Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

hardhik pandya

T20 World Cup : వైరాన్ని పోగొట్టి.. ప్రేమను మిగిల్చిన గెలుపు

Published on by

Rohit – Hardik Video Viral : రోహిత్ శర్మ (Rohit Sharma), హార్దిక్ పాండ్యా (Hardik Pandya)… గత కొన్ని రోజులుగా వీరిద్దరి మధ్యా వైరం నడుస్తోంది. బయటకు కనిపించకపోయినా ఎక్కడో చిన్న డిస్టర్బెన్స్ మాత్రం ఉంది. ఐపీఎల్ (IPL) వేలం దగ్గర నుంచీ ఇది మొదలయ్యింది. అంతకు ముందు ఇద్దరూ కలిసి చాలా మ్యాచ్‌లు ఆడారు. ఇండియాకు ఎన్నో మరుపురాని విజయాలను అందించారు. అయితే ఈ సీజన్ ఐపీఎల్ మాత్రం రోహిత్, పాండ్యాల మధ్య చిచ్చు పెట్టింది.

ఐపీఎల్‌లో ముంబై ఇండియన్ టీమ్ యాజమన్యమే అంతా చేసింది. రోహిత్ శర్మను కెప్టెన్సీ నుచి తప్పించి హార్దిక్‌ను పట్టింది. బోలెడంత డబ్బులు పోసి గుజరాత్‌ నుంచి హార్దిక్‌ను కొనుక్కుని తీసుకువచ్చింది. ఇది రోహిత్‌నే కాదు ముంబై ఫ్యాన్స్‌కు కూడా కోపం తెప్పించింది. అసలే వన్డే వరల్డ్‌కప్‌ పోయి బాధలో ఉన్న రోహిత్‌ను ఇది మరింత కుంగదీసింది. అయితే దీని గురించి అతను మాత్రం ఎక్కడా ఏ కామెంట్ చేయలేదు. కానీ పాండ్యా మీద వచ్చిన ట్రోల్స్‌ను కూడా ఖండించలేదు. దాంతో పాటూ హార్దిక్ కెప్టెన్సీలో ముంబ ఇండియన్స్ దారుణంగా ఓడిపోయింది. అది అవ్వగానే టీ 20 వరల్డ్‌కప్‌ (T20 World Cup) ఆడ్డానికి వచ్చారు భారత జట్టు. మొత్తం టోర్నీలో ఎక్కడా ఇద్దరూ తమ మధ్య ఉన్న గ్యాప్‌ను చూపించలేదు.

కానీ చివరి మ్యాచ్‌లో కెప్టెన్ రోహిత్ శర్మ తన కోపాన్నంతా మర్చిపోయాడు. ఇండియా విశ్వవిజేతగా నిలవడానికి కారణం అయిన హార్దిక్‌ను మనసారా హత్తుకుని కౌగలించుకున్నాడు. భావోద్వేగంతో ముద్దుకూడా పెట్టాడు.

 

View this post on Instagram

 

A post shared by ICC (@icc)

Also Read : విరాట్ బాటలోనే రోహిత్.. టీ20లకు రిటైర్మెంట్

IPL-2024 : మనం మనం ఎప్పటికైనా ఒక్కటే.. రోహిత్‌ను కౌగలించుకున్న హార్దిక్

Published on by

Mumbai Indians Practice Session : రోహిత్ శర్మ(Rohit Sharma), హార్దిక్ పాండ్యా(Hardik Pandya)… ఈ మధ్య కాలంలో వీరిద్దరి గురించి వచ్చినన్ని వార్తలు ఇంకెవ్వరి గురించీ రాలేదు. ఐపిఎల్(IPL) ఆటగాళ్ళ వేలం నుంచి మొదలైంది వీరిద్దరి గురించి మాట్లాడుకోవడం. గుజరాత్ టైటాన్స్‌(Gujarat Titans) లో ఉన్న హార్ధిక్ పాండ్యాను ముంబై ఇండియన్స్(Mumbai Indians) ట్రేడ్ చేసి మరీ కొనుక్కోవడం.. రోహిత్‌ను కెప్టెన్సీ నుంచి తప్పించి అతనికే పగ్గాలు ఇవ్వడంతో మొదలైంది గొడవ. ఈ విషయం మీద ఇద్దరు క్రికెటర్లూ ఎక్కడా ఓపెన్ స్టేట్‌మెంట్లు ఇవ్వనప్పటికీ…రోహిత్ శర్మ మాత్రం అసంతృప్తిగా ఉన్నాడని తెలిసింది. సోషల్ మీడియా(Social Media) లో కూడా రోహిత్ హార్దిక్‌ను అన్‌ఫాలో చేశాడని చెప్పారు.

