Paracetamol: గర్భిణీలు పారాసెటమాల్ టాబ్లెట్ వాడితే ఎంత ప్రమాదమో తెలుసా..?

స్త్రీలకు తల్లి అయ్యే సమయం చాలా కీలకం. ప్రెగ్నెంట్(pregnant) అని తెలిశాక ఎంతో జాగ్రతగా ఆమె ఆరోగ్యాన్ని కాపాడుకుంటారు ఇంట్లో వాళ్లు. ఎందుకంటే ఆమె ఆరోగ్యం రెండు ప్రాణాలతో సమానం. మంచి ఫుడ్ ఇస్తుంటారు. తల్లి గర్భంలో పిండం పెరుగుతున్నప్పుడు గర్భిణీ స్త్రీలు వాడే మెడిసిన్ పట్ల చాలా జాగ్రత్తగా ఉండాలి. ఆమె తినే ఆహారం, వేసుకునే మందులను పట్ల ఒకటికి రెండు సార్లు చెక్ చేస్తారు. గర్భీణీలకు సాధారణ అనారోగ్యం జ్వరం వచ్చినప్పుడు మాత్రం పారాసెటమాల్ టాబ్లెట్(paracetamol-side-effects) వేసుకోమని చెబుతాం.. అయితే అది ఎంత ప్రమాదమో తెలుసా? పుట్టబోయే పిల్లలపై ఏ విధంగా  ఆ పారాసిటమాల్ ప్రభావం చూపుతుందో ఇప్పుడు చూదాం..

గర్భధారణ సమయంలో పారాసెటమాల్ వాడకంపై హార్వర్డ్ పరిశోధకులు కొత్త అధ్యయనాన్ని విడుదల చేశారు. దీని ప్రకారం, గర్భధారణ సమయంలో పారాసెటమాల్ (అసెటమైనోఫెన్) వాడకం పిల్లల్లో ఆటిజం, ADHD (అటెన్షన్ డెఫిసిట్ హైపర్యాక్టివిటీ డిజార్డర్) వంటి న్యూరోడెవలప్‌మెంటల్ సమస్యల ప్రమాదాన్ని పెంచుతుందని వారు హెచ్చరిస్తున్నారు. ఈ అధ్యయనం BMC ఎన్విరాన్‌మెంటల్ హెల్త్ పత్రికలో ప్రచురితమైంది. ఇందులో భాగంగా గతంలో జరిగిన 46 వేర్వేరు అధ్యయనాల ఫలితాలను విశ్లేషించారు. ఈ అధ్యయనాలు మొత్తం లక్ష మందికి పైగా పాల్గొనేవారి డేటాను పరిశీలించాయి. ఈ సమగ్ర విశ్లేషణలో, గర్భధారణ సమయంలో పారాసెటమాల్ వాడకానికి, పిల్లల్లో నరాల అభివృద్ధికి సంబంధించిన రుగ్మతల మధ్య బలమైన సంబంధం ఉన్నట్లు కనుగొన్నారు.

Also Read :  చిన్నారుల మెదడు కంప్యూటర్‌లా వేగంగా పని చేయాలా..? ఈ డ్రైఫ్రూట్స్‌ తినండి!!

Paracetamol Use During Pregnancy

Study: Paracetamol Use in Pregnancy May Raise Risk of Autism, ADHD in Children

A new study has suggested that the use of acetaminophen, commonly known as paracetamol, during pregnancy may increase the risk of neurodevelopmental disorders (NDDs) such as autism and… pic.twitter.com/Jsv70cxH87

— Prime Reporters News (@PrimeReportersn) August 23, 2025

పారాసెటమాల్ అనేది ప్రపంచవ్యాప్తంగా గర్భధారణ సమయంలో ఎక్కువగా ఉపయోగించే నొప్పి నివారిణి మరియు జ్వరాన్ని తగ్గించే మందు. ఇప్పటివరకు దీనిని గర్భిణీ స్త్రీలకు సురక్షితమైనదిగా భావిస్తున్నారు. అయితే, ఈ కొత్త అధ్యయనం ఈ ధారణను ప్రశ్నిస్తోంది. మెదడుపై పారాసెటమాల్ ప్రభావం, ఆక్సిడేటివ్ ఒత్తిడిని పెంచడం, హార్మోన్ల పనితీరును దెబ్బతీయడం వంటివి దీనికి కారణాలుగా పరిశోధకులు సూచిస్తున్నారు.

A major U.S. study suggests paracetamol use during pregnancy may raise children’s risk of autism and ADHD, though experts advise careful, not total, avoidance.https://t.co/nZtnaNwqe3pic.twitter.com/UVKYzZEAIi

— Rifnote (@viarifnote) August 22, 2025

Also Read :  ఓవర్ టైం వర్క్‌తో ఆరోగ్యాన్ని ఎలా చూసుకోవాలో తెలియటం లేదా..? ఈ చిట్కాలతో పని ఒత్తిడి పరార్!!

అయితే, ఈ పరిశోధన ఆధారంగా గర్భిణీ స్త్రీలు(Pregnant Womens) పారాసెటమాల్ వాడకాన్ని పూర్తిగా నిలిపివేయడం సరైనది కాదని నిపుణులు స్పష్టం చేస్తున్నారు. ఎందుకంటే, జ్వరం లేదా తీవ్రమైన నొప్పికి చికిత్స చేయకపోతే అది కూడా తల్లి మరియు బిడ్డ ఆరోగ్యంపై తీవ్ర ప్రభావం చూపుతుంది. కాబట్టి, వైద్యుని సలహా మేరకు మాత్రమే పారాసెటమాల్‌ను తక్కువ మోతాదులో, అత్యవసరమైనప్పుడు మాత్రమే వాడాలని పరిశోధకులు సూచిస్తున్నారు.

పారాసెటమాల్ యొక్క ప్రయోజనాలు మరియు నష్టాలను బేరీజు వేసుకొని, వైద్యుల సూచనల మేరకు మాత్రమే వాడాలని వారు తెలిపారు. ఈ అధ్యయనం ప్రజా ఆరోగ్య విధానాలు, వైద్య మార్గదర్శకాలను పునఃసమీక్షించాల్సిన అవసరాన్ని నొక్కి చెబుతోంది. భవిష్యత్తులో గర్భిణీ స్త్రీలకు సురక్షితమైన ప్రత్యామ్నాయాలను కనుగొనడంపై మరింత పరిశోధన జరగాల్సిన అవసరం ఉందని హార్వర్డ్ నిపుణులు పేర్కొన్నారు.