Gen-Z: మ్యానిఫెస్టేషన్ అంటే ఏంటి.. దానితో నిజంగా కోరుకున్నది జరుగుతుందా!!

ఈ రోజుల్లో సోషల్ మీడియాలో.. ముఖ్యంగా యువత (Gen-Z)లో మ్యానిఫెస్టేషన్ (Manifestation) అనే పదం బాగా ట్రెండింగ్‌లో ఉంది. కోరికలు నెరవేర్చుకోవడానికి చాలా మంది దీనిని పాటించాలని ఇతరులకు సలహా ఇస్తున్నారు. మ్యానిఫెస్టేషన్ ద్వారా కోరికలు నిజంగా నెరవేరుతాయా అనేదానికి ఇప్పటివరకు శాస్త్రీయ ఆధారాలు లేవు. అయితే పరిశోధనల ప్రకారం.. మ్యానిఫెస్టేషన్ ద్వారా విజయం సాధించడానికి కృషి చేస్తే.. విజయ అవకాశాలు పెరుగుతాయి. అసలు ఈ మ్యానిఫెస్టేషన్ అంటే ఏమిటి..? కోరికలు నెరవేరడంలో ఇది ఎలా ప్రభావవంతంగా ఉంటుందో ఈ ఆర్టికల్‌లో కొన్ని విషయాలు తెలుసుకుందాం.

Also Read :  కిచెన్‌లో ఈ రెండు కలిపి నిల్వ చేస్తున్నారా..? నాణ్యత, రుచి దొబ్బింది ఎలానో తెలుసుకోండి!!

మ్యానిఫెస్టేషన్‌తో కోరికలు నెరవేరుతాయా..?

మనం ఏమి ఆలోచిస్తే అదే జరుగుతుందనే సిద్ధాంతాన్నే మ్యానిఫెస్టింగ్ లేదా మ్యానిఫెస్టేషన్ అంటారు. దీనిని లా ఆఫ్ అట్రాక్షన్ (Law of Attraction) అని కూడా పిలవవచ్చు. చాలా మంది విజయం కోసం తీవ్రంగా కృషి చేస్తారు. కానీ వారి మనసులో వైఫల్యం గురించిన భయం ఎక్కువగా ఉంటుంది. ఇలాంటి సందర్భాలలో.. వారు విజయంపై కాకుండా.. వైఫల్యంపై ఎక్కువ దృష్టి పెట్టడం వలన విజయావకాశాలు తగ్గుతాయి. కాబట్టి విజయం సాధించాలంటే మంచి ఆలోచనలు, సానుకూలతను (Positivity) మనసులో నింపుకోవడం ముఖ్యం. ఇది ఆత్మవిశ్వాసాన్ని పెంచి.. విజయావకాశాలను గణనీయంగా పెంచుతుంది. ఇది సానుకూల శక్తిని (Positive Energy) ఆకర్షించి, ఒక వ్యక్తి యొక్క ఆత్మవిశ్వాసాన్ని పెంచుతుందని నమ్ముతారు. కోరికలను నెరవేర్చుకోవడానికి మ్యానిఫెస్టేషన్ చేయడానికి ఈ ఐదు దశలను అనుసరించాలి.

లక్ష్యాన్ని స్పష్టంగా తెలుసుకోవాలి:ముందుగా ఏమి సాధించాలనుకుంటున్నారో ఖచ్చితంగా నిర్ణయించుకోవాలి. లక్ష్యం గురించి ఎటువంటి సందేహాలు లేకుండా స్పష్టంగా ఉండాలి.

ప్రతికూల ఆలోచనలకు దూరం:లక్ష్యానికి సంబంధించిన అన్ని ప్రతికూల ఆలోచనలను (Negative Thoughts) మనస్సు నుంచి తొలగించాలి. అవి ఏకాగ్రతను దెబ్బతీస్తాయి.

కృషి: మనసును పూర్తిగా సిద్ధం చేసుకున్న తర్వాత.. లక్ష్యం దిశగా కృషి చేయడం ప్రారంభించాలి. కష్టపడకుండా ఏ కోరికా నెరవేరదని గుర్తుంచుకోవాలి.

సానుకూలం: ప్రయత్నాల సమయంలో మనసును పూర్తిగా సానుకూలంగా ఉంచుకోవాలి. కోరిక నిజం కాబోతుందని నిరంతరం ఆలోచించాలి.

కృతజ్ఞత: క్రమంగా విజయాన్ని సాధించడం ప్రారంభించినప్పుడు.. ప్రతి మంచి సంఘటనకు, విజయానికి దేవునికి, యూనివర్స్‌కు కృతజ్ఞత (Gratitude) చెప్పడం ఎప్పుడూ మర్చిపోవద్దని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: బియ్యం పిండితో మెరిసే చర్మాన్ని పొందండి.. అందుకు ఈ మూడు పద్ధతులు పాటించండి!!