Trump: ట్రంప్‌ మరో తలతిక్క నిర్ణయం...ప్రపంచ దేశాలకు విరుద్ధంగా పేపర్‌ వద్దు..ప్లాస్టికే ముద్దంటన్న పెద్దన్న!

అగ్రరాజ్యం అధ్క్ష్మీక్షుడిగా బాధ్యతలు చేపట్టినప్పటి నుంచి కూడా ఆయన తీసుకునే తలతిక్కనిర్ణయాలతో ముందుకు పోతూనే ఉన్నారు.ఇతర దేశాలు ఫాలో అవుతున్న కొన్ని కామన్‌ రూల్స్ ని అసలు నేను పట్టించుకోను అంటూ షాకింగ్‌ నిర్ణయాలు తీసుకుంటున్నారు.

Also Read: Nara Lokesh: ఇక నుంచి క్యూఆర్ కోడ్‌తో రేషన్.. డిజిటల్ కార్డులు జారీ చేయనున్న ఏపీ సర్కార్‌!

ప్రపంచ దేశాలన్నీ ప్లాస్టిక్ వాడకాన్ని తగ్గించాలని ప్రయత్నాలు చేస్తుంటే.. ట్రంప్ మాత్రం వాటినే వాడదామని చెప్పుకొచ్చారు. ముఖ్యంగా బైడెన్ సర్కారు అమల్లోకి తీసుకు వచ్చిన పేపర్ స్ట్రాలను నిషేధించి.. మళ్లీ ప్లాస్టిక్ స్ట్రాలనే వాడదామంటూ కొత్త రూల్‌ ని తీసుకురావడానికి ప్రయత్నిస్తున్నారు. 

Also Read: Incom Tax Bill: ఫిబ్రవరి 12న పార్లమెంటుకు ముందు కొత్త ఆదాయపు పన్ను బిల్లు!

ప్లాస్టిక్ స్ట్రాల ప్లేస్‌లో కాగితం వాడాలనే బైడెన్ పరిపాలన విధానాన్ని రద్దు చేస్తూ.. అమెరికా అధ్యక్షుడు డొనాల్డ్ ట్రంప్ కార్యనిర్వాహక ఉత్తర్వుపై సంతకాలు చేశారు. 2027 నాటికి ఆహార సేవా కార్యకలాపాలు, ఈవెంట్లు, ప్యాకేజింగ్ నుంటి స్ట్రాలు సహా సింగిల్ యూజ్ ప్లాస్టిక్‌ల సమాఖ్య కొనుగోళ్లను దశలవారీగా నిలిపివేయాలంటూ బైడెన్ పరిపాలనా విధానం ఉత్తర్వులు జారీ చేసింది. 

కానీ వీటిని ట్రంప్ సర్కారు వెనక్కి తీసుకుంటూ.. దేశ వ్యాప్తంగా పేపర్ స్ట్రాలను వాడటాన్ని తగ్గించాలని ట్రంప్‌ సర్కార్‌ నిర్ణయం తీసుకుంది. 45 రోజుల్లోగా పేపర్ స్ట్రాల వాడకాన్ని ముగించడానికి దేశవ్యాప్తంగా ఒక వ్యూహాన్ని అభివృద్ధి చేయాలని కొత్త ఉత్తర్వులు చెబుతున్నాయి. ముఖ్యంగా వైట్ హౌస్ వద్ద ఆర్డర్‌పై సంతకం చేస్తూ.. ఇది హాస్యాస్పదమైన పరిస్థితి అని, మళ్లీ తిరిగి మనం ప్లాస్టిక్ స్ట్రాల కోసం వెళ్తున్నామని ట్రంప్ చెప్పుకొచ్చారు. 

కొనుగోళ్లను నిలిపివేయాలని...

అలాగే వీటి గురించి మాట్లాడుతూ.. తాను చాలా సార్లు పేపర్ స్ట్రాలు వాడానని.. కానీ అవి మధ్యలోనే చిరిగిపోయాయని చెప్పుకొచ్చారు. ఫెడరల్ ప్రభుత్వం పేపర్ స్ట్రాల కొనుగోళ్లను నిలిపివేయాలని, వాటిని ఇకపై ఫెడరల్ భవనాల్లో అందించకుండా చూసుకోవాలని ఆదేశించింది. దేశవ్యాప్తంగా పేపర్ స్ట్రాలను బలవంతంగా ఉపయోగించడాన్ని తగ్గించడానికి 45 రోజుల సమయం కూడా ఇస్తున్నట్లు తెలిపింది.

 అలాగే పేపర్ స్ట్రాలు ప్లాస్టిక్ స్ట్రాల కంటే ఖరీదైనవని.. అంత ఖర్చు చేసి వాటిని వినియోగించడం సరైనది కాదని అన్నారు.ఇదే విషయాన్ని వివరిస్తూ.. ఎక్స్ వేదికగా ట్రంప్ పోస్ట్ కూడా పెట్టారు. దీనిపై ఒక్కొక్కరూ ఒక్కో విధంగా కామెంట్లు పెడుతున్నారు. పేపర్‌ స్ట్రాలు ఖర్చు తక్కువ, వాడటంలో కొన్ని సమస్యలు వస్తున్నా అవి ఆరోగ్యానికి చాలా మంచివని చెప్పుకొస్తున్నారు.  అందరూ ఓవైపు ఉంటే మీరోవైపు ఉంటారంటూ కామెంట్లు చేస్తున్నారు. ప్లాస్టిక్ స్ట్రాలు తక్కువ ధరలకే దొరికినా అవి ఆరోగ్యాన్ని చాలా నాశనం చేస్తాయని తమ మనసులోని భావాలను కామెంట్ల రూపంలో తెలియజేస్తున్నారు.

Also Read: Priyanka Gandhi: 'ఆమె ఏ గ్రహం మీద నివసిస్తోంది'.. నిర్మలపై ప్రియాంక గాంధీ సెటైర్లు

Also Read: ఇండియన్ రైల్వేస్ మరో అద్భుతం.. 1200 హార్స్ పవర్‌తో హైడ్రోజన్ రైలు..!