హిట్మ్ మాన్ రోహిత్ కెప్టెన్సీ నుంచి తప్పించడం మీద చాలానే విమర్శలు వచ్చాయి. ఐదు సార్లు టైటిల్ అందించిన వాడిని తప్పించడమేంటి అని అందరూ గోల చేశారు. చాలా మంది మాజీ లు సైతం తీవ్రంగా విమర్శించారు. అయితే ఇప్పుడు వాటన్నింటికీ చెక్ పెట్టారు రోహిత్, హార్ధిక్‌లు. ఎవరేమనుకున్నా…మనం ఎప్పటికైనా ఒకటే అంటూ నిరూపించుకున్నారు.

ఐపీఎల్-2024(IPL-2024) సీజన్‌లో ముంబై ఇండియన్స్ తన మొదటి మ్యాచ్‌ను మార్చి 24న ఆడనుంది. దీని కోసం టీమ్ అంతా ముంబైకు చేరుకుంది. వాంఖడే స్టేడియంలో ప్రాక్టీస్ మొదలుపెట్టింది. ప్రాక్టీస్ క్యాంపులో ముంబై జట్టు తీవ్రంగా శ్రమిస్తోంది. ఈ ప్రాక్టీస్ సెషన్‌లో హార్ధిక్, రోహిత్ శర్మలు ఇద్దరూ అభిమానులు మనసులను దోచుకున్నారు. ఒకరికొకరు ఎదురు పడగానే కౌగలించుకుని…ఆప్యాయంగాఆ మాట్లాడుకున్నారు. రా అన్నా మనం మనం ఒకటే అన్నట్టు హార్దిక్, రోహిత్‌ను పట్టుకున్న విధానం చూడముచ్చటగా కనిపించింది. దీనికి సంబంధించిన వీడియోను ముంబై ఇండియన్స్ షేర్ చేసింది. ఈ వీడియో వైరల్‌గా మారింది.

Also Read : Hyderabad : రాడిసన్‌ డ్రగ్స్‌ కేసులో చిక్కిన కీలక నిందితులు

IPL: ముంబై ఇండియన్స్ కు షాకిచ్చిన హిట్ మ్యాన్ ఫ్యాన్స్.. అంత కోపం ఎందుకంటే!

Published on by

Mumbai Indians: కెప్టెన్సీ మార్పునకు సంబంధించి ముంబై ఇండియన్స్ నుంచి అనూహ్య నిర్ణయంతో హిట్ మ్యాన్ అభిమానులు షాక్ కు గురయ్యారు. ఆ జట్టును ఐదు సార్లు ఛాంపియన్ గా నిలిపిన రోహిత్ శర్మను కెప్టెన్సీ బాధ్యతల నుంచి తప్పించడాన్ని వారు జీర్ణించుకోలేకపోతున్నారు. దీంతో సోషల్ మీడియాలో ప్రతాపాన్ని చూపుతున్నారు.

రోహిత్ శర్మ స్థానంలో హార్ధిక్ పాండ్యాకు సారథ్య బాధ్యతల అప్పగింత మైదానంలో ఏమేరకు ఉపయోగపడనుందో తెలియదుగానీ, సోషల్ మీడియాలో మాత్రం ముంబై ఇండియన్స్ కు గట్టి షాకే తగిలింది. లక్షలాదిగా హిట్ మ్యాన్ అభిమానులు ఆ ఫ్రాంచైజీని వివిధ సోషల్ మీడియా వేదికల్లో అన్ ఫాలో చేస్తూ ఓ రకమైన నిరసన తెలుపుతున్నారు. అన్ ఫాలో చేస్తున్న సమయంలో రోహిత్ శర్మను కెప్టెన్ గా తొలగిస్తూ తీసుకున్న నిర్ణయం ఎంతమేరకు సహేతుకమంటూ ప్రశ్నిస్తున్నారు. కొందరు ఫ్యాన్సైతే రోహిత్ శర్మ (Rohit Sharma) కోసమే ముంబై ఇండియన్స్ పేజీలను సోషల్ మీడియాలో ఫాలో అవుతున్నామంటున్నారు.

