Gastrointestinal Diseases: కడుపులో అనారోగ్యమా..? గ్యాస్ట్రోఎంటరాలజీ నిపుణులు ఏం చెబుతున్నారో తెలుసుకోండి!!

భారతదేశంలో వేగంగా పెరుగుతున్న ఆరోగ్య సమస్యల్లో జీర్ణకోశ వ్యాధులు (Gastrointestinal Diseases) ప్రముఖ స్థానంలో ఉన్నాయి. దేశంలోని ప్రతి 10 మందిలో ఏడుగురు ఏదో ఒక జీర్ణకోశ సమస్యతో బాధపడుతున్నట్లు అధ్యయనాలు వెల్లడిస్తున్నాయి. ముఖ్యంగా యువతలో ఈ కేసుల పెరుగుదల ఆందోళన కలిగిస్తున్న నేపథ్యంలో.. రోగ నిర్ధారణ, చికిత్సలో అత్యాధునిక విధానాలను తెలియజేయడానికి గ్యాస్ట్రోఎంటరాలజీ నిపుణులు పలు విషయాలను వెల్లడిస్తున్నారు. వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

అన్నవాహిక (Esophagus) నుంచి జీర్ణనాళం (Digestive Tract), కడుపు సమస్యలు (Gastric Problems), జీఐ క్యాన్సర్‌ల వరకు గల సమస్యల పరిష్కారంలో అందుబాటులో ఉన్నాయని వైద్యులు అంటున్నారు. థర్డ్ స్పేస్ ఎండోస్కోపీ (Third Space Endoscopy), ఇంటర్వెన్షనల్ ఎండోస్కోపిక్ అల్ట్రాసౌండ్ (EUS) వంటి అత్యాధునిక విధానాలపై డెమోన్‌స్ట్రేషన్‌లు నిపుణులు నిర్వహిస్తున్నారు. దేశం నలుమూలల నుంచి వచ్చిన యువ గ్యాస్ట్రోఎంటరాలజిస్టులు, జీఐ వైద్య నిపుణులకు తమ ఎండోస్కోపిక్ నైపుణ్యాలను పెంచుకోవడానికి ఇది ఒక గొప్ప అవకాశమని వైద్యులు అంటున్నారు.

 భారతదేశంలో పెరుగుతున్న జీర్ణకోశ సమస్యలు:

జీర్ణకోశ వ్యాధులు భారతదేశంలో వేగంగా పెరుగుతున్న ఆరోగ్య సమస్యలలో ఒకటిగా మారాయని వైద్యులు అంటున్నారు. ముఖ్యంగా యువతలో కేసుల సంఖ్య పెరుగుతుండటం ఆందోళన కలిగిస్తోందని అన్నారు. ఓ అధ్యయనం ప్రకారం.. భారతదేశంలోని వయోజనులలో సుమారు 18% మంది ఏదో ఒక జీర్ణకోశ సమస్యతో బాధపడుతున్నట్లు తెలుస్తోంది. జీర్ణకోశ చికిత్సల్లోని వివిధ సంక్లిష్టతలను అర్థం చేసుకోవడానికి, ప్రపంచవ్యాప్తంగా ఉన్న అగ్రగామి వైద్య నిపుణులు కూడా ఈ సమస్య గురించి ప్రజలు వివరించాలని తెలుపుతున్నారు. అన్నవాహిక నుంచి జీర్ణకోశం వరకు గల సమస్యలకు ఖచ్చితమైన రోగ నిర్ధారణ పద్ధతులు, చికిత్సా ఎంపికలపై యువ వైద్యులకు పూర్తి స్థాయి తెలుసుకోవాలని చెబుతున్నారు.

అడ్వాన్స్‌డ్ ఎండోస్కోపిక్ విధానాలు:

జీర్ణకోశ చికిత్స నిర్వహణలో ఒక అత్యాధునిక క్లినికల్ ఆవిష్కరణ అని వైద్యులు అంటున్నారు. ఈ సదస్సు ద్వారా యువ సర్జన్లు జీర్ణకోశ వైద్య రంగంలో అందుబాటులో ఉన్న లేటెస్ట్ సర్జికల్ స్ట్రాటజీలు, మల్టీమోడల్ ట్రీట్‌మెంట్ ప్లాన్‌ల గురించి తెలుసుకోవాలంటున్నారు. అయితే ఈ వ్యాధికి రెండు ముఖ్యమైన అధునాతన విధానాల గురించి వివస్తున్నారు. 

