Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

Daggubati Purandeswari

Purandeswari: రాజ్యాంగ స్ఫూర్తిని దెబ్బతీసిన వారు నీతులు పలకడం హాస్యాస్పదం: పురంధేశ్వరి

Published on by

Daggubati Purandeswari: పార్లమెంట్ లో రాహుల్ గాంధీ హిందు మతాన్ని అవమనపరుస్తూ మాట్లాడారంటూ బీజేపీ ఏపీ రాష్ట్ర అధ్యక్షురాలు, రాజమహేంద్రవరం ఎంపీ దగ్గుబాటి పురంధేశ్వరి మండిపడ్డారు. ఈ మేరకు సోషల్ మీడియాలో వీడియో పోస్ట్ చేస్తూ రాహుల్ పై ఆగ్రహం వ్యక్తం చేశారు.

Also Read: పుణెలో జికా వైరస్ కలకలం‌.. ఇద్దరు గర్భవతులకు పాజిటివ్!

‘1975 వ సంవత్సరంలో దేశ వ్యాప్తంగా ఎమర్జెన్సీని విధించి రాజ్యాంగ స్ఫూర్తిని దెబ్బతీసిన వారు, అదే విధంగా వేలాది మంది సిక్కులను ఊచకోత కోసిన వారు పార్లమెంట్ లో నీతులు పలకడం హాస్యాస్పదంగా వుంది. నిన్న పార్లమెంట్ లో రాహుల్ గాంధీ గారు మాట్లాడుతూ హిందువులు అందరూ అసత్యమాడుతూ హింసకు పాల్పడుతున్నారని అంటూ దేశంలోని హిందువుల మనోభావాలను దెబ్బతీశారు. కాబట్టి రాహుల్ గాంధీ గారు వెంటనే భారతదేశానికి, హైందవ ధర్మాన్ని ఆచరిస్తున్న కోట్లాది మంది హిందువులకు క్షమాపణ చెప్పాలి’. అంటూ ట్వీట్టర్ లో పేర్కొన్నారు.

 

Purandeswari : మంత్రి బొత్స వ్యాఖ్యలకు పురంధేశ్వరి మాస్ కౌంటర్..!

Published on by

Vijayawada : బీజేపీపై మంత్రి బొత్స సత్యనారాయణ(Botsa Satyanarayana) చేసిన వ్యాఖ్యలపై బీజేపీ(BJP) రాష్ట్ర అధ్యక్షురాలు పురంధేశ్వరి(Purandeswari) మండిపడ్డారు. దేశంలో బీజేపీదే అతి పెద్ద అవినీతి చరిత్ర అని మంత్రి బొత్స చేసిన వ్యాఖ్యలకు ఆమె కౌంటర్ ఇచ్చారు. పచ్చకామెర్ల వారికి లోకం అంతా పచ్చగానే కనిపిస్తుందన్నట్లు..అవినీతి చేసే వారికి అంతా అవినీతిమయంగానే కనిపిస్తుందని ఎద్దేవా చేశారు.

Also Read: నెల్లూరులో రచ్చ..రచ్చ…పిడిగుద్దులు గుద్దుకున్న తెలుగు తమ్ముళ్లు..!

బొత్స చేసిన వోక్స్ వాగన్ స్కాం గురించి ప్రజలు ఇంకా మర్చిపోలేదన్నారు. విశాఖ రైల్వే జోన్ కు రాష్ట్రం ఇచ్చిన భూమి అనువుగా లేదని.. వంద కోట్ల పైగా కేంద్రం రైల్వేజోన్ కు ఇస్తుంటే ఎందుకు అందిపుచ్చుకో లేకపోయారని ప్రశ్నించారు. పసలేని ఆరోపణలు చేయడం ఎంతవరకు సమంజసమో ఆలోచించుకోవాలన్నారు.

