Sanju Samson: ఊతికారేశాడు మావా.. సంజూ శాంసన్ విధ్వంసం!

ఆసియా కప్‌-2025కు ముందు సంజూ శాంసన్ కేరళ క్రికెట్ లీగ్‌లో తన బ్యాటింగ్ సత్తా చాటాడు. కొచ్చి బ్లూ టైగర్స్‌ తరపున ఏరీస్ కొల్లం సెయిలర్స్ తో జరిగిన మ్యాచ్ లో  కేవలం 42 బంతుల్లోనే అద్భుతమైన సెంచరీ సాధించాడు. అతని ఇన్నింగ్స్‌లో 14 ఫోర్లు, 7 సిక్సర్లు ఉన్నాయి. మొత్తం 51 బంతుల్లో 121 పరుగులు చేశాడు. అయితే చివర్లో సంజూ శాంసన్ ఔట్ అయినప్పటికీ ముహమ్మద్ ఆశిక్  (18 బంతుల్లో 45)చివరి బంతికి సిక్సర్ కొట్టి జట్టుకు విజయాన్ని అందించాడు. 

Also Read :  Madharaasi Trailer: ఏఆర్ మురుగదాస్ మరో యాక్షన్ థ్రిల్లర్.. 'మదరాశి' ట్రైలర్ అదిరింది!

- Kerala Cricket League.
- Kochi Blue Tigers Chasing 237 runs.
- Sanju Samson Hundred.
- 6 runs needed in the final ball.
- Ashik hit a Six.

A BLOCKBUSTER IN KCL...!!!!!! 😍 pic.twitter.com/a7fhmFPkRr

— Johns. (@CricCrazyJohns) August 24, 2025

5 వికెట్ల నష్టానికి 236 పరుగులు

టాస్ గెలిచి ఫీల్డింగ్ ఎంచుకున్న కొచ్చి బ్లూ టైగర్స్ కెప్టెన్ నిర్ణయం కాస్త విఫలమైంది.  ఏరీస్ కొల్లం సెయిలర్స్ మొదట బ్యాటింగ్ చేసి, నిర్ణీత 20 ఓవర్లలో 5 వికెట్ల నష్టానికి 236 పరుగులు చేసింది. ఆ జట్టులో విష్ణు వినోద్ (94 పరుగులు), సచిన్ బేబీ (91 పరుగులు) అద్భుతంగా రాణించారు. వారిద్దరూ కలిసి దాదాపు 170 పరుగుల భాగస్వామ్యాన్ని నెలకొల్పారు.  అయితే  భారీ లక్ష్యాన్ని ఛేదించే క్రమంలో కొచ్చి బ్లూ టైగర్స్ తరపున సంజూ శాంసన్ విధ్వంసం సృష్టించాడు. మొదట్నుంచీ అతను బౌండరీలు, సిక్సర్లతో విరుచుకుపడ్డాడు. 

Also Read : Hyderabad: లవర్తో కలిసి మొగుణ్ని లేపేసింది బండరాయితో.. హైదరాబాద్లో మరో దారుణం!

 కేవలం 51 బంతుల్లో 14 ఫోర్లు, 7 సిక్సర్లతో 121 పరుగులు చేశాడు. చివరి ఓవర్‌లో 17 పరుగులు అవసరమైన దశలో, ముహమ్మద్ ఆశిక్ ఆఖరి బంతికి సిక్సర్ కొట్టి తన జట్టుకు 4 వికెట్ల తేడాతో విజయాన్ని అందించాడు. ఆశిక్ కేవలం 18 బంతుల్లో 45 పరుగులు చేసి అజేయంగా నిలిచాడు. సంజూ శాంసన్  మ్యాన్ ఆఫ్ ది మ్యాచ్ గా నిలిచాడు. ఆసియా కప్ కు ముందు ఈ సెంచరీ సామ్సన్ కు గొప్ప ఉత్సాహాన్నిచ్చింది. ఈ మ్యాచ్ ఫలితంతో కొచ్చి బ్లూ టైగర్స్ పాయింట్ల పట్టికలో అగ్రస్థానానికి చేరుకుంది. 

Also Read :   Stray Dogs: కేంద్రం సంచలన నిర్ణయం.. దేశవ్యాప్తంగా వీధి కుక్కలకు వ్యాక్సినేషన్.

ఆసియా కప్ 2025 టోర్నమెంట్ సెప్టెంబర్ 9 నుండి 28 వరకు యునైటెడ్ అరబ్ ఎమిరేట్స్ (UAE)లోని దుబాయ్, అబుదాబి స్టేడియాలలో జరుగుతుంది.వాస్తవానికి ఈ టోర్నమెంట్‌కు భారత్ ఆతిథ్యం ఇవ్వాల్సి ఉంది, కానీ పాకిస్తాన్‌తో ఉన్న దౌత్యపరమైన సమస్యల కారణంగా UAEలో నిర్వహిస్తున్నారు.ఈ టోర్నమెంట్ T20 ఫార్మాట్‌లో జరుగుతుంది. రాబోయే 2026 T20 ప్రపంచ కప్‌ను దృష్టిలో ఉంచుకుని ఈ నిర్ణయం తీసుకున్నారు.

Also Read :  Stray Dogs: కేంద్రం సంచలన నిర్ణయం.. దేశవ్యాప్తంగా వీధి కుక్కలకు వ్యాక్సినేషన్