు మాట్లాడితే.. ప్రేమ పెరిగి బంధం మరింత బలపడుతుంది. అయితే నా భర్త కూడా ఒకానొక సమయంలో ఓ అమ్మాయిని ప్రేమించాడు. కానీ ఏవో కారణాల వల్ల ఇద్దరు విడిపోయారు.

ఓ అవార్డ్ రావడంతో

ఈ విషయం తెలిసాక నాకు సంతోషంగా అనిపించింది. ఎందుకంటే అలా విడిపోక పోతే ప్రసన్న ఈరోజు నాకు భర్త అయ్యేవాడు కాదు కదా. అందుకే ఆ విషయంలో నాకు ఎలాంటి సమస్య రాలేదు. కానీ ఓ సమస్య వల్ల ఒత్తిడికి లోనయ్యాను. అలా ఒక ఏడాది పాటు గడిపాను. అప్పుడే నాకు ఓ అవార్డ్ రావడంతో.. ఒత్తిడి నుంచి బయటకు వచ్చాను. ఇప్పుడు నా ఫ్యామిలీతో సంతోషంగా గడుపుతున్నాను’’ అంటూ చెప్పుకొచ్చింది. ప్రస్తుతం స్నేహ కామెంట్స్ నెట్టింట వైరల్ అవుతున్నాయి.

Also read: పిల్లల నెస్లే ప్రొడక్ట్స్ లో కల్తీ.. షాకింగ్ నివేదిక!

love Fever : లవ్ ఫీవర్ ను గుర్తించండి ఇలా?

Published on by

Love Fever Symptoms : మీరు ఎవరినైనా ప్రేమిస్తున్నప్పుడు(Love), భావోద్వేగం కొన్నిసార్లు మీ మనస్సును ముంచెత్తుతుంది. కొన్నిసార్లు సముద్రపు ఒడ్డున ఉన్న అనుభూతిని ఇస్తుంది.  మొత్తం విశ్వం మీతో ఉన్న,  మనస్సు మరొకరితో ఉంటుంది. ప్రేమలో సర్వసాధారణమైన విషయం ఏమిటంటే, రొమాన్స్ కోరుకున్నట్లు జరిగినప్పుడు, వ్యక్తి మరొక ప్రపంచంలో ఉంటాడు. అదే సమయంలో, ప్రేమలో విషయాలు సాధారణంగా లేనప్పుడు, ఒత్తిడి, కోపం, నిరాశ మనస్సును బాధించటం ప్రారంభిస్తాయి. ఆ సమయంలో అనుభూతి చెందేదాన్ని ప్రేమ జ్వరం(Love Fever) అంటారు. కానీ, అవతలి వ్యక్తికి లవ్ ఫీవర్ ఉందో లేదో తెలుసుకోవడం ఎలా? దీని గురించి తెలుసుకుందాం-

ఏకాగ్రత లేకపోవడం:  ప్రేమ అనేది ఒక అందమైన అనుభూతి కావచ్చు, కానీ ఈ సమయంలో మీ ఏకాగ్రత పనుల కారణంగా అనియంత్రితంగా మారుతుంది. అది చదువు అయినా, ఇంటి పని అయినా. ఈ పరిస్థితిలో, మీ  మనస్సు మీరు ఇష్టపడే వ్యక్తి చుట్టూ  తిరుగుతుంది.

అబ్సెసివ్ ఆలోచనలు: ప్రేమ ఒక భావోద్వేగ తుఫాను(Emotional Storm). అది ఎవరికోసమైనా ఆరాటపడినప్పుడు, ఆ వ్యక్తిని పొందాలనే కోరికతో అది బలాన్ని ప్రయోగిస్తుంది. అటువంటి పరిస్థితిలో, శృంగార ఆకర్షణ  భావాలు మీపై దాడి చేస్తాయి. అంటే, ఒక నిర్దిష్ట వ్యక్తి లేదా అతని లక్షణాల పట్ల అభిరుచి పుడుతుంది. అటువంటి పరిస్థితిలో, అవతలి వ్యక్తికి తనను తాను విలువైనదిగా చూపించే ప్రయత్నం జరుగుతుంది.

