ట్రంప్ ఆరోపణలు ఖండిచిన జెలెన్స్కీ.. ‘రష్యాతో యుద్దంలో భారత్ మా వైపే ఉంది’

ఉక్రెయిన్‌పై రష్యా చేస్తున్న యుద్ధానికి భారత్ ఆర్థిక సహాయం చేస్తోందంటూ అమెరికా అధ్యక్షుడు ట్రంప్ చేసిన వ్యాఖ్యలను ఉక్రెయిన్ అధ్యక్షుడు జెలెన్స్కీ ఖండించారు. ఐక్యరాజ్యసమితి జనరల్ అసెంబ్లీ సమావేశాల సందర్భంగా ఓ ఇంటర్వ్యూలో జెలెన్స్కీ మాట్లాడుతూ, ఉక్రెయిన్ యుద్ధంలో భారత్ తమ పక్షానే ఉందని స్పష్టం చేశారు. రష్యా నుంచి చమురు కొనుగోళ్ల విషయంలో కొన్ని సవాళ్లు ఉన్నప్పటికీ, భారత్‌తో సంబంధాలను బలోపేతం చేసుకోవడం చాలా ముఖ్యమని జెలెన్స్కీ అభిప్రాయపడ్డారు.

Journalist: India and China are contributing to the Ukraine war

President Zelensky: No, India is mostly on our side. We do have problems on energy but those can be managed. Europe must build strong ties with India. We must not withdraw from the Indians. pic.twitter.com/8MFSt53Xnz

— Shashank Mattoo (@MattooShashank) September 24, 2025

ఐక్యరాజ్యసమితి 80వ సెషన్‌లో ట్రంప్ ప్రసంగిస్తూ, ఉక్రెయిన్ యుద్ధానికి భారత్, చైనాలే ప్రధాన నిధులు సమకూరుస్తున్నాయని ఆరోపించారు. రష్యా నుంచి చమురు కొనుగోలు చేస్తూ, రష్యా ఆర్థిక వ్యవస్థను బలపరుస్తున్నాయని ట్రంప్ విమర్శించారు. అయితే, జెలెన్స్కీ ట్రంప్ వ్యాఖ్యలతో విభేదించారు. "భారత్ ఎక్కువగా మా పక్షానే ఉందని నేను భావిస్తున్నాను. రష్యా నుంచి ఇంధన కొనుగోళ్ల విషయంలో కొన్ని ప్రశ్నలు ఉన్నాయి, కానీ ట్రంప్ వాటిని పరిష్కరించగలరని అనుకుంటున్నాను" అని జెలెన్స్కీ పేర్కొన్నారు. భారత్‌ను పశ్చిమ దేశాల నుండి దూరం చేసుకోకుండా, వారితో బలమైన, సన్నిహిత సంబంధాలను ఏర్పరచుకోవాలని యూరోపియన్ దేశాలకు కూడా ఆయన సూచించారు.

రష్యా-ఉక్రెయిన్ యుద్ధం ప్రారంభమైనప్పటి నుండి భారత్ తన తటస్థ వైఖరిని కొనసాగిస్తూ వచ్చింది. శాంతియుత చర్చల ద్వారా ఈ సమస్యకు పరిష్కారం కనుగొనాలని భారత్ పలుమార్లు కోరింది. ప్రధాని నరేంద్ర మోదీ కూడా రష్యా అధ్యక్షుడు పుతిన్, ఉక్రెయిన్ అధ్యక్షుడు జెలెన్స్కీ ఇద్దరితోనూ టెలిఫోన్‌లో మాట్లాడి, యుద్ధాన్ని ఆపాలని కోరారు. ఉక్రెయిన్‌కు మానవతా సహాయాన్ని కూడా భారత్ అందించింది.

🚨🇺🇦🇮🇳 Zelensky on India

“The Western alliance must pull India into its fold.

Iran will never be on our side. But I think India is mostly with us. Yes, we have questions on energy, but those can be managed. President Trump can handle it.

Europe must build strong ties with… pic.twitter.com/ReVnjiBC7C

— Megh Updates 🚨™ (@MeghUpdates) September 24, 2025

తాజా పరిణామాల నేపథ్యంలో, భారత్-ఉక్రెయిన్ సంబంధాలు మరింత పటిష్టం అవుతాయని జెలెన్స్కీ ఆశాభావం వ్యక్తం చేశారు. అంతర్జాతీయంగా భారత్ పోషిస్తున్న పాత్రకు, శాంతి స్థాపనకు చేస్తున్న కృషికి ఇది ఒక ఉదాహరణగా నిలిచింది. రష్యా ఇంధన రంగం నుండి భారత్‌ను దూరం చేయకూడదని జెలెన్స్కీ పశ్చిమ దేశాలకు విజ్ఞప్తి చేయడం భారత్ వ్యూహాత్మక ప్రాముఖ్యతను నొక్కి చెబుతోంది.