Crime News: బెంగళూరులో ఘోర అగ్ని ప్రమాదం.. సిలిండర్ పేలి స్పాట్‌లోనే 10 మందికి..

గ్యాస్ సిలిండర్ పేలుడు(gas-cylinder-explosion) ఘటనలు ఇటీవల కాలంలో తరచుగా జరుగుతున్నాయి. ఇవి ప్రజల జీవితాలను, ఆస్తులను తీవ్రంగా నష్టపరుస్తున్నాయి. సరైన జాగ్రత్తలు తీసుకోకపోవడం, సిలిండర్ లీకేజీలు, పాత గ్యాస్ పైపులు వంటి కారణాల వల్ల ఈ ప్రమాదాలు సంభవిస్తున్నాయి. కొన్నిసార్లు సిలిండర్ గడువు ముగిసినా వాటిని ఉపయోగిస్తుండటం కూడా దీనికి కారణం కావచ్చు. ఈ ప్రమాదాల్లో అనేక మంది ప్రాణాలు కోల్పోవడం, తీవ్ర గాయాలపాలు కావడం ఆందోళన కలిగిస్తుంది. ఈ నేపథ్యంలో గ్యాస్ సిలిండర్లను సురక్షితంగా ఉపయోగించడం గురించి అవగాహన పెంచుకోవడం చాలా అవసరం. తాజాగా బెంగళూరులో సిలిండర్ పేలింది.  

గ్యాస్‌ సిలిండర్‌ పేలి...

బెంగుళూరు(bengaluru) నగరంలోని విల్సన్ గార్డెన్ ప్రాంతంలో ఘోర అగ్ని ప్రమాదం చోటుచేసుకుంది. సోమవారం ఉదయం ఓ ఇంటిలో ఉన్న గ్యాస్ సిలిండర్ పేలిపోవడంతో ఈ విషాద ఘటన జరిగింది. ఈ ప్రమాదంలో ముబారక్ అనే బాలుడు మరణించగా.. కస్తూరమ్మ, నరస్మ సహా మరో తొమ్మిది మంది తీవ్రంగా గాయపడ్డారు. సిలిండర్ పేలుడు ధాటికి సమీపంలోని పలు ఇళ్లు పూర్తిగా నేలమట్టమయ్యాయి. దీంతో చాలా మంది నిరాశ్రయులయ్యారు. ఘటన జరిగిన వెంటనే అగ్నిమాపక సిబ్బంది, పోలీసు బృందాలు హుటాహుటిన సంఘటనా స్థలానికి చేరుకుని సహాయక చర్యలు చేపట్టారు. శిథిలాల కింద చిక్కుకున్న వారిని బయటకు తీసి.. గాయపడిన వారిని వెంటనే స్థానిక ఆసుపత్రికి తరలించారు. క్షతగాత్రులకు మెరుగైన వైద్యం అందిస్తున్నారు.

ఇది కూడా చదవండి: క్లౌడ్‌ బరస్ట్ విషాదం.. 60 మంది మృతి

ఈ దుర్ఘటనపై ముఖ్యమంత్రి సిద్ధరామయ్య(CM Siddaramaiah) దిగ్భ్రాంతి వ్యక్తం చేశారు. ఆయన వెంటనే ప్రమాద స్థలాన్ని సందర్శించి.. పరిస్థితిని సమీక్షించారు. బాధితులతో మాట్లాడి వారికి ధైర్యం చెప్పారు. మృతుల కుటుంబాలకు ప్రగాఢ సానుభూతి తెలిపారు. ప్రమాదంలో మరణించిన బాలుడి కుటుంబానికి ప్రభుత్వం తరపున రూ.5 లక్షల ఎక్స్-గ్రేషియా ప్రకటించారు. గాయపడిన వారికి మెరుగైన వైద్యం అందించాలని అధికారులను ఆదేశించారు. గాయపడిన వారందరికీ చికిత్సతోపాటు ఖర్చులను ప్రభుత్వం భరిస్తుందని సీఎం హామీ ఇచ్చారు. ముఖ్యమంత్రి సిద్ధరామయ్య వెంట నగర పోలీసు కమిషనర్ సీమంత్ కుమార్ సింగ్, సీనియర్ అధికారులు పాల్గొన్నారు. స్థానిక పోలీసులు, డిసిపి, జాయింట్ కమిషనర్ సంఘటనా స్థలాన్ని పరిశీలించారు. సుమారు 7-8 ఇళ్ళు పూర్తిగా, మరో 7-8 ఇళ్ళు పాక్షికంగా దెబ్బతిన్నాని వారు తెలిపారు. ఈ ప్రమాదం ఎలా జరిగిందన్న దానిపై పోలీసులు దర్యాప్తు చేస్తున్నారు. ప్రాథమిక నివేదికల ప్రకారం... గ్యాస్ లీకేజీ కారణంగా సిలిండర్ పేలినట్లు తెలుస్తోంది. పోలీసులు ఈ ఘటనపై కేసు నమోదు చేసి దర్యాప్తు కొనసాగిస్తున్నారు. స్థానికులు కూడా సహాయక చర్యల్లో పాలుపంచుకుని మానవత్వాన్ని చాటుకున్నారు. ఈ దుర్ఘటనతో విల్సన్ గార్డెన్ ప్రాంతంలో విషాదఛాయలు అలుముకున్నాయి.

ఇది కూడా చదవండి: అడుగడునా ప్రకృతి అందాలు.. 8.5 కిలో మీటర్ల నడక.. మచైల్ మాత యాత్ర ఎంత కష్టమంటే!?