Donald Trump : ఆ దేశంపైకి 15 వేలమంది సైనికులను పంపిన ట్రంప్.. ఏ క్షణమైనా ఎటాక్!

అమెరికా(america) తన సైనిక మోహరింపును రికార్డు స్థాయిలో పెంచింది. మాజీ అధ్యక్షుడు డోనాల్డ్ ట్రంప్(Donald Trump) ఆదేశాల మేరకు ప్రారంభించిన ఆపరేషన్ సదరన్ స్పియర్ మిషన్, వెనిజులా అధ్యక్షుడు నికోలస్ మదురోపై సైనిక చర్యకు రంగం సిద్ధం చేస్తోందనే ఆందోళనలను పెంచుతోంది.

యూఎస్‌ఎస్ జెరాల్డ్ ఆర్. ఫోర్డ్  విమాన వాహక నౌక  రాకతో పాటు, ఇప్పటికే ఈ ప్రాంతంలో ఉన్న ఎనిమిది యుద్ధనౌకలు, ప్యూర్‌టో రికోలోని బలగాలను కలుపుకొని అమెరికా మొత్తం 15,000 మంది సైనిక సిబ్బందిని మోహరించింది. ఇది దశాబ్దాలలో ఈ ప్రాంతంలో జరిగిన అతిపెద్ద సైనిక మోహరింపు.

అమెరికా రక్షణ కార్యదర్శి పీట్ హెగ్‌సెత్ ఈ ఆపరేషన్‌ను ప్రకