🔴 LIVE BREAKINGS: షాకింగ్.. చైనాలో కొవిడ్‌ లాంటి మరో వైరస్ గుర్తింపు

పవన్ కళ్యాణ్ ఫొటోలను మార్ఫింగ్ చేసి సోషల్ మీడియాలో పోస్ట్ చేసిన వారిపై పోలీసులు కేసులు నమోదు చేశారు. తిరుపతి వెస్ట్ పీఎస్ పరిధిలో జగనన్న సైన్యం పేరుతో ఫొటో అసభ్య మార్ఫింగ్‌పై కేసు నమోదు కాగా చిత్తూరులో హరీష్ రెడ్డిపై కేసు నమోదు అయింది.

బంజారాహిల్స్‌లోని తాజ్‌బంజారా హోటల్‌ కు జీహెచ్‌ఎంసీ అధికారులు బిగ్ షాకిచ్చారు.  గడిచిన రెండేళ్లుగా పన్ను చెల్లించకపోవడంతో సీజ్ చేశారు.  పన్ను చెల్లించాలని పలుమార్లు నోటీసులు ఇచ్చినా యాజమాన్యం  స్పందించకపోవడంతో హోటల్ ను శుక్రవారం ఉదయం సీజ్ చేశారు.

భారత అగ్రశ్రేణి డబుల్స్ ఆటగాడు రంకిరెడ్డి సాత్విక్‌ సాయిరాజ్ తండ్రి కాశీ విశ్వనాథ్‌ గుండెపోటుతో మరణించారు. శుక్రవారం ఢిల్లీలో సాత్విక్‌ మేజర్ ధ్యాన్‌ చంద్‌ ఖేల్‌ రత్న పురస్కరం అందుకోనుండటంతో ఆ కార్యక్రమానికి వెళ్తుండగా ఆయన చనిపోయారు.

మహా కుంభమేళాలో మహిళల భక్తులు స్నానం చేస్తున్న అభ్యంతరకరమైన ఫోటోలు, వీడియోలను విక్రయించినందుకు 15 సోషల్ మీడియా ఖాతాలపై పోలీసులు ఎఫ్ఐఆర్ నమోదు చేశారు. అప్‌లోడ్‌ చేసిన ఇన్‌స్టాగ్రామ్‌ ఖాతాను గుర్తించేందుకు మెటా నుంచి వివరాలు కోరినట్లు పోలీసులు వెల్లడించారు.

హైడ్రాపై తెలంగాణ హైకోర్టు మళ్ళీ ఆగ్రహం వ్యక్తం చేసింది. స్థలాల హక్కులను తేల్చే అధికారం మీకు ఎవరు ఇచ్చారంటూ ప్రశ్నించింది. జీవో 99కు విరుద్ధంగా వెళితే...దానిని రద్దు చేసి హైడ్రాను మూసివేయాల్సి ఉంటుందని కోర్టు హెచ్చరించింది. 

తెలంగాణలోని కామారెడ్డి జిల్లాలో ఓ పదో తరగతి బాలిక గుండె పోటుతో మరణించింది. గురువారం ఉదయం స్కూల్‌కి నడుచుకుని వెళ్తుండగా.. ఒక్కసారిగా కుప్పకూలింది. వెంటనే స్కూల్ యాజమాన్యం సీపీఆర్ చేసి ఆసుపత్రికి తరలించారు. కానీ మార్గ మధ్యంలోనే ఆ యువతి మృతి చెందింది.

సౌరవ్ గంగూలీ కారు దుర్గాపూర్ ఎక్స్‌ప్రెస్‌వేపై ప్రమాదానికి గురైంది. గురువారం రాత్రి ఒక కార్యక్రమానికి హాజరు కావడానికి వెళ్తుండగా ఈ ప్రమాదం జరిగింది. గంగూలీ కారు ముందు ఒక ట్రక్కు అకస్మాత్తుగా రావడంతో డ్రైవర్ అకస్మాత్తుగా బ్రేక్‌లు వేయాల్సి వచ్చింది.

లోకాయుక్త ఇచ్చిన ఆదేశాల మేరకు ఏపీ ప్రభుత్వం ఓ సంచలన నిర్ణయం తీసుకుంది. ఎలాంటి పర్మిషన్ లేకుండా, విధులకు గైర్హాజరవుతున్న55 మంది ఉద్యోగులను వెంటనే ఉద్యోగాలు తొలగించాలని ఏపీ సర్కార్‌ కి లోకాయుక్త ఆదేశాలు జారీ చేసింది.