/rtv/media/media_files/2025/02/01/R5hlEEqsLRiA5ENLJMx7.jpg)
Donald Trump
Follow Us
గాజా పౌరులను వేరే చోటికి తరలించి , ఆ ప్రాంతాన్ని అభివృద్ది చేస్తామని అమెరికా అధ్యక్షుడు ట్రంప్ ప్రతిపాదించిన సంగతి తెలిసిందే.తాజాగా దీని పై ఆయన కీలక వ్యాఖ్యలు చేశారు.శిథిలమైన గాజాను పునః నిర్మించే ప్రణాళిక లో భాగంగా అక్కడి నుంచి ఎవరినీ బహిష్కరించమని ఆయన స్పష్టం చేశారు. బుధవారం ఐర్లాండ్‌ ప్రధాని మైఖేల్ మార్టిన్‌ తో భేటీకి ముందు ఆయన ఈ వ్యాఖ్యలు చేశారు.
మార్టిన్‌ తో భేటీ అనంతరం ఆయనతో కలిసి ట్రంప్ విలేకరుల సమావేశంలో మాట్లాడారు. ఆ సమయంలోనూ ఇదే విషయాన్ని స్పష్టం ఏశారు. ఈ సందర్భంగా యూఎస్‌ సెనెట్‌ మైనారిటీ నాయకుడు చక్‌ షూమర్‌ అంశాన్ని ట్రంప్ మరోసారి ప్రస్తావించారు. షూమర్‌ గతంలో యూదుడైనా ...ఇప్పుడు పాలస్తీనియన్‌ అని వ్యాఖ్యానించారు.
Also Read: Telangana:ధరలు తగ్గాయోచ్‌.. 'తెలంగాణ'లోనే అతి తక్కువ!
నాకు సంబంధించినంత వరకు షూమర్‌ పాలస్తీనియన్‌. ఆయన గతంలో యూదుడిగా ఉండేవారు. ఇప్పుడు కాదు. ఆయన పాలస్తీనియనే అని పేర్కొన్నారు.ఇక గత నెలలోనూ ట్రంప్ ఒక పోస్టులో ఇలాంటి వ్యాఖ్యలు చేశారు. ఇక గాజాలో మానవతా సాయాన్ని పెంచాల్సిన అవసరం ఉందని మార్జిన్‌ తెలిపారు. కాల్పుల విరమణతో పాటు హమాస్‌ చెరలోని బందీలను విడుదల చేయాలని పిలుపునిచ్చారు.గాజా లో యుద్ధం నేపథ్యంలో ఇజ్రాయెల్‌ కు ఐర్లాండ్‌ కు మధ్య సంబంధాలు తీవ్రంగా దెబ్బతిన్న సంగతి తెలిసిందే.
ఈ క్రమంలో గతేడాది డిసెంబర్‌ లో ఐర్లాండ్‌ లోని తమ రాయబార కార్యాలయాన్ని మూసివేస్తున్నట్లు టెల్అవీవ్‌ ప్రకటించింది. గాజాలో ఇజ్రాయెల్‌ ఊచకోతకు పాల్పడుతోందని అంతర్జాతీయ న్యాయస్థానంలో దక్షిణాఫ్రికా వేసిన కేసులో జోక్యం చేసుకోవాలని ఐర్లాండ్‌ క్యాబినెట్‌ నిర్ణయం అనంతరం ఇదిచోటు చేసుకుంది.
ఇక గాజాను స్వాధీనం చేసుకోవాలని భావిస్తున్నట్లు ట్రంప్ ఇటీవల ప్రకటించారు.పాలస్తీనీయులు పశ్చిమాసియాలోని వేరే ఏదైనా ప్రదేశానికి వెళ్లి స్థిరపడితే..గాజాను అభివృద్ధి చేయాలని భావిస్తున్నట్లు ఇజ్రాయెల్‌ ప్రధాని నెతన్యాహుతో భేటీ సందర్భంగా చెప్పారు. గాజాకు సంబంధించిన ఓ ఏఐ వీడియోను సైతం ట్రంప్ విడుదల చేశారు.
మరో వైపు హమాస్‌ సైతం ట్రంప్ ఆలోచనలను తీవ్రంగా తప్పుపట్టంది. కొనుగోలు చేసి..అమ్మడానికి గాజా స్థిరాస్తి కాదని,పాలస్తీనాలో విడదీయలేని భాగమని నొక్కి చెప్పింది. ఇటీవల సౌదీ అరేబియాలోని జెడ్డాలో ఇస్లామిక్‌ దేశాల సహకార సంస్థ సభ్యదేశాలు సమావేశమై ట్రంప్ ప్రతిపాదనను తిరస్కరిస్తున్నట్లు సంయుక్తంగా ప్రకటించాయి. గాజా పునర్నిర్మాణం విషయంలో ఈజిప్ట్‌ ప్రతిపాదిస్తున్న ప్రణాళికకు మద్దతునిచ్చాయి.
Also Read: Telangana: తెలంగాణవాసులకు వాతావరణ శాఖ ముఖ్య సమాచారం.. ఇక ఎండ దంచుడే దంచుడు!
Also Read: Ranya Rao Case: రన్యారావు పెళ్లికి ముఖ్యమంత్రి సిద్ధు!