రోహిత్ కెప్టెన్‌గా ఉన్నప్పుడు ముంబై ఇండియన్స్ కు ట్విటర్‌లో 8.6 మిలియన్ల ఫాలోవర్లు ఉండగా, ఇప్పుడది 8.2 మిలియన్లకు పడిపోయింది. అంటే 4 లక్షల మంది వరకూ ఫాలోవర్లు ట్విటర్ లో ముంబై ఫ్రాంచైజీని వీడారు. ఇన్‌స్టాగ్రామ్‌లోనూ ఇదే పరిస్థితి. అక్కడా ఫాలోయింగ్‌ క్రమంగా తగ్గుతోంది. కెప్టెన్ గా రోహిత్ ను తప్పిస్తున్నట్టు చేసిన ప్రకటనకు ముందు ఇన్‌స్టాలో ముంబై ఇండియన్స్ కు 13.1 మిలియన్ల ఫాలోవర్లు ఉండేవారు. ఇప్పుడు ఆ సంఖ్య 12.7 మిలియన్లకు చేరింది. దీంతో అత్యధిక ఫాలోవర్లున్న ఐపీఎల్ టీంల లిస్టులో ముంబై రెండో స్థానానికి పడిపోయింది. అంటే, ఒక్క రోజు వ్యవధిలోనే నాలుగు లక్షల మంది ముంబై ఇండియన్స్‌ను అన్‌ఫాలో చేసేశారు. అయితే, మొన్నటివరకు ఇన్‌స్టాలో 13 మిలియన్ల ఫాలోవర్లతో సెకండ్ ప్లేస్ లో ఉన్న సీఎస్కేకు ఇప్పుడు 13.1 మిలియన్ల ఫాలోవర్లు రావడం విశేషం.

ఇది కూడా చదవండి: సౌతాఫ్రికాతో వన్డే సిరీస్‎ నుంచి ద్రవిడ్ కు రెస్ట్.. హెడ్ కోచ్ ఎవరో తెలుసా?

ఈ సీజన్‌లో రోహిత్ శర్మ ఆడకపోతే ముంబై ఇండియన్స్‌ సోషల్ మీడియాలో మరింతమంది ఫాలోవర్లను కోల్పోయే అవకాశమూ లేకపోలేదు. రోహిత్‌ను కెప్టెన్సీ నుంచి తప్పించడంపై ఫ్యాన్స్‌ రకరకాల పోస్టులు పెడుతున్నారు. అసంతృప్తి వ్యక్తం చేస్తూ కామెంట్లు పెడుతున్నారు. ముంబై ఇండియన్స్ నుంచి ఈ ప్రకటన ఊహించలేదని చాలామంది కామెంట్ చేస్తున్నారు. ఐదు ఐపీఎల్‌ ట్రోఫీలు అందించిన ఇలాంటి కెప్టెన్‌ ముంబైకి మళ్లీ దొరకడని కొందరు ఫ్యాన్స్ కామెంట్ చేస్తున్నారు. ఈ నిర్ణయం ఫ్రాంచైజీకి భారీగా నష్టం చేకూర్చేదే అంటున్నారు. లక్షలాది మంది అభిమానులు కెప్టెన్ గా రోహిత్ తొలగింపుపై నిరుత్సాహానికి లోనయ్యారు.

మరికొందరైతే ఇక నుంచి ముంబై ఇండియన్స్ పాయింట్ల పట్టికలో కింది వరుసలోనే ఉంటుందంటూ కామెంట్లు చేస్తున్నారు. ఇక రిటైర్మెంట్ వరకూ రోహిత్ శర్మనే కెప్టెన్‌గా కొనసాగిస్తే బాగుండేదంటున్నారు మరికొందరు.

