Delhi Toxic Air: ఢిల్లీలో రెడ్ జోన్.. పండగపూట గాల్లో ప్రమాద హెచ్చరికలు

ఢిల్లీలో పొల్యూషన్ డేంజర్ బెల్స్ మోగిస్తోంది. రాజధాని ప్రాంతంలో ఎయిర్ క్వాలిటీ(Delhi Toxic Air) రోజురోజుకు దిగజారుతుండటంతో కేంద్రం 'గ్రేడెడ్ రెస్పాన్స్ యాక్షన్ ప్లాన్'లోని రెండో దశ నిబంధనలు ఆదివారం సాయంత్రం నుంచి అమలులోకి తెచ్చింది. అయినా గాల్లో కాలుష్యం విపరీతంగా పెరిగిపోయింది. సోమవారం ఉదయం 7.30 గంటల నాటికి ఢిల్లీ ఎయిర్ క్వాలిటీ ఇండెక్స్ (AQI) "చాలా పేలవమైన" విభాగంలో 335కు చేరింది. ఇది చాలా చెక్ పాయింట్లలో 300 కంటే ఎక్కువ స్థాయి నమోదైంది. కమిషన్ ఫర్ ఎయిర్ క్వాలిటీ మేనేజ్‌మెంట్ ఆదివారం GRAP 2 స్టేజ్ అమలు చేసినప్పటికీ గాలి నాణ్యత క్షీణించడం జరిగింది.

ఆనంద్ విహార్ ప్రాంతంలో గాలిలో కాలుష్యం విపరీతంగా పెరిగిపోయింది. AQI 417 కి పడిపోయింది.

ఇంతలో, న్యూఢిల్లీ ప్రాంతంలో AQI 367 వద్ద, విజయ్ నగర్ (ఘజియాబాద్) 348 వద్ద, నోయిడా 341 వద్ద, నోయిడా సెక్టార్ 1 344 వద్ద మరియు గురుగ్రామ్ 283 వద్ద ఉంది.

Also Read :  రష్యా చమురు తగ్గించండి లేదంటే..భారత్ కు ట్రంప్ హెచ్చరిక

GRAP-2 కింద ప్రధాన ఆంక్షలు:

డీజిల్ జనరేటర్లపై పరిమితులు: నివాస, వాణిజ్య, పారిశ్రామిక అవసరాలకు డీజిల్ జనరేటర్ల వినియోగాన్ని (నిరంతరాయ విద్యుత్ సరఫరా ఉన్నచోట) నియంత్రిస్తారు.
నిర్మాణ, కూల్చివేత పనులపై కఠిన చర్యలు: దుమ్ము కాలుష్యాన్ని నియంత్రించడానికి నిర్మాణ స్థలాలలో తనిఖీలను ముమ్మరం చేస్తారు.
రోడ్ల శుభ్రత: దుమ్ము కాలుష్యాన్ని తగ్గించేందుకు ఎంపిక చేసిన రోడ్లపై ప్రతిరోజూ యాంత్రికంగా ఊడ్చడం, నీరు చల్లడం చేస్తారు.
రవాణా నియంత్రణ:వ్యక్తిగత వాహనాల వినియోగాన్ని తగ్గించడానికి పార్కింగ్ రుసుములను పెంచడం, మెట్రో, బస్సు సర్వీసుల ఫ్రీక్వెన్సీని పెంచడం వంటి చర్యలు తీసుకుంటారు.
బొగ్గు, వంటచెరకు వాడకం నిషేధం: హోటళ్లు, రెస్టారెంట్లు సహా అన్నిచోట్ల బొగ్గు లేదా వంటచెరకు వినియోగాన్ని నిషేధిస్తారు.

GRAP-1 ఆంక్షలు ఇప్పటికే అమలులో ఉండగా, ఇప్పుడు GRAP-2 నిబంధనలు అదనంగా చేరాయి. దీపావళి సందర్భంగా టపాసుల వినియోగం, పొరుగు రాష్ట్రాలలో పంట వ్యర్థాల దహనం వంటి అంశాల వల్ల గాలి నాణ్యత మరింత దిగజారే ప్రమాదం ఉందని అధికారులు ఆందోళన వ్యక్తం చేస్తున్నారు. ప్రజలు వ్యక్తిగత వాహనాల వినియోగాన్ని తగ్గించి, ప్రజా రవాణాను ఉపయోగించాలని, కాలుష్య నియంత్రణకు సహకరించాలని CAQM విజ్ఞప్తి చేసింది. ముఖ్యంగా వృద్ధులు, పిల్లలు మరియు శ్వాసకోశ సమస్యలు ఉన్నవారు బయటకు వెళ్లకపోవడం మంచిదని ఆరోగ్య నిపుణులు సూచిస్తున్నారు.

Also Read :  ప్రధాని మోదీ దీపావళి విషెస్!