Lemon: నిమ్మకాయ ముక్కను ఫ్రిజ్‌లో పెడితే ఏమవుతుందో తెలుసా?

Lemon: నిమ్మకాయలను తినడానికి మాత్రమే కాకుండా, శుభ్రపరచడానికి ఉపయోగించవచ్చు. నిమ్మకాయ సువాసన సాధారణంగా అందరికీ నచ్చుతుంది. అందం నుంచి ఆరోగ్యం వరకు అన్ని రంగాలలో నిమ్మకాయ చాలా ఉపయోగకరంగా ఉంటుందని నిపుణులు అంటున్నారు. వీటన్నిటితో పాటు నిమ్మకాయను కోసి ఫ్రిజ్‌లో ఉంచడం వల్ల చాలా ప్రయోజనాలు ఉన్నాయి. మనం సాధారణంగా తినే ఆహార పదార్థాలన్నింటినీ ఫ్రిజ్‌లో నిల్వ చేస్తాం. దీనితో పాటు  పరిశుభ్రతపై ప్రత్యేక శ్రద్ధ తీసుకోవడం చాలా ముఖ్యం. దీనికి నిమ్మరసం చాలా ఉపయోగపడుతుంది. ఎందుకంటే దీనికి యాంటీ బాక్టీరియల్ లక్షణాలు ఉన్నాయి. 

ఇన్ఫెక్షన్ల ప్రమాదాన్ని తగ్గిస్తుంది:

ఇది ఫ్రిజ్‌లోని బ్యాక్టీరియాను తొలగిస్తుంది. ఇన్ఫెక్షన్ల ప్రమాదాన్ని తగ్గిస్తుంది. అంతేకాకుండా ఫ్రిజ్‌లోని గాలిని సహజంగా శుభ్రంగా ఉంచడానికి ఇది సహాయపడుతుందని నిపుణులు అంటున్నారు. మనం సాధారణంగా ఫ్రిజ్ శుభ్రత విషయంలో జాగ్రత్తలు తీసుకున్నప్పటికీ కొన్నిసార్లు దుర్వాసనల సమస్యను ఎదుర్కొంటాం. ఈ వాసన తరచుగా రిఫ్రిజిరేటర్‌లో నిల్వ చేసిన ఆహారాలలో కూడా కనిపిస్తుంది. అలాంటి సందర్భాలలో ఈ దుర్వాసన సమస్యను వదిలించుకోవడానికి సులభమైన మార్గం నిమ్మకాయ. దీన్ని రెండు ముక్కలుగా కట్ చేసి రిఫ్రిజిరేటర్‌లో ఉంచాలి. ఇలా చేయడం వల్ల నిమ్మకాయలోని సిట్రిక్ యాసిడ్ ఫ్రిజ్‌లోని దుర్వాసనను తొలగిస్తుంది. ఇది గాలిని సహజంగా తాజాగా, సువాసనగా ఉంచుతుంది. చాలా ఆహార పదార్థాలు ఫ్రిజ్‌లో ఉంటాయి.

ఇది కూడా చదవండి: హెర్నియా అంటే ఏంటి..ఎలా వస్తుంది?

కానీ కొన్ని పదార్థాలు రిఫ్రిజిరేటర్‌లో ఉంచిన తర్వాత కూడా త్వరగా చెడిపోతాయి. అలాంటి సమయాల్లో నిమ్మకాయను ఎక్కువ కాలం తాజాగా ఉంచడానికి ఉపయోగించవచ్చు. నిమ్మకాయలో యాంటీ ఆక్సిడెంట్లు పుష్కలంగా ఉంటాయి. అవి ఆహార పదార్థాలు ఎక్కువ కాలం చెడిపోకుండా కాపాడతాయి. వాటిని తాజాగా ఉంచుతాయి. కానీ రిఫ్రిజిరేటర్‌లో నిల్వ చేయడానికి ఎప్పుడూ తాజా, శుభ్రమైన నిమ్మకాయలను మాత్రమే ఉపయోగించాలి. నిమ్మకాయ ముక్కలను ఫ్రిజ్‌లో ఉంచడం వల్ల కలిగే ప్రయోజనాల్లో ఒకటి అది సహజంగా ఫ్రిజ్‌లోని గాలిని శుద్ధి చేస్తుంది. ఎందుకంటే ఇందులో యాంటీ ఆక్సిడెంట్లు, సిట్రిక్ యాసిడ్ ఉంటాయి. ఈ అంశాలు ఫ్రిజ్‌లోని గాలిని తాజాగా ఉంచుతాయి. అదనంగా ఇది ఆహారాన్ని ఇన్ఫెక్షన్ల నుండి రక్షిస్తుంది. అంతేకాకుండా నిమ్మకాయ ముక్కను దగ్గర ఉంచుకోవడం వల్ల ఇన్‌ఫెక్షన్ వ్యాప్తి చెందే ప్రమాదం కూడా తగ్గుతుంది.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి:హోలీ రోజు ఇలా చేస్తే వ్యాధులు మాయం..ఆర్థిక లాభం