అతిగా ఆలోచించడం: ప్రేమలో పడిన తర్వాత ప్రతి విషయాన్ని అతిగా ఆలోచించడం(Over Thinking) సర్వసాధారణం. వారు ఎవరి మాటలను వారి భావోద్వేగాలతో కనెక్ట్ చేయడం ప్రారంభిస్తారు. అటువంటి పరిస్థితిలో, మీరు ఆకర్షితులయ్యే వ్యక్తి  ప్రతి చర్య మీ దృష్టిని ఆకర్షిస్తుంది. అలాగే, ఎవరితోనైనా దాని గురించి మాట్లాడటం మీకు చికాకు కలిగిస్తుంది.

ప్రవర్తనలో మార్పు: ప్రజలు తమ ప్రేమకథ(Love Story) ను గమ్యస్థానానికి తీసుకెళ్లేందుకు తమ ప్రవర్తనను మార్చుకుంటారు. అటువంటి పరిస్థితిలో, వారి జీవితంలో ప్రాధాన్యతలను స్వీకరించడం ప్రారంభిస్తారు. చాలా సార్లు ఈ వ్యక్తుల ప్రవర్తన వారి కుటుంబం లేదా బంధువుల పట్ల కూడా మారుతుంది.

భావోద్వేగ హెచ్చు తగ్గులు: ప్రేమ వ్యసనం సాధారణ లక్షణాలలో భావోద్వేగ హెచ్చు తగ్గులు ఒకటి. నిజానికి, ఒక జంట మధ్య ప్రేమ లేదా నమ్మకం లేనప్పుడు, ప్రజలు తరచుగా ఒత్తిడికి గురవుతారు. ఈ విధంగా వారు విచారం, ఆందోళన మరియు అసూయ వంటి భావాలతో ఇబ్బంది పడతారు.

Also Read : ఎన్నిరోజులకు ముందు రైల్వే టికెట్ బుక్ చేసుకోవచ్చు?

Virushka Love Story:క్రికెట్, సినిమా ప్రేమకథ..ప్రపంచం మనసు గెలుచుకున్న లవ్ స్టోరీ

Published on by

Virat-Anushka Love Story:విరాట్ కోహ్లీ, అనుష్క శర్మ… ట్రెండీ స్టయిల్‌లో చెప్పాలంటే విరుష్క. మన దేశంలో ఎక్కువ మంది ఆరాధించే సెలబ్రిటీ జంటల్లో ఈ జంట ముందుంటుంది. ఒకరేమో దేశమంతా ఆరాధించే టీమిండియా కింగ్, మరొకరు బాలీవుడ్‌లో ప్రముఖ కథానాయకి. వీరి మధ్య ప్రేమ, పెళ్లి కథలో బయటకు తెలియని రహస్యాలు ఎన్నో ఉన్నాయి.

 ఓ జోక్ కలిపింది వారిద్దరినీ…

2013లో ఒక యాడ్ షూటింగ్‌లో తొలిసారి కోహ్లీ, అనుష్కలకు పరిచయమైంది. మొదటిసారి అనుష్కను కలిసినప్పుడు చాలా నెర్వస్‌గా ఫీలయ్యాడట కోహ్లీ. దాన్ని దూరం చేసుకోవడానికి ఆమె హీల్స్ గురించి ఓ జోక్ వేశాడట. నా హైట్ తక్కువే కదా, హీల్స్ వేసుకోవడం అవసరమా అంటూ అనుష్క మీద వేసిన సెటైర్‌కి ఆమె పడీపడీ నవ్విందట. ఆ తర్వాత ఇద్దరూ క్లోజ్ అయ్యారు. మూడు రోజుల పాటు సాగిన ఆ షూట్‌లో విరాట్, అనుష్క మంచి స్నేహితులుగా మారిపోయారు. ఆ స్నేహం క్రమంగా ప్రేమగా మారింది. అయితే వీరి ప్రేమ కథ మొదలైన తరువాతి సంవత్సరం… 2014లో ఇంగ్లాండ్ పర్యటనకి వెళ్లిన విరాట్ కోహ్లీ తన ఫామ్‌ కోల్పోయాడు. దానికి అనుష్క శర్మనే కారణంగా చూపిస్తూ విమర్శకులు రెచ్చిపోయారు. ఆ తరువాత ఏడాది 2015 వరల్డ్ కప్ ఆస్ట్రేలియాలో జరిగింది. కీలకమైన సెమీ ఫైనల్ మ్యాచ్‌లో ఆస్ట్రేలియాతో తలపడగా… లక్ష్య ఛేదనలో మన జట్టు తడబడింది. అదే క్రమంలో విరాట్ కోహ్లీ కూడా విఫలం అయ్యాడు. ఆ సమయంలో స్టేడియంలో ఉన్న అనుష్క శర్మనే మరోసారి బాధ్యురాలిని చేస్తూ విమర్శలు వచ్చాయి. అనుష్క ఐరన్ లెగ్ అంటూ ఒక రేంజ్‌లో ట్రోలింగ్ నడిచింది.