Hardik Pandya: పాండ్యా కోసం బీసీసీఐ స్పెషల్ ప్లాన్!.. వరల్డ్ కప్ లోగా టీంలోకి తిరిగొస్తాడా?

Published on by

T20 World Cup 2024: కీలక సమయాల్లో గాయాలపాలై కెరీర్‌లో బ్రేక్‌ తీసుకోవడం స్టార్‌ ఆల్‌రౌండర్‌ హార్ధిక్‌ పాండ్యా (Hardik Pandya)కు పరిపాటిగా మారింది. కీలకమైన టీ 20 ప్రపంచకప్‌కు ముందు మరోసారి చీలమండ గాయంతో అవకాశాలను జటిలం చేసుకున్నాడు హార్ధిక్‌. వన్డే వరల్డ్‌కప్‌లో లీగ్‌లో బంగ్లాదేశ్‌తో మ్యాచ్‌లో జారిపడ్డాడు. అయితే, తనకు అలవాటైన మాదిరిగానే రెట్టించిన ఉత్సాహంతో హార్ధిక్ తిరిగి టీంలో చేరేలా బీసీసీఐ స్పెషల్ కేర్ తీసుకుంటోందట!

గతంలోనూ 2021 టీ20 ప్రపంచకప్‌కు ముందు వెన్నునొప్పితో టోర్నీకి దూరమైన హార్ధిక్‌ పాండ్యా ఇప్పుడు మరోసారి గడ్డుకాలాన్ని ఎదుర్కొంటున్నాడు. ఓ దశలో వెన్నునొప్పి తీవ్రంగా వేధించడంతో ఇక కెరీర్‌ ముగిసినట్లే అని అంతా భావించారు. అయితే, అందరి అంచనాలనూ తలకిందులు చేస్తూ గోడకు కొట్టిన బంతిలా గెటాన్‌ అయ్యాడు. 2022 ఐపీఎల్‌లో అనుమానాలను పటాపంచలు చేస్తూ బ్లాస్టింగ్‌ ఇన్నింగ్స్‌తో పాటు బంతితోనూ ప్రత్యర్థులను చిత్తు చేసి గుజరాత్‌ టైటాన్స్‌కు కప్పును సాధించిపెట్టాడు. ఇంకేముంది! తగ్గేదే లేదంటూ టీ20ల్లో భారత సారథిగా ఎదిగాడు. పలు సిరీస్‌లలో జట్టును విజయపథంలో నడిపించాడు. అయితే వరల్డ్‌ కప్‌లో గాయం తర్వాత హార్ధిక్‌ ఫిట్‌నెస్‌పై ఇంకా స్పష్టత రాకపోవడం టీం మేనేజ్‌మెంట్‌ను కలవరపెడుతోంది.

ఇది కూడా చదవండి: కోహ్లీని కెప్టెన్సీ నుంచి తప్పించడంపై స్పందించిన గంగూలీ.. ఏమన్నారంటే

టీ20 ప్రపంచకప్‌ నాటికి టీంలో చేరుతాడా!
2024లో జూన్‌ 4 నుంచి పొట్టి క్రికెట్‌ వరల్డ్‌ కప్‌ స్టార్టవుతుంది. ఈ పరిస్థితుల్లో హార్ధిక్‌ జట్టుకు దూరమవడం ఆందోళన కలిగించే విషయమే. అయితే, హడావుడిగా ఇప్పుడే సిరీస్‌లకు సెలెక్ట్‌ చేయొద్దని జట్టు మేనేజ్‌మెంట్‌ భావిస్తోందట. దాంతో టీ20కి సూర్యకు​మార్‌ యాదవే కెప్టెన్‌గా కొనసాగబోతున్నాడు.

