Maoist Anant: నిన్న లేఖ రాశాడు..ఈ రోజు లొంగిపోయాడు..ఎంఎంసీ జోన్‌ ప్రతినిధి అనంత్ సరెండర్‌

Maoist Anant: జనవరి 1న సామూహికంగా లొంగిపోతామని అప్పటివరకు సమయం ఇవ్వాలని లేఖ రాసిన మావోయిస్టు నేత, ఎంఎంసీ(మహారాష్ట్ర-మధ్యప్రదేశ్‌-ఛత్తీస్‌గఢ్‌) జోన్‌ ప్రతినిధి అనంత్‌ ఎలియాస్‌ వికాస్‌ సడన్‌గా పోలీసుల ఎదుట లొంగిపోవడం(Maoist surrender) మావోయిస్టులకు మరో ఎదురుదెబ్బ తగిలింది. జనవసంచలనంగా మారింది. ఆయనతో పాటు మరో11 మంది మావోయిస్టులు ఆయుధాలతో సహా మహారాష్ట్ర(maharastra) లోని గోండియా జిల్లా దారేక్ష పోలీస్‌స్టేషన్‌లో లొంగిపోయారు. అనంత్‌పై ఐదు రాష్ట్రాల్లో కలిపి రూ.కోటి రివార్డు ఉందని పోలీసులు తెలిపారు. - Anti-Maoist Operation

Also Read :  భారత్‌కు పుతిన్.. మరో అయిదు S-400 స్క్వాడ్రన్ల కొనుగోలుకు సిద్ధం

MMC Zone Representative Anant Surrenders

ఇక అనంత్‌తో పాటు లొంగిపోయిన వారిలో ఎంఎంసీ ఇంఛార్జి, విస్తార్‌ మూడో ప్లటూన్‌ కమాండర్‌ సురేంద్ర ఎలియాస్‌ మద్వి సీమ సైతం తదితరులు ఉన్నారు. ఈయనపై రూ.60 లక్షల రివార్డు ఉంది. లొంగిపోయిన మొత్తం 11 మంది మావోయిస్టుల పేరుపై మూడురాష్ట్రాల్లో మొత్తం రూ.2 కోట్ల రివార్డు ఉన్నట్లు పోలీసులు వివరించారు.

అయితే జనవరి 1న ఆయుధాలు విడిచి లొంగిపోతామని, ఒక్కొక్కరు బదులుగా అందరం ఒకేసారి లొంగిపోతామని అనంత్‌ పేరిట ఇటీవలే లేఖ విడుదలైంది. అయితే ఆయన లేఖ రాసి 24 గంటలు కాకముందే 10 మందితో కలిసి ఆయన లొంగిపోవడం గమనార్హం. కాగా మావోయిస్టు అగ్రనేతలు మల్లోజుల, ఆశన్న లొంగుబాటు, హిడ్మా ఎన్‌కౌంటర్‌తో పార్టీ బలహీనమైంది. మరోవైపు ఇతర అగ్రనేతలు కూడా పోలీసుల అదుపులో ఉన్నట్లు ప్రచారం సాగుతోంది. అలాగే మిగిలిన మావోయిస్టులు లొంగిపోవాలని కేంద్రం విజ్ఞప్తి చేయడంతో ఈ నిర్ణయం తీసుకున్నట్లు అనంత్‌ ఈరోజు విడుదల చేసిన లేఖలో పేర్కొన్నారు.కాగా ఆయన రాసిన లేఖలో 2026 జనవరి 1న సాయుధ పోరాటాన్ని విరమించుకుంటామన్నారు. ఆయుధాలు అప్పగించి ప్రభుత్వ పునరావాసాన్ని అంగీకరిస్తామని లేఖలో పేర్కొన్నారు. తమకు సహకరించే రాష్ట్రంలో లొంగిపోవడానికి సిద్ధమని ప్రకటించారు. కానీ ఇంతలోనే లొంగిపోవడం గమనార్హం.

Also Read :  అయ్యప్ప భక్తులకు గుడ్‌న్యూస్.. కేంద్రం కీలక నిర్ణయం