Politics: వివాద రహిత రాజకీయాలకు కేరాఫ్ అడ్రస్..దగ్గుబాటి పురంధరేశ్వరి

Published on by

Special Story On Daggubati Purandeswari : ఓ సారి 2023 జులై ముందు నాటి విషయాలను గుర్తు చేసుకుందాం. ఏపీ(Andhra Pradesh) లో బీజేపీ(BJP) తన ఉనికి కోసం తీవ్రంగా ప్రయత్నిస్తున్న రోజులవి. ఏపీ బీజేపీ చీఫ్‌గా గతంలో అనేకమంది బాధ్యతలు చేపట్టిన పార్టీకి పెద్దగా మైలేజ్‌ రాలేదు. ఆ సమయంలోనే పార్టీ చీఫ్‌ను మార్చాలని హైకమాండ్‌ గట్టిగా డిసైడ్ అయ్యింది. ముందుగా సుజనాచౌదరి అనుకున్నారు.. తర్వాత సత్యకుమార్‌ అన్నారు.. కానీ ఏపీ బీజేపీ చీఫ్‌గా 2023 జులై 4న పురందేశ్వరి(Purandeswari) ని నియ‌మిస్తూ ఉత్తర్వులు జారీ అవ్వడంతో అంతా షాక్‌ అయ్యారు.

వాక్ చాతుర్యం ఎక్కువ…
క్రికెట్‌లో కంకషన్ ప్లేయర్ తరహాలో ఆమె సడన్‌ ఎంట్రీ ఏపీ బీజేపీలో ఆనాడు ఫుల్‌ జోష్‌ నింపిందనే చెప్పాలి. ఎందుకంటే దెబ్బతగిలి ఉన్న ఆటగాడి స్థానంలో కంకషన్‌ ప్లేయర్‌ ఎలా అయితే బరిలోకి దిగుతాడో.. పురందేశ్వరి కూడా అలానే ఎదురుదెబ్బలు తగిలున్న పార్టీని నిలబెట్టేందుకు రంగంలోకి దూకారు. ఆమెకు ఈ బాధ్యతలు అప్పగించడానికి అనేక కారణాలు ఉన్నాయి. పురందేశ్వరి మాటల్ని పొదుపుగా వాడతారు. మాస్‌ని అట్రాక్ట్ చేస్తారు. వాక్‌ చాతుర్యం ఎక్కువ. అన్నీటికంటే ముఖ్యంగా కేంద్రంలోని పెద్దలతో ఆమెకు చాలా మంచి సంబంధాలున్నాయి. అటు కాంగ్రెస్‌తోనూ సన్నిహిత సంబంధాలున్నాయి. మ‌న్మోహ‌న్‌సింగ్ కేబినెట్‌లో మంత్రిగా కూడా ప‌ని చేసిన అనుభవం ఆమె సొంతం. ఇలా ఏ విధంగా చూసిన పురందేశ్వరి ఈ పొజిషన్‌కి సరిపోతారని బీజేపీ పెద్దలు భావించారు. అందుకే ఆమెకు ఈ కొత్త బాధ్యతలు అప్పగించారు.

ఎన్టీయార్ కూతురుగా పరిచయం..
ఎన్టీఆర్‌(NTR), బసవతారకంల కూతురు పురందేశ్వరీ. 1959లో ఏప్రిల్‌ 22న ఆమె చెన్నైలో జన్మించారు. పురందేశ్వరీకి చిన్నతనంలో నాట్యంపై ఆసక్తి ఎక్కువగా ఉండేది, కూచిపూడి లాంటి సాంప్రదాయ నృత్యాలను ఆమె నేర్చుకున్నారు. సౌత్ ఇండియన్ ఎడ్యుకేషనల్ ట్రస్ట్ అండ్ విమెన్ కాలేజీలో బీఏలో లిటరేచర్ పూర్తి చేసిన పురందేశ్వరీ.. ఆ తర్వాత గేమాలాజికల్ ఇన్‌స్టిట్యూట్ ఆఫ్ ఇండియాలో చేరి గేమాలజీ కంప్లీట్ చేశారు.