Also Read:Bhatti Love Story:ఎల్లలు దాటిన ప్రేమ..పెద్దలు మెచ్చిన వివాహం..భట్టి లవ్‌ స్టోరీ

ఎప్పటికీ అవుటవ్వని బంధం..

అయితే ఎన్ని విమర్శలు వచ్చినా వాళ్ల ప్రేమ మాత్రం చెక్కు చెదరలేదు. అయితే ఆ విమర్శలపైనా ఇద్దరూ ఎలాంటి కామెంట్లు చేయలేదు. దీంతో ఇద్దరూ విడిపోతారంటూ వార్తలొచ్చాయి. సినిమా హీరోయిన్లు, క్రికెటర్ల మధ్య ప్రేమలు నిలబడవంటూ చాలామంది కామెంట్ చేశారు. కోహ్లీ, అనుష్క మాత్రం ఏ విమర్శలనీ పట్టించుకోలేదు. కెరీర్‌పై దృష్టి పెట్టారు, తమ ప్రేమనీ కాపాడుకున్నారు. 2015 పూర్తయ్యేసరికి విరాట్ కోహ్లీ ఆటగాడిగా మళ్లీ ఫామ్‌లోకి వచ్చాడు. రికార్డుల వేటగాడిగా కొనసాగాడు.

తను మళ్లీ ఫాంలోకి రావడానికి కారణం అనుష్క శర్మే అంటూ బాహాటంగానే ప్రకటించాడు. స్టాండ్స్‌లో అనుష్క ఉన్నప్పుడు గ్రౌండ్‌లోంచే ఆమెకు ముద్దులు కూడా విసిరాడు. ఆమెకు తన గెలుపును అంకితం చేయడం లాంటి సంఘటనలు… వారి బంధం ఎంత దృఢమైనదో అందరికి తెలియజేశాయి. చివరికి తమ బంధాన్ని మూడు ముళ్ళతో కలకాలం నిలుపుకోవాలని నిర్ణయించుకున్నారు. 2017లో ఇటలీ వేదికగా వివాహం చేసుకున్నారు. 2021లో వీరికి కూతురు పుట్టింది.

సెలబ్రిటీల పెళ్లిళ్లు ఎక్కువకాలం నిలబడవు అనే ఫార్ములాకి చెక్ పెడుతూ… ఎంతోమంది నూతన జంటలకి ఆదర్శంగా నిలుస్తోందీ ప్రేమజంట. క్రికెట్ టూర్లతో ఎప్పుడూ బిజీగా ఉండే కింగ్ కోహ్లీ, ఏమాత్రం ఖాళీ దొరికినా భార్య, కూతురుతో గడిపేందుకే ప్రయారిటీ ఇస్తాడు. ఏదో ఒక దీవికి ఫ్యామిలీతో మాత్రమే వెళ్లి ఎంజాయ్ చేస్తుంటాడు. ముచ్చటైన ఈ ప్రేమజంటకి మనమూ ప్రేమికులరోజు శుభాకాంక్షలు చెప్పేద్దాం.

