Cell Phone: సెల్‌ఫోన్ పోతే పరేషాన్ కావొద్దు! ఎందుకో మీరే చూడండి

Cell Phone:  నేటి ప్రపంచంలో సెల్‌ ఫోన్ మన జీవితంలో ఒక ముఖ్యమైన భాగం. మన వ్యక్తిగత వివరాల నుంచి ఆర్థిక లావాదేవీల వరకు అన్నీ ఫోన్‌లోనే నిక్షిప్తమై ఉంటాయి. మొబైల్ పోతే గూగుల్‌పే, ఫోన్‌పే వంటి యాప్స్‌లో ఉన్న డబ్బుతోపాటు ముఖ్యమైన కాంటాక్టులు, ఫోటోలు, వీడియోలు కోల్పోతామా అని ఆందోళన పడతాం. అటువంటి పరిస్థితుల్లో ఎలా వ్యవహరించాలో కొన్ని విషయాలు ఈ ఆర్టికల్‌లో తెలుసుకుందాం.

ఫోన్ పోయినప్పుడు వెంటనే చేయాల్సినవి:

వెంటనే చర్యలు: ఫోన్ పోయిన వెంటనే ముందుగా మీ గూగుల్ సెట్టింగ్స్‌లో, సోషల్ మీడియా అకౌంట్ల నుంచి లాగౌట్ అవ్వండి. ఒకవేళ వీలవ్వకపోతే వెంటనే మీ సిమ్‌ను బ్లాక్ చేయండి.

ఫైండ్ మై డివైజ్ ఉపయోగించండి: మీ ఫోన్ వివరాలు తెలుసుకోవడానికి.. గూగుల్ అకౌంట్ నుంచి 'ఫైండ్ మై డివైజ్' యాప్‌ను ఉపయోగించండి. ఒకవేళ సిమ్ మార్చినట్లయితే.. మీ పాత సిమ్ నంబర్, ఫోన్‌పేకు లింక్ అయిన ఫోన్ నంబర్‌ను ట్రాక్ చేసి వెంటనే నమోదు చేయాలి.

బ్యాకప్ డేటా: మీరు ముందుగానే మీ ఫోన్ డేటాను బ్యాకప్ చేసుకున్నట్లయితే (క్లౌడ్ లేదా ఇతర స్టోరేజ్‌లో) గత ఫోన్‌లోని నంబర్లు, ఫొటోలు, వీడియోలు, మెసేజ్‌లు తిరిగి పొందవచ్చు.

డేటా దుర్వినియోగం కాకుండా: పాస్‌వర్డ్‌లు లేకుండా ఉన్నప్పుడు కూడా సెల్‌ఫోన్‌ను ఉపయోగించవచ్చు కాబట్టి.. ముఖ్యంగా కాంటాక్టులు, మెసేజ్‌లు, ఫొటోలు వంటి వ్యక్తిగత డేటా దుర్వినియోగం కాకుండా అప్రమత్తంగా ఉండాలి.

ఇది కూడా చదవండి: సూపరెహే.. వివో నుంచి మరో బ్లాక్ బస్టర్ మొబైల్.. మరింత గ్రాండ్‌ డిజైన్

నష్టాల నివారణకు తీసుకోవాల్సిన జాగ్రత్తలు:

వ్యక్తిగత డేటా భద్రత: మీ వ్యక్తిగత ఖాతాల డేటా చోరీ అయ్యే అవకాశం ఉంది. కాబట్టి వెంటనే మీ అన్ని ఆన్‌లైన్ ఖాతాల పాస్‌వర్డ్‌లను మార్చుకోవాలి.

ఆర్థిక వివరాల రక్షణ: బ్యాంక్, బీమా వంటి ముఖ్యమైన వివరాలు చోరీ చేసే అవకాశం ఉంది. మీ బ్యాంక్ ఖాతాలు, క్రెడిట్ కార్డులను నిలిపివేయడానికి వెంటనే సంబంధిత బ్యాంకులకు తెలియజేయండి.

అధికారులకు ఫిర్యాదు, తక్షణ చర్యలు:

CEIR వెబ్‌సైట్: ceir.gov.in వెబ్‌సైట్‌లో మీ ఫోన్ వివరాలను నమోదు చేయండి. ఇది పోగొట్టుకున్న ఫోన్‌ను ట్రాక్ చేయడానికి మరియు బ్లాక్ చేయడానికి సహాయపడుతుంది.

పోలీస్ ఫిర్యాదు: దగ్గర్‌లోని పోలీస్ స్టేషన్‌లో ఫిర్యాదు (ఎఫ్‌ఐఆర్) చేయండి. ఫిర్యాదు చేసిన తర్వాత సంబంధిత వ్రాతపూర్వక వివరాలను తీసుకోవాలి.

IMEI నంబర్: మీరు ఏ సెల్‌ ఫోన్ నంబర్ నుంచి సిమ్ తీసివేసారో ఆ నంబర్‌ను మరియు మీ సెల్‌ఫోన్ IMEI ఐడెంటిఫికేషన్ నంబర్‌ను నమోదు చేయాలి. ఈ వివరాలు ఫోన్‌ను తిరిగి పొందడానికి సహాయపడతాయి. మీ ఫోన్ పోయినప్పుడు ఆందోళన చెందకుండా.. వెంటనే ఈ సూచనలను పాటిస్తే మీ డేటాను మరియు ఫోన్‌ను తిరిగి పొందే అవకాశాలు మెరుగుపడతాయి.

ఇది కూడా చదవండి: తమ కంపెనీకి రావాలని రూ.8,750 కోట్లు ఆఫర్‌ చేసిన మెటా.. తిరస్కరించిన ఉద్యోగి

( cell-phone | cell-phone-tips | cell-phone-use | Latest News | telugu-news)