దగ్గుబాటి కోడలిగా ఫేమస్..
దగ్గుబాటి వెంకటేశ్వరరావుతో పురందరేశ్వరి వివాహం 1979 మే 9న జరిగింది. 1985లో పురందేశ్వరీ తల్లి బసవతారకమ్మ కన్నుమూశారు. అప్పటికీ టీడీపీ పార్టీ ఏపీలో రూలింగ్‌లో ఉంది. ఎన్టీఆర్‌ సీఎంగా ఉన్నారు. ఆ తర్వాత పరిణామాలు నిదానంగా మారుతూ వచ్చాయి. లక్ష్మీపార్వతిని ఎన్టీఆర్‌ పెళ్లి చేసుకోవాడాన్ని పురందేశ్వరీ వ్యతిరేకించారంటారు రాజకీయ నిపుణులు. చంద్రబాబు పక్షాన నిలబడి 1995లో నాటి వైస్రాయ్ ఘటనలో ఎన్టీఆర్‌ గద్ద దిగిపోవడానికి పురందేశ్వరి కూడా ఓ కారణమని విశ్లేషకులు చెబుతుంటారు. అయితే ఆ తర్వాత చంద్రబాబుతో విబేధాల కారణంగా పురందేశ్వరి- వెంకటేశ్వర్లు టీడీపీ నుంచి బయటకు వచ్చారు. 1999లో కాంగ్రెస్‌లో చేరారు.

వైఎస్‌ను ఆశ్చర్యపరిచిన పురంధరేశ్వరి..
రాజకీయాల్లో చేరిన తర్వాత పురందేశ్వరీ క్రేజ్‌ అమాంత పెరిగింది.. ఆమె ఫాలోయింగ్ చూసి నాడు వైఎస్సార్‌తో పాటు రాజశేఖర్ రెడ్డి సైతం ఆశ్చర్యపోయేవారట. అందుకే 2004 ఎంపీ అభ్యర్థిగా వెంకటేశ్వర్లను కాకుండా బాపట్ల లోక్‌సభ నియోజకవర్గం నుంచి రామానాయుడుకి పోటిగా పురందేశ్వరీని రంగంలోకి దించారు. ఈ ఎన్నికల్లో పురందేశ్వరీ గెలుపొందారు. 2004-2005 బెస్ట్ పార్లమెంటేరియన్‌ అవార్డు అందుకున్న పురందేశ్వరీ పనితీరు పట్ల సోనియాగాంధీ మెస్‌మరైజ్‌ అయ్యారు. అందుకే మన్మోహన్ క్యాబినెట్‌ కేంద్ర న్యాయశాఖ మంత్రిగా ఆమెను నియమించారు. 2009లో విశాఖ నుంచి ఎంపీగా గెలిచిన పురందేశ్వరీ ఆ తర్వాత మరోసారి మన్మోహన్‌ క్యాబినెట్‌లో మంత్రిగా పని చేశారు. ఏపీ విభజన తర్వాత కాంగ్రెస్‌ నుంచి బీజేపీలో చేరారు పురందేశ్వరీ!

Also Read:Viral Video: ముద్దుగా చిన్న పిల్లల్లా మారిపోయిన దేశాధినేతలు..వీడియో వైరల్

BJP-Janasena: జనసేన మా మిత్ర పక్షమే.. పురందేశ్వరి కీలక వ్యాఖ్యలు!

Published on by

AP BJP Chief Purandeswari: ఏపీ రాజకీయాల్లో కీలక పరిణామాలు చోటు చేసుకుంటున్నాయి. బీజేపీ రాష్ట్ర అధ్యక్షురాలు పురందేశ్వరితో (Daggubati Purandeswari) జనసేన పీఏసీ ఛైర్మన్‌ నాదేండ్ల మనోహర్‌ (Nadendla Manohar) భేటీ ఈ రోజు భేటీ అయ్యారు. పొత్తులపై పురందేశ్వరితో నాదేండ్ల చర్చించినట్లు తెలుస్తోంది. ఎన్నికల సమయం దగ్గరపడుతుండటంతో పొత్తులపై త్వరగా తేల్చే యోచనలో జనసేన (Janasena) ఉంది. ఇప్పటికే వైసీపీ అభ్యర్థుల ఎంపికపై కసరత్తు ప్రారంభించింది. ఈ నెలఖారుకు పొత్తులపై స్పష్టమైన ప్రకటన వచ్చే అవకాశం ఉన్నట్లు సమాచారం.

ALSO READ: హైదరాబాద్ లో లీటర్ పెట్రోల్ ధర రూ.160!