Bhatti Love Story:ఎల్లలు దాటిన ప్రేమ..పెద్దలు మెచ్చిన వివాహం..భట్టి లవ్‌ స్టోరీ

Published on by

Deputy CM Batti Vikaramarka:చాలా సీరియస్‌గా ఉంటూ, ఎంతో మృదువుగా మాట్లాడే నాయకుల్లో ముందు వరుసలో ఉంటారు తెలంగాణ డిప్యూటీ సీఎం మల్లు భట్టి విక్రమార్క. ప్రత్యర్ధులపై తిట్లవర్షం కురిపించడమే పాలిటిక్స్ అనుకునే నేటి తరం రాజకీయ నాయకుల్లో ఇలాంటివాళ్లు కూడా ఉంటారా అనిపించేలా ఉంటుంది ఆయన తీరు. అంతటి నెమ్మదైన నాయకుడి జీవితంలోనూ ఓ ప్రేమకథ ఉంది. ప్రేమించిన వ్యక్తినే పెళ్లి చేసుకున్నారు భట్టి విక్రమార్క.

తెలంగాణ సీఎం, డిప్యూటీ సీఎం…ఇద్దరూ ప్రేమ పక్షులే…

ప్రస్తుతం తెలంగాణ ముఖ్యమంత్రి రేవంత్‌తో పాటు ఉప ముఖ్యమంత్రి మల్లు భట్టి విక్రమార్కది కూడా ప్రేమ వివాహం కావడం ఆసక్తికరమైన విషయం. డిప్యూటీ సీఎంగా కొనసాగుతున్న భట్టి… సొంత ఊరు ఖమ్మం జిల్లా, వైరా మండలం, లక్ష్మీపురం. తండ్రి ఆయుర్వేద వైద్యుడు. ఆరుగురు అన్నదమ్ముల్లో ఆఖరివాడు మల్లు భట్టి విక్రమార్క. పెద్దన్న మల్లు అనంతరాములు… వీరి కుటుంబం నుంచి మొదట రాజకీయాల్లోకి వచ్చారు. కాంగ్రెస్ పార్టీ నుంచి ఎంపీగా గెలవడంతో పాటు, పార్టీలో పలు కీలకపదవుల్లో పనిచేశారాయన. ఆ నేపథ్యం వల్లే భట్టి విక్రమార్క విద్యార్ధి దశలోనే రాజకీయాల వైపు వచ్చారు. ఉస్మానియా యూనివర్శిటీలో పీజీ చదివే సమయంలో ఎన్‌ఎస్‌యూఐ నాయకుడిగా పనిచేశాడు. అప్పుడే నందినితో పరిచయమైంది ఆయనకి.

భట్టిని ప్రేమించి గుజరాత్ అమ్మాయి..

నిజానికి నందిని కుటుంబం గుజరాత్ నుంచి వచ్చి హైదరాబాద్‌లో స్థిరపడింది. భట్టి విక్రమార్కతో ఓయూలో అయిన పరిచయం ప్రేమగా మారింది. ఆమే మొదట తన ప్రేమని భట్టికి తెలిపారట. తన రాజకీయ అభిప్రాయాలకి తగిన అమ్మాయి అనిపించడంతో ఆయన కూడా ఓకే చెప్పారు. కానీ నందిని తల్లిదండ్రులు మాత్రం మొదట వీళ్ల ప్రేమని ఒప్పుకోలేదు. పాలిటిక్స్ అంటూ తిరిగే మనిషి అని తెలియడంతో నందిని తల్లిదండ్రులు భయపడ్డారట. అయితే క్రమంగా భట్టి వ్యక్తిత్వం అర్ధం కావడంతో వాళ్లే ఆమెనిచ్చి పెళ్లి చేసేందుకు ముందుకొచ్చారు.

రాజకీయాల్లోనూ చేదోడుగా..

వివాహం తర్వాత భట్టి విక్రమార్క రాజకీయ జీవితానికి చేదోడుగా నిలిచారామె. ఆయనతో పాటు ఎన్నోసార్లు ఎన్నికల ప్రచారంలో పాల్గొన్నారు నందిని. అలాగే ఆయన పాదయాత్ర చేసిన సమయంలోనూ వెన్నంటే ఉన్నారు. ప్రస్తుతం నందిని కూడా ఎన్నికల బరిలో దిగబోతున్నారు. ఇప్పటికే ఖమ్మం ఎంపీ సీటు కోసం దరఖాస్తు కూడా చేశారు. ఆమె బరిలో దిగి గెలిస్తే… వీరి ప్రేమ పొలిటికల్ గానూ పెద్ద సక్సెస్ అయిందని అనుకోవచ్చు.