హార్దిక్‌ కోసం స్పెషల్‌ ప్లాన్‌
పొట్టి క్రికెట్‌ ప్రపంచ సమరానికి ముందు భారత్‌ రెండు టీ20 సిరీస్‌లలో మాత్రమే తలపడనుంది. సౌతాఫ్రికాతో సిరీస్‌కు సూర్యకుమార్‌ కెప్టెన్సీ బాధ్యత స్వీకరించాడు. అఫ్గనిస్తాన్‌తో సిరీస్‌కు కూడా హార్దిక్‌ను తిరిగి రప్పించకుండా నిపుణుల పర్యవేక్షణలో హై పర్ఫామెన్స్‌ ప్రోగ్రాం ఏర్పాటు చేయాలని బీసీసీఐ నిర్ణయించిందట. గతంలో శ్రేయస్‌, బుమ్రా, కేఎల్‌ రాహుల్‌ గాయపడిన సందర్భాల్లోనూ ఇలాంటి ఏర్పాట్లు చేశారు. మొత్తానికి 2024 ఐపీఎల్‌ నాటికి హార్దిక్‌ పాండ్యా తిరిగి గ్రౌండ్‌లో అడుగుపెట్టేలా ప్లాన్‌ చేస్తున్నారు.

Cricket:హార్దిక్ వెనక్కి రావడంపై బుమ్రా అసహనంగా ఉన్నాడా?

Published on by

ఆల్ రౌండర్ హార్దిక్ పాండ్యా…గత రెండేళ్ళుగా గుజరాత్ టైటాన్స్ ను పరుగెట్టించిన కెప్టెన్. రెండు సార్లు ఫైనల్స్ వరకూ తీసుకెళ్ళాడు. ఆరంభం నుంచే ఆజట్టును విజయాల బాట నడిపించాడు. అయితే అంతకు ముందు హార్దిక్ ముంబయ్ కు ఆడేవాడు. మధ్యలో అతను గాయాలబారిన పడ్డప్పుడు మంబయ్ ఫ్రాంఛైజీ అతణ్ణి వదిలించుకుంది. ఇప్పుడు మళ్ళీ మళ్ళీ బోలెండత డబ్బు ఇచ్చి మరీ వెనక్కి రప్పించుకుంది. ఈ ట్రేడింగ్ అంతా చాలా ఇంట్రెస్టింగ్ గా నడిచింది. ఐపీఎల్ చరిత్రలోనే హాట్ టాపిక్ గా కూడా నిలిచింది.

ముంబై ఇండియన్స్ ఫ్రాంఛైజీ 15 కోట్లు ఇచ్చి హార్దిక్ పాండ్యాను తీసుకుంది. దీనికి అందరూ సూపర్ హ్యాపీగా ఉన్నారు. కానీ ఒక్కరు మాత్రం చాలా అసంతృప్తిగా ఉన్నారు. అదెవరంటే..ఆ జట్టు స్టార్‌ బౌలర్‌, టీమిండియా పేసర్ జస్‌ప్రీత్‌ బుమ్రా. ఇతను మాత్రం తీవ్ర అసంతృప్తితో ఉన్నట్లు కథనాలు వెలువడుతున్నాయి. దీని వెనక అతను సోషల్ మీడియాలో పెట్టిన పోస్టే కారణం అని చెబుతున్నారు. కొన్నిసార్లు నిశ్శబ్దమే అత్యుతమ సమాధానంగా నిలుస్తుంది అంటూ బుమ్రా చేసిన పోస్ట్ వైరల్ అవుతోంది.

టీమిండియా కెప్టెన్‌, ముంబై ఇండియన్స్‌ సారథి రోహిత్‌ శర్మ టీ20లకు స్వస్తి పలకాలనే ఆలోచనలో ఉన్నాడని వార్తలు వస్తున్నాయి. ఈ నేపథ్యంలో హార్దిక్ తిరిగి ముంబైకి రావడంతో రోహిత్ తర్వాత అతనే ముంబై ఇండియన్స్ కెప్టెన్ అవుతాడు. దీన్ని అఫీషియల్ గా ఇంకా ప్రకటించకపోయినప్పటికీ అది కాయం అని చెబుతున్నారు.
ఇప్పుడు ఈ కారణమే బుమ్రాను అసహనానికి గురిచేస్తోంది. రోహిత్‌ తర్వాత ముంబైకు బుమ్రా కెప్టెన్ కావాలనుకున్నాడు. అందుకే ఇన్నాళ్ళు ఆ జట్టుతో ట్రావెల్ చేశాడు కూడా. అయితే ఇప్పుడు పాండ్యా రీ ఎంట్రీతో బుమ్రా కెప్టెన్ అయ్యే ఛాన్స్ లేదని తెలుస్తోంది. ఈ నేపథ్యంలో బుమ్రా పేరు సోషల్‌ మీడియాలో ట్రెండింగ్‌లోకి వచ్చింది. ముంబై ఇండియన్స్‌ను అన్‌ఫాలో చేసిన బుమ్రా.. ఆర్సీబీని ఫాలో అవుతున్నాడంటూ మరికొన్ని వార్తలు వస్తున్నాయి. ముంబైని వదిలేసి ఆర్సీబీతో ఒప్పందం కుదుర్చుకునేందుకు సిద్ధంగా ఉన్నాడని కూడా ఊహాగానాలు వినిపిస్తున్నాయి.