ఏపీ చీఫ్ పురందేశ్వరి కామెంట్స్…

జనసేన పీఏసీ ఛైర్మన్‌ నాదేండ్ల మనోహర్ ఈ రోజు బీజేపీ చీఫ్ పురందేశ్వరి తో భేటీ అయ్యారు. అనంతరం ఆమె మీడియాతో మాట్లాడారు. ఆమె మీడియాతో మాట్లాడుతూ.. జనసేన తమ మిత్ర పక్షమే అని మరోసారి స్పష్టం చేశారు. నాదెండ్ల తో భేటీ మర్యాద పూర్వకమే అని అన్నారు. శివప్రకాష్ జీ ని కలవడానికే మనోహర్ వచ్చినట్లు తెలిపారు. షర్మిల కాంగ్రెస్ లో చేరడంపై ఆమె స్పందించారు.

షర్మిల ఏ పార్టీ లో చేరితే తమకెందుకు అని అన్నారు. మా పార్టీ బలోపేతం కోసం మేము పని చేస్తాం అని అన్నారు. పొత్తు లతో పాటు పార్టీ బలోపేతం పై నాదెండ్లతో చర్చించినట్లు ఆమె పేర్కొన్నారు. పొత్తు ల పై మా అభిప్రాయాలను అధిష్టానానికి వివరిస్తామన్నారు. పొత్తు ల పై అంతిమ నిర్ణయం బీజేపీ అధిష్టానం తీసుకుంటుందని తేల్చి చెప్పారు.

ALSO READ: తెలంగాణలో రెండు ఎమ్మెల్సీ స్థానాలకు నోటిఫికేషన్

ఏపీ బీజేపీ కోర్‌ కమిటీ భేటీ..

ఇవాళ ఏపీ బీజేపీ (AP BJP) కోర్‌ కమిటీ సమావేశం అయింది. ఈ సమావేశానికి ఏపీ ఇన్‌ఛార్జ్‌ తరుణ్‌చుగ్‌ హాజరయ్యారు. కోర్‌ కమిటీ సమావేశంలో పొత్తులపై చర్చ జరిగిందని సమాచారం. సమావేశం ముగియగానే పురందేశ్వరితో జనసేన నేత నాదేండ్ల మనోహర్ సమావేశం కావడంతో ఒక్కసారిగా ఏపీ రాజకీయాల్లో హాట్ టాపిక్ గా మారింది. ఏపీలో ఇప్పటికే టీడీపీ, జనసేన మధ్య పొత్తు కుదిరిన విషయం తెలిసిందే. ఎన్డీయేలో (NDA) భాగస్వామిగా జనసేన ఉన్న విషయం తెలిసిందే. కానీ, టీడీపీ మాత్రం ఎన్డీయేలో లేదు. అయితే టీడీపీ కూడా ఎన్డీయేలో త్వరలో చేరుతున్నట్లు వార్తలు వస్తున్నాయి. వచ్చే ఏపీ అసెంబ్లీ ఎన్నికల్లో జనసేన, బీజేపీ, టీడీపీ కలిసి పోటీ కూడా చేస్తాయనే వార్తలు కూడా వెల్లువడ్డాయి. దీనిపై అధికారిక ప్రకటన ఎక్కడ రాలేదు.

Andhra Pradesh: ఏపీలో 2014 సీన్ రీపీటేనా? పురంధేశ్వరి కామెంట్స్‌కి అర్థం అదేనా?!

Published on by

Andhra Pradesh Elections: ఆంధ్రప్రదేశ్‌లో ఎన్నికలు సమీపిస్తున్న వేళ.. ప్రధాన పార్టీలు పొత్తుల కోసం కసరత్తులు చేస్తున్నారు. ముఖ్యంగా జనసేన(Janasena), టీడీపీ(TDP), బీజేపీ(BJP) మధ్య పొత్తుల అంశంలో దోబూచులాట నడుస్తోంది. ఈ మూడు పార్టీల పొత్తుల అంశం ఏపీలో హాట్ టాపిక్‌గా నడుస్తున్న వేళ.. ఏపీ బీజేపీ అధ్యక్షురాలు పురంధేశ్వరి(Daggubati Purandeswari) ఇంట్రస్టింగ్ కామెంట్స్ చేశారు. ఓవైపు జనసేన-టీడీపీ పొత్తు ఇప్పటికే ఖరారు కాగా.. ఇప్పుడు జనసేనతో తమ పొత్తు కొనసాగుతోందని పురంధేశ్వరి ప్రకటించారు. దీంతో ఈ అంశంపై ఏపీ పాటిలిక్స్‌లో సంచనలం రేపుతోంది. ఏపీలో ఏం జరుగుతోంది? 2014 నాటి పాలిటిక్స్ మళ్లీ పునరావృతం అవుతాయా? అనే చర్చ నడుస్తోంది.

