Cockroaches: దాక్కున బొద్దింకలను బయటకు లాగి మరి మాయం చేసే 3 చిట్కాలు

ఇంట్లోని ప్రతి మూలలో బొద్దింకలు(cockroaches) తిరుగుతూ ఉంటాయి. అవి ఒక్కసారి ఇంట్లోకి ప్రవేశిస్తే అంత తేలికగా వదిలిపెట్టవు. ఒక్క బొద్దింక త్వరగా వృద్ధి చెంది ఇల్లంతా విస్తరిస్తుంది. వంటగది, బాత్‌రూమ్, బెడ్‌రూమ్  ఎక్కడ చూసినా బొద్దింకలు కనిపిస్తాయి. ఇవి ఆహారాన్ని పాడుచేయడమే కాకుండా అనేక వ్యాధులకు కూడా కారణమవుతాయి. బొద్దింకలను తరిమికొట్టడానికి, చంపడానికి మార్కెట్ నుంచి చాలా మంది రకరకాల మందులు కొనుగోలు చేస్తారు. అయితే ఇది కొంతకాలం మాత్రమే ఉపశమనం ఇస్తుంది. ఆ తర్వాత బొద్దింకలు మళ్లీ కనిపించడం ప్రారంభిస్తాయి. మీరు కూడా బొద్దింకల సమస్యతో బాధపడుతున్నట్లయితే.. వాటిని వదిలించుకోవడానికి కొన్ని ప్రత్యేకమైన గృహ నివారణలు ప్రయత్నించవచ్చు. వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

ప్రభావవంతమైన చిట్కాలు:

వేప ఆకులు: వేప అనేది సహజమైన కీటక సంహారిణి (natural insecticide). బొద్దింకలకు వేపలోని చేదు నచ్చదు. వేప ఆకులను మెత్తగా రుబ్బి, నీటిలో కలిపి ద్రావణం తయారు చేయాలి. బొద్దింకలు తరచుగా కనిపించే ప్రాంతాలలో ఈ ద్రావణాన్ని చల్లండి. లేదా మెత్తగా పొడి చేసిన వేప పొడిని ఇంటి మూలల్లో చల్లవచ్చు. ఇలా చేయడం వల్ల బొద్దింకలు ఇంటి నుంచి దూరంగా వెళ్లిపోతాయి.

చక్కెర- బేకింగ్ సోడా: బేకింగ్ సోడా విషంలా పనిచేస్తుంది, చక్కెర వాటిని ఆకర్షిస్తుంది. ఇది బొద్దింకలను పట్టుకోవడానికి అత్యంత సులభమైన, ప్రభావవంతమైన మార్గం. ఒక చెంచా చక్కెర, ఒక చెంచా బేకింగ్ సోడా కలిపి మిశ్రమం తయారు చేయాలి. ఈ మిశ్రమాన్ని ఒక చిన్న గిన్నెలో లేదా చిన్న కంటైనర్‌లో ఉంచి.. బొద్దింకలు ఎక్కువగా తిరిగే ప్రదేశాలలో పెట్టాలి. చక్కెర వాసనకు బొద్దింకలు ఆకర్షితమై తింటాయి. బేకింగ్ సోడాను తిన్న తర్వాత అవి అస్వస్థతకు గురవుతాయి, చనిపోతాయి.

 ఇది కూడా చదవండి:  వర్షాకాలంలో పురుగుల బెడద ఉందా..? ఇలా ఇంటి చిట్కాలతో చెక్ పెట్టండి

నిమ్మరసం- బియ్యపు పిండి:  ఈ సమస్యకి నిమ్మరసాన్ని ఉపయోగించవచ్చు. నిమ్మరసం యొక్క ఆమ్లత్వం బొద్దింకలకు నచ్చదు, ఇది శుభ్రపరిచే ఏజెంట్‌గా కూడా పనిచేస్తుంది. నీటిలో కొద్దిగా నిమ్మరసం కలిపి, కిచెన్ కౌంటర్లు, అల్మారాలు,  ఇతర ఉపరితలాలను శుభ్రం చేయాలి. ఇది వాటిని దూరంగా ఉంచుతుంది. అదనంగా బొద్దింకలు తరచుగా వచ్చే పగుళ్లు,  మూలల్లో బియ్యపు పిండిని లేదా బోరిక్ యాసిడ్ చల్లడం కూడా సహాయపడుతుంది. ఈ సాధారణ గృహ నివారణలను ప్రయత్నించడం ద్వారా ఇంట్లో బొద్దింకల బెడదను సులభంగా, సురక్షితంగా వదిలించుకోవచ్చు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

 ఇది కూడా చదవండి: కోడి ముందా లేక గుడ్డు ముందా తెలియదు కానీ.. తినే ముందు కడగాలో లేదో మాత్రం తెలుసుకోండి!!