IPL: రిటెన్షన్ లిస్టులో ట్విస్టులు.. చివరికి హోం టీంకే వచ్చిన హార్ధిక్

Published on by

Hardik Pandya: అనేక ట్విస్టుల నడుమ ఐపీఎల్ కోసం వివిధ జట్లు తాజాగా రిటెన్షన్ లిస్టులను ప్రకటించాయి. హార్ధిక్ పాండ్యా ఏ జట్టుకు ఆడతాడన్న విషయంపై గుజరాత్, ముంబై టీంల మధ్య లాస్ట్ మినట్ వరకూ సస్పెన్స్ కొనసాగింది. చివరికి కొన్నాళ్లుగా జరుగుతున్న ప్రచారమే నిజమై తిరిగి ముంబై జట్టుకు బదిలీ అయ్యాడు. ట్రేడింగ్ ద్వారా ముంబై ఇండియన్స్ హార్ధిక్ పాండ్యాను దక్కించుకుంది.

ఇది కూడా చదవండి: ధోనీ ఫ్యాన్స్‎కు పండుగే.. రిటెన్షన్ లిస్టులో ‘మిస్టర్ కూల్’

ముందుగా హార్ధిక్‌ను రిటైన్‌ చేసుకుంటున్నట్లు గుజరాత్‌ టైటాన్స్‌ ప్రకటించింది. ఈ సారి ముంబై టీంకు హార్ధిక్ షిఫ్ట్ అవుతాడని భావించిన అందరూ దీంతో ఒకింత ఆశ్చర్యపోయారు. అయితే, రెండు గంటలు గడవకముందే తామే హార్దిక్‌ను దక్కించుకున్నామని ముంబై ఇండియన్స్‌ జట్టు ప్రకటించింది. ట్రేడింగ్‌ ద్వారా హార్ధిక్ ఆ జట్టులో చేరాడు. గుజరాత్‌ టైటన్స్‌కు రాకముందు హార్దిక్‌ ఆరేళ్ల పాటు ముంబై ఇండియన్స్‌ తరఫునే ఐపీఎల్ ఆడాడు.

ఇందుకోసం ముంబై యాజమాన్యం గుజరాత్‌ ఫ్రాంచైజీకి భారీ మొత్తం చెల్లించిందని తెలుస్తోంది. హార్దిక్‌కు చెల్లించే రూ.15 కోట్లతో పాటు రిలీజ్ కోసం భారీ మొత్తాన్ని ముంబై యాజమాన్యం గుజరాత్‌ కు చెల్లించనుంది. 2022లో హార్ధిక్ కెప్టెన్సీలో గుజరాత్‌ ఛాంపియన్‌గా అవతరించగా, మరుసటి ఏడాది రన్నరప్‌గా నిలిచింది. అయితే, హార్దిక్‌ బదిలీ ఎపిసోడ్ పై క్రికెట్‌ వర్గాల్లో రకరకాల చర్చలు సాగుతున్నాయి. గుజరాత్‌ యాజమాన్యంతో ఆర్ధిక పరమైన విభేదాల వల్లే తిరిగి హార్దిక్‌ ముంబై ఇండియన్స్ కు వచ్చాడని కూడా కొందరు మాట్లాడుకుంటున్నారు.