జనసేనతో తమ పొత్తు కొనసాగుతుందని, టీడీపీతో పొత్తుపై అధిష్టానానిదే తుది నిర్ణయమని బీజేపీ రాష్ట్ర అధ్యక్షురాలు దగ్గుబాటి పురందేశ్వరి అన్నారు. కాకినాడలో శుక్రవారం పర్యటించిన ఆమె రామారావుపేటలో కొత్తగా నిర్మించిన పార్టీ కార్యాలయాన్ని ప్రారంభించారు. ఈ సందర్భంగా మాట్లాడుతూ టీడీపీతో పొత్తు విషయాన్ని తమ అధినాయకత్వం చూసుకుంటుందన్నారు. ఇదే సమయంలో రాష్ట్ర ప్రభుత్వం తీరుపై తీవ్ర విమర్శలు చేశారు పురంధేశ్వరి. నాణ్యత లేని మద్యం, ఇసుక అక్రమాలపై బీజేపీ పోరాటం కొనసాగుతుందని స్పష్టంచేశారు. టీటీడీ నిధులు ధార్మిక కార్యక్రమాల కోసమే వెచ్చించాలని డిమాండ్ చేశారు. ఎవరు ప్రజల కోసం గొంతెత్తినా జగన్ అణచివేస్తారని, పరదాల చాటున తిరిగే ముఖ్యమంత్రి మనకు అవసరమా అని వ్యాఖ్యానించారు.

Also Read:

అభయహస్తం అప్లికేషన్‌పై అనేక సందేహాలు.. సమాధానం ఏది?!

టీడీపీ బీసీ మంత్రం.. జనవరి 4 నుంచి ‘జయహో బీసీ’..

Janasena BJP alliance: జనసేనతో పొత్తుపై పురంధేశ్వరి సంచలన వ్యాఖ్యలు.. పవన్‌ క్యాడర్‌లో టెన్షన్!

Published on by

Jansena BJP alliance: ఏపీలో రాజకీయాలు చిత్రవిచిత్రంగా ఉన్నాయి. అధికార వైసీపీ సంగతి పక్కనపెడితే రానున్న ఎన్నికల్లో ఎలాగైనా జగన్‌ సర్కార్‌ని గద్దె దింపడమే టార్గెట్‌గా పెట్టుకున్న జనసేన, టీడీపీ పార్టీలు పొత్తుల విషయంలో క్యాడర్‌ని అయోమయానికి గురి చేస్తున్నాయని విశ్లేషకులు అభిప్రాయపడుతున్నారు. ఎందుకంటే ఓవైపు బీజేపీతో పొత్తులో ఉన్న జనసేన.. కమలం పార్టీ పెద్దల అనుమతి లేకుండానే టీడీపీతో కలిసి ముందుకు వెళ్తామని ప్రకటించడం సంచలనం సృష్టించింది. ఏపీ స్కిల్ స్కామ్‌ కేసులో చంద్రబాబు అరెస్ట్ అవ్వడం.. ఈ మాజీ సీఎంని రాజమండ్రి జైల్లో పవన్‌ కళ్యాణ్‌ కలవడం.. వెంటనే టీడీపీతో కలిసి పని చేస్తామని ప్రకటించడం చకచకా జరిగిపోయాయి. ప్రస్తుతం పవన్‌ వారాహి యాత్రలో ఉన్నారు. నిన్ననే మచిలీపట్నం టీడీపీ నేతలతో మీటింగ్‌ పెట్టారు. బీజేపీ కలిసి వచ్చినా రాకున్నా టీడీపీకి మాత్రం సపోర్ట్ ఉంటుందని తెలుగుదేశం నేతలతో పవన్‌ చెప్పారు. ఇక జరుగుతున్న పరిణామాలపై ఆచితూచీ మాట్లాడుతూ వస్తోన్న ఏపీ బీజేపీ చీఫ్‌ పురంధేశ్వరి పొత్తులపై ఆసక్తికర వ్యాఖ్యలు చేశారు.

