Weight Loss: ఇలా చేస్తే 50 ఏళ్ల వయసులోనూ బరువు తగ్గొచ్చు

Weight Loss: 50 ఏళ్ల తర్వాత బరువు తగ్గడం సవాలుగా ఉంటుంది. కానీ సరైన పద్ధతిని అనుసరించడం వల్ల అది సాధ్యమవుతుంది. వయసు పెరిగే కొద్దీ శరీర జీవక్రియ రేటు నెమ్మదిస్తుంది. కానీ కొన్ని విషయాలను దృష్టిలో ఉంచుకోవడం ద్వారా బరువును నియంత్రించుకోవచ్చు. 50 ఏళ్ల తర్వాత కండరాలు, హార్మోన్ల సమతుల్యత, జీవక్రియలలో  మార్పులు వస్తాయి. దీని కారణంగా బరువు నిర్వహణ కొంచెం కష్టమవుతుంది. ఆహారం, జీవనశైలి, వ్యాయామంపై దృష్టి పెడితే సులభంగా బరువు తగ్గవచ్చని నిపుణులు అంటున్నారు. 

గుండె ఆరోగ్యాన్ని కాపాడుకోవడానికి..

50 సంవత్సరాల తర్వాత బరువు తగ్గాలనుకుంటే అదనపు కేలరీలు తీసుకోకుండా ఉండాలి. అల్పాహారం, భోజనం లేదా రాత్రి భోజనం చేస్తున్నప్పుడు ఆహారంలోని కేలరీలను తెలుసుకుని తినాలి. ఇది అదనపు కేలరీలు తీసుకోవడం నిరోధిస్తుంది. అతిగా తినకుండా ఉండటానికి చిన్న సైజు ప్లేట్లను ఉపయోగించాలి. సమతుల్యతపై దృష్టి పెట్టాలి. యోగా, స్ట్రెచింగ్ వంటి వ్యాయామాలు చేయాలి. గుండె ఆరోగ్యాన్ని కాపాడుకోవడానికి, కేలరీలను బర్న్ చేయడానికి సైక్లింగ్, స్విమ్మింగ్‌, డ్యాన్స్‌, జాగింగ్‌ చేయాలి. జీవక్రియను పెంచడంలో, కండర ద్రవ్యరాశిని నిర్వహించడంలో ప్రోటీన్ ముఖ్యపాత్ర పోషిస్తుంది. 

ఇది కూడా చదవండి: స్కిప్పింగ్ చేయడం వల్ల లాభాలు తెలిస్తే అస్సలు చేయకుండా ఉండలేరు

ఆహారంలో పండ్లు, కూరగాయలు, తృణధాన్యాలు, ఆరోగ్యకరమైన కొవ్వులు, ప్రోటీన్లను చేర్చుకోవాలి. ఇది కండరాలకు, మనసుకు శక్తిని ఇస్తుందని నిపుణులు అంటున్నారు. వేయించిన ఆహారాలు, చక్కెర, స్నాక్స్, ప్యాక్ చేసిన ఆహారాలను తినడం మానుకోవాలి. ఎందుకంటే వాటిలో శరీరానికి హానికరమైన కొవ్వులు, ప్రాసెస్ చేసిన కార్బోహైడ్రేట్లు ఉంటాయని, వాటికి దూరంగా ఉంటే మంచిదని నిపుణులు చెబుతున్నారు. ఎక్కువగా ఆయిల్‌ ఫుడ్స్‌కి దూరంగా ఉండాలని, పోషకాహారం తీసుకోవడంతో పాటు వ్యాయామం, యోగా వంటివి చేయాలని నిపుణులు సూచిస్తున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: ఆహారంలో మూంగ్ పప్పు చేర్చుకుంటే.. ఎలాంటి సమస్యలు దరి చేరవు