థర్డ్ స్పేస్ ఎండోస్కోపీ (Third Space Endoscopy - TSE)

థర్డ్ స్పేస్ ఎండోస్కోపీ అనేది చర్మంపై కోత లేకుండా జీర్ణనాళంలోని లోతైన పొరల (Submucosal Space) లోకి ప్రవేశించి చికిత్స చేసే వినూత్న పద్ధతి. ఈ ఎండోస్కోప్‌ను ఉపయోగించి జీర్ణనాళం గోడలోని మ్యూకోసా పొరకు రంధ్రం చేసి.. దాని లోపల ఒక సొరంగం (Submucosal Tunnel) సృష్టించడం ద్వారా చికిత్స చేస్తారు. దీనివల్ల పైపొర చెక్కుచెదరకుండా ఉండి.. లీకేజీ ప్రమాదం తగ్గుతుంది. దీనివల్ల అచలేసియా కార్డియా (Achalasia Cardia) వంటి ఆహారాన్ని మింగడానికి కష్టమయ్యే సమస్యలకు ఇది ఒక ప్రామాణిక శస్త్రచికిత్సకు ప్రత్యామ్నాయంగా పనిచేస్తుంది. అన్నవాహిక, కడుపు, పెద్ద ప్రేగులోని ప్రారంభ దశ క్యాన్సర్ కణితులు లేదా పెద్ద పులుపులను (Polyps) శస్త్రచికిత్స అవసరం లేకుండా సమర్థవంతంగా తొలగించడానికి ఉపయోగిస్తారు. TSE అనేది సంప్రదాయ శస్త్రచికిత్సలతో పోలిస్తే.. తక్కువ నొప్పి, తక్కువ రక్తస్రావం, తక్కువ ఆసుపత్రి వాసం, వేగవంతమైన కోలుకోవడాన్ని అందిస్తుందని నిపుణులు చెబుతున్నారు

ఇంటర్వెన్షనల్ ఎండోస్కోపిక్ అల్ట్రాసౌండ్:

EUS అనేది ఎండోస్కోపీ, అల్ట్రాసౌండ్ టెక్నాలజీలను కలిపి ఉపయోగించే ఒక అత్యాధునిక డయాగ్నస్టిక్, థెరప్యూటిక్ విధానం. ఎండోస్కోప్ చివరన అమర్చబడిన చిన్న అల్ట్రాసౌండ్ ప్రోబ్‌ను నోటి లేదా మలద్వారం ద్వారా జీర్ణనాళంలోకి పంపిస్తారు. దీనివల్ల జీర్ణనాళ గోడలు, క్లోమం (Pancreas), కాలేయం (Liver), పిత్తాశయం (Gallbladder), సమీపంలోని లింఫ్ నోడ్స్‌ను కూడా అతి దగ్గర నుంచి అత్యంత స్పష్టంగా చూడవచ్చు. క్లోమ కణితులు, తిత్తులు (Cysts), జీర్ణకోశ క్యాన్సర్‌ల దశలను (Staging) గుర్తించడంలో ఇది అద్భుతంగా పనిచేస్తుంది. EUS గైడెన్స్ ద్వారా అనుమానాస్పద కణితుల నుంచి కణజాల నమూనాలను (Biopsy) ఖచ్చితత్వంతో సేకరించవచ్చు. క్లోమ తిత్తుల నుంచి ద్రవాన్ని తీయడం (Draining Pancreatic Pseudocysts), పైత్యరస వాహిక (Biliary Duct) క్లోమ వాహికల్లో స్టెంట్లు అమర్చడం వంటి చికిత్సలను కూడా EUS మార్గదర్శకత్వంలో చేస్తారు. EUS అనేది క్లిష్టమైన జీర్ణకోశ సమస్యలకు చికిత్స చేయడంలో వైద్యులకు అత్యంత ఖచ్చితత్వం, రియల్-టైమ్ గైడెన్స్ను అందిస్తుంది. జీర్ణకోశ వైద్య రంగంలో భవిష్యత్ చికిత్సలను మెరుగుపరచడంలో, యువ వైద్యులకు అత్యాధునిక నైపుణ్యాలను అందించడంలో కీలక పాత్ర పోషిస్తాయని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: బాబోయ్ బర్డ్ ఫ్లూ.. ఇక మనుషులకు కూడా.. ఎలా సోకుతుంది..? ఎంత డేంజర్..?