 

పురంధేశ్వరి ఏం అన్నారంటే:

➼ పవన్ చేసే ప్రతి కామెంటుపై నేను స్పందించాల్సిన అవసరం లేదు.

➼ పొత్తులపై పవన్ ప్రకటన.. ఆయన అభిప్రాయాలను జాతీయ నాయకత్వం దృష్టికి తీసుకెళ్తాం.

➼ పొత్తులు.. పవన్ కామెంట్ల విషయంలో జాతీయ పార్టీ సూచనల మేరకు వ్యవహరిస్తాం.

➼ ప్రస్తుతం పవనుతో పొత్తు కొనసాగుతుందా..? లేదా..? అనే అంశం పైనా జాతీయ నాయకత్వమే చెప్పాలి.

➼ పొత్తులపై పవన్ తన అభిప్రాయాన్ని చెప్పారు.. మా అభిప్రాయాన్ని జాతీయ నాయకత్వమే చెబుతుంది.

➼ మాది ప్రాంతీయ పార్టీ కాదు.. జాతీయ పార్టీ.

➼ ప్రధాని పుట్టిన రోజు సందర్భంగా సేవా పక్షోత్సవాల ఎలా జరిగాయనే అంశంపై విశ్లేషించుకున్నాం.

➼ మండల ప్రవాస్ కార్యక్రమంలో భాగంగా పార్టీ బలోపేతం కోసం కృషి చేశాం.

➼ త్వరలో రాష్ట్ర కార్యవర్గం జరుగుతుంది.. జేపీ నడ్డా హాజరు కానున్నారు.

➼ మద్యం మీద, గ్రామ పంచాయతీ రాజ్ సంస్థల నిధుల మళ్లింపుపై ఆందోళనలు చేపట్టాం.

➼ కేంద్ర బృందం వచ్చి.. నిధుల మళ్లింపుపై విచారణ చేపట్టింది.

➼ ఏపీలో స్థానిక సంస్థల నిధుల మళ్లింపు జరిగిందని కేంద్ర బృందం నిర్దారణకు వచ్చింది.

➼ నాణ్యత లేని మద్యం వల్ల లివర్ సిరోసిస్ వ్యాధి పెరిగిందని.. కేజీహెచ్ వైద్యులు స్పష్టం చేశారు.

నెక్ట్స్ ఏం జరగబోతోంది?
పురంధేశ్వరి చేసిన వ్యాఖ్యల బట్టి జనసేనతో పొత్తు నిర్ణయం అల్టిమేట్‌గా హైకమాండ్‌దేనని స్పష్టం అవుతోంది. ఓవైపు పవన్‌ సైతం బీజేపీ తమతో వస్తుందా రాదా అన్న విషయాన్ని లైట్‌ తీసుకుంటున్నట్టు కనిపిస్తుందని రాజకీయ విశ్లేషకులు అభిప్రాయపడుతున్నారు. అటు బీజేపీ హైకమాండ్‌ చంద్రబాబు ఎపిసోడ్‌లో అసలేమీ పట్టనట్టే కనిపిస్తోంది. అసలు రియాక్ట్ అవ్వడం లేదు. ఇక బీజేపీ సహకరించినా సహకరించకపోయినా టీడీపీతోనే కలిసి పనిచెస్తామని పవన్‌ చెప్పినట్టు మాజీ ఎంపీ కొనకళ్ల నారాయణ కామెంట్స్ చేశారు. పొత్తుపై బిజెపి స్పందించేంత వరకు టిడిపి, జనసేన కలిసి ప్రభుత్వ వ్యతిరేక విధానాలపై ఎండగడతుందని చెప్పారు. అంటే జనసేన, టీడీపీ పొత్తు విషయంలో చాలా స్ట్రాంగ్‌గా ఓ నిర్ణయానికి వచ్చేసినట్టు క్లియర్‌కట్‌గా అర్థమవుతోంది. ఇదే సమయంలో జాతీయ నాయకత్వమే పొత్తులపై నిర్ణయం తీసుకుంటుందని పురంధేశ్వరి చెప్పడం ప్రాధాన్యతను సంతరించుకుంది.

ALSO READ: ‘బీజేపీ సహకరించినా సహకరించకపోయినా టీడీపీతోనే’.. పవన్‌ ఏం అన్నారంటే?