/rtv/media/member_avatars/2025/09/12/2025-09-12t124405412z-whatsapp-image-2025-09-12-at-60755-pm-2025-09-12-18-14-07.jpeg )
/rtv/media/media_files/2026/01/21/union-budget-2026-01-21-21-03-35.jpg)
Follow Us
Budget 2026-27: దాదాపు మరో పది రోజుల్లో (ఫిబ్రవరి 1న) యూనియన్ బడ్జెట్ 2026(Budget 2026) పార్లమెంట్లో ప్రవేశపెట్టనుంది కేంద్రం. ఇది డిఫెన్స్ రంగంలో గేమ్ ఛేంజర్ కాబోతుందని విశ్లేషకులు భావిస్తున్నారు. యుద్ధంలో పాత పద్దతుల నుంచి ఆర్టిఫిషియల్ ఇంటెలిజెన్స్(Artificial Intelligence) టెక్నాలజీ యుద్ధ రంగానికి భారత్ మారుతున్న క్రమంలో ఈ బడ్జెట్ అత్యంత కీలకం కానుంది.
ప్రస్తుతం ప్రపంచవ్యాప్తంగా నెలకొన్న భౌగోళిక రాజకీయ ఉద్రిక్తతలు, పొరుగు దేశాల నుండి పొంచి ఉన్న సవాళ్ల దృష్ట్యా రక్షణ రంగానికి భారీ కేటాయింపులు ఉండవచ్చని అంచనా. భవిష్యత్తు యుద్ధాలు కేవలం సరిహద్దుల్లోనే కాకుండా సైబర్, అంతరిక్షం, ఏఐ డొమైన్లలో జరుగుతాయని భారత్ గుర్తించింది. శత్రువుల కదలికలను గుర్తించేందుకు, దాడి చేసేందుకు వందలాది డ్రోన్లు కలిసి పనిచేసే టెక్నాలజీపై ప్రభుత్వం ఫోకస్ పట్టనుంది. యుద్ధంలో వెనువెంటనే నిర్ణయాలు తీసుకునేందుకు, శత్రువుల లక్ష్యాలను ఖచ్చితంగా వేటాడేందుకు ఏఐ సాఫ్ట్వేర్ల అభివృద్ధికి నిధులు కేటాయించనున్నారు. - Union Budget 2026-27
గత ఏడాది రక్షణ రంగానికి సుమారు రూ.6.81 లక్షల కోట్లు కేటాయించగా, ఈసారి ఆ అంకె మరింత పెరిగే అవకాశం ఉంది. ముఖ్యంగా 'మూలధన వ్యయం' వాటాను 26% నుండి 30%కి పెంచాలని ఫిక్కీ వంటి సంస్థలు సూచిస్తున్నాయి. ఇది కొత్త ఆయుధ వ్యవస్థల కొనుగోలుకు, ఆధునికీకరణకు ఊతమిస్తుంది.
Also Read : తెలంగాణపై BJP కొత్త అధ్యక్షుడి కన్ను.. ఆపరేషన్ కమలం షురూ!
'ఆత్మనిర్భరత'కు పెద్దపీట
'మేక్ ఇన్ ఇండియా'లో భాగంగా విదేశీ దిగుమతులను తగ్గించి, స్వదేశీ రక్షణ ఉత్పత్తులను పెంచడం ఈ బడ్జెట్ ప్రధాన లక్ష్యం. ఐడెక్స్ పథకం కింద రక్షణ రంగంలో కొత్త ఆవిష్కరణలు చేసే స్టార్టప్లకు భారీగా నిధులు అందనున్నాయి. ఉత్తరప్రదేశ్, తమిళనాడులోని రక్షణ కారిడార్ల విస్తరణతో పాటు తూర్పు భారతదేశంలో కొత్త కారిడార్ ఏర్పాటుపై చర్చలు జరుగుతున్నాయి.
4. రక్షణ ఎగుమతుల లక్ష్యం
2028-29 నాటికి రక్షణ ఎగుమతులను రూ.50,000 కోట్లకు చేర్చాలని భారత్ లక్ష్యంగా పెట్టుకుంది. దీనికోసం ఈ బడ్జెట్లో ఎగుమతి ప్రోత్సాహక చర్యలను ప్రకటించే అవకాశం ఉంది. బ్రహ్మోస్ క్షిపణులు, తేజస్ విమానాల వంటి వాటికి అంతర్జాతీయ మార్కెట్లో గిరాకీ పెరుగుతున్న నేపథ్యంలో ఇది చాలా కీలకం. డొనాల్డ్ ట్రంప్ వంటి నేతలు రక్షణ వ్యయాన్ని పెంచుతున్న వేళ, భారత్ కూడా తన సైనిక శక్తిని సాంకేతికంగా బలోపేతం చేసుకోవడం తప్పనిసరి. బడ్జెట్ 2026 కేవలం అంకెల కేటాయింపు మాత్రమే కాకుండా, భారత్ను గ్లోబల్ డిఫెన్స్ పవర్హౌస్గా మార్చే ఒక 'రోడ్ మ్యాప్' అని నిపుణులు చెబుతున్నారు.
Also Read : రూ.3 లక్షలు దాటిన వెండి ధర..ఆర్థిక నిపుణులు ఏమంటున్నారంటే?
