Explainer: రానున్న వందేళ్లలో మనుషులు ఇంత దారుణంగా మారతారా..?

నేటి సాంకేతిక పురోగతి, జన్యు ఇంజనీరింగ్ పరిశోధనలు మానవ భవిష్యత్తుపై అంచనాలను అసాధారణ స్థాయికి పెంచుతున్నాయి. కేవలం 100 సంవత్సరాలలో.. నేటి మనిషి కంటే రేపటి మనిషి(human-life-style) చాలా భిన్నంగా, బలంగా, తెలివిగా, పర్యావరణానికి మరింత అనుకూలంగా మారే అవకాశం ఉందని శాస్త్రవేత్తలు, ఫ్యూచరిస్ట్‌లు (Futurists) అంచనా వేస్తున్నారు. సాంకేతికత, జీవశాస్త్రం కలగలిసి నూతన మానవుడిని సృష్టించబోతున్నాయి. మరి ఇంతకీ ఆ నూతన మానవుడు ఎలా ఉంటాడు..? అతని శరీరంలో ఎలాంటి విప్లవాత్మక మార్పులు రాబోతున్నాయి.? ఈ నేపథ్యంలో జరుగుతున్న 10 ప్రధాన మార్పులపై కొన్ని విషయాలు ఈ ఆర్టికల్‌లో తెలుసుకుందాం.

ఎముకలు షార్క్ చేపల్లాగా వంగుతాయి:

• ప్రమాదాలు, పడిపోవడం వంటి వాటి నుంచి శరీరాన్ని రక్షించుకోవడానికి మన ఎముకల నిర్మాణం పరిణామం చెందబోతోంది. న్యూరోసైంటిస్ట్ డీన్ బర్నెట్ ప్రకారం.. భవిష్యత్తులో ఎముకలు షార్క్ చేపల మృదులాస్థి (Cartilage) మాదిరిగా మరింత వంగే స్వభావాన్ని (Flexible), బలాన్ని సంతరించుకుంటాయి. 2023లో ప్రచురించబడిన The genetic architecture and evolution of the human skeletal form అనే అధ్యయనం.. మానవ అస్థిపంజరం వెనుక ఉన్న జన్యువులను గుర్తించడానికి AIని ఉపయోగించింది. ఈ అధ్యయనాలు ఎముకల వశ్యతకు సంబంధించిన జన్యు వైవిధ్యాలను (Gene Variants) తెలియజేస్తున్నాయి.

దంతాలు ముక్కులా మారుతాయి:

• ఓ విశ్వవిద్యాలయం అంచనా ప్రకారం.. మన దంతాలు పఫర్‌ఫిష్ (Pufferfish) యొక్క ముక్కు ఆకారాన్ని పోలి, మరింత బలంగా, ఆచరణాత్మకంగా మారే అవకాశం ఉంది. ఇది దంత ఆరోగ్యాన్ని సులభతరం చేస్తుంది. అయితే దీని కోసం ఆహారపు అలవాట్లు మారవలసి ఉంటుంది.

మనిషి ఎత్తు పెరుగుతాడు:

• గత 100 సంవత్సరాలలో సగటు మానవ ఎత్తు పెరిగినట్లే.. రాబోయే శతాబ్దంలో కూడా ఈ పెరుగుదల కొనసాగుతుంది. సగటు వ్యక్తి బాస్కెట్‌బాల్ ప్లేయర్‌ను పోలి ఉండేంత ఎత్తుకు చేరుకోవచ్చు. దీనికి కారణం CRISPR వంటి సాంకేతికత ద్వారా ఎత్తుకు బాధ్యత వహించే జన్యువులను (Height Genes) మరింత క్రియాశీలం చేయడం.

అంగారకుడికి అనుకూలంగా ఊపిరితిత్తులు:

• హార్వర్డ్ నిపుణుల అభిప్రాయం ప్రకారం.. జన్యు ఇంజనీరింగ్ సహాయంతో.. మన ఊపిరితిత్తులు అంగారకుడు (Mars) వంటి తక్కువ ఆక్సిజన్ ఉన్న వాతావరణంలో కూడా ఎక్కువ ఆక్సిజన్‌ను గ్రహించేలా మెరుగుపడతాయి. దీని వల్ల అంతరిక్ష ప్రయాణం, ఇతర గ్రహాలపై జీవనం సులభతరం అవుతుంది. The Lungs in Space వంటి అధ్యయనాలు ఊపిరితిత్తులు అంతరిక్ష వాతావరణానికి అనుగుణంగా ఎలా మారతాయో వివరిస్తున్నాయి.

మెదడు కంప్యూటర్‌లా మారుతుంది:

• భవిష్యత్తులో మానవ మెదడు నేరుగా కంప్యూటర్‌కు అనుసంధానించబడుతుంది (Brain-Computer Interface - BCI). దీని వలన మెదడు డేటాను మరింత సమర్థవంతంగా విశ్లేషించగలుగుతుంది.  ఫ్యూచరిస్ట్  నిపుణుల అభిప్రాయం ప్రకారం.. 2050 నాటికి BCI లు మెదడును యంత్రాల మాదిరిగా పని చేయిస్తాయి, దీనితో సూపర్ హ్యూమన్స్ ఆవిర్భవిస్తారు.

జ్ఞాపకాలను డౌన్‌లోడ్ చేయవచ్చు:

• మెదడులోని జ్ఞాపకాలను కంప్యూటర్లలోకి డౌన్‌లోడ్ లేదా స్టోర్ చేసే సాంకేతికత అభివృద్ధి చెందుతోంది. MITలో ఎలుకలపై ఈ ప్రయోగాలు విజయవంతమయ్యాయి. మానసిక ఆరోగ్యం, విద్య, సుదీర్ఘకాల జ్ఞాపకాల నిల్వకు ఇది ఒక గేమ్-ఛేంజర్ కానుంది.
  
  

ఇది కూడా చదవండి: ఈ రాష్ట్రంలో ఎయిడ్స్ కేసులు టాప్.. హెల్త్ మినిస్టర్ కీలక ప్రకటన!

జన్యు వ్యాధుల నిర్మూలన:

• CRISPR (క్లస్టర్డ్ రెగ్యులర్లీ ఇంటర్‌స్పేస్‌డ్ షార్ట్ పాలిండ్రోమిక్ రిపీట్స్) వంటి జన్యు సవరణ సాంకేతికతలు అభివృద్ధి చెందడంతో.. సిస్టిక్ ఫైబ్రోసిస్, హంటింగ్టన్స్ వంటి అనేక జన్యుపరమైన వ్యాధులను శాశ్వతంగా నయం చేయవచ్చు. దీనివల్ల ఆరోగ్య సంరక్షణలో విప్లవం రానుంది.

చర్మం రంగు మారుతుంది:

• భవిష్యత్తులో చర్మం ఊసరవెల్లి (Chameleon) మాదిరిగా రంగును మార్చుకునే సామర్థ్యాన్ని పొందవచ్చు.  దీనికి కారణం భావోద్వేగ వ్యక్తీకరణ (Emotional Expression) సులభం కావడానికి లేదా రక్షణ అవసరాల కోసం (Defense Sector). పెరిగిన వేడిని తట్టుకోవడానికి శరీరం, చర్మం ఉష్ణోగ్రత నియంత్రణ సామర్థ్యం కూడా పెరుగుతుంది.

జీవన కాలం పెరుగుతుంది - అమరత్వం వైపు:  

• జన్యు మార్పులు, యాంటీ ఏజింగ్ డ్రగ్స్ అభివృద్ధి వల్ల మానవుల సగటు ఆయుర్దాయం గణనీయంగా పెరుగుతుంది. 2023 పరిశోధనలో KLF1 జన్యువు ఆయుర్దాయాన్ని 20% వరకు పొడిగించగలదని కనుగొనబడింది. 50-60 ఏళ్ల వయస్సులో ఉన్నవారు కూడా 30-40 ఏళ్లలా కనిపించేలా యాంటీ-ఏజింగ్ ట్రీట్‌మెంట్‌లు అందుబాటులోకి వస్తాయి.

ఊబకాయం పెరిగే ప్రమాదం:

• సాంకేతిక పురోగతి ఒకవైపు ఉన్నప్పటికీ.. ఆరోగ్యకరమైన జీవనశైలిని పాటించకపోతే ఊబకాయం (Obesity) మరింత పెరుగుతుందని ల్యాన్సెట్ నివేదిక హెచ్చరించింది. వరల్డ్ ఒబేసిటీ అట్లాస్ 2025 నివేదిక ప్రకారం.. 2030 నాటికి ఊబకాయంతో బాధపడే వారి సంఖ్య 115% పెరుగుతుందని అంచనా వేశారు.  రాబోయే 100 సంవత్సరాలలో మానవ పరిణామం కేవలం సహజ ఎంపిక (Natural Selection) ద్వారా మాత్రమే కాకుండా.. జన్యు ఇంజనీరింగ్, బయోనిక్స్, కృత్రిమ మేధ (AI) కలయిక ద్వారా నడపబడుతుంది. ఈ మార్పులు మన జీవితాలను సులభతరం చేసి వ్యాధులు, వృద్ధాప్యం వంటి వాటిని నియంత్రించినప్పటికీ.. ఈ సాంకేతికతలను నైతికంగా, జాగ్రత్తగా ఉపయోగించాల్సిన అవసరం ఉంది. రేపటి మనిషి మరింత శక్తిమంతుడు కావచ్చు కానీ మానసిక ఆరోగ్యం, ఒత్తిడి నియంత్రణ,  జీవనశైలి సమతుల్యత మరింత కీలకం కాబోతున్నాయని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు.  

ఇది కూడా చదవండి: ఆ నెయ్యి తింటే చావు తప్పదు.. ఈ 6 షాకింగ్ విషయాలు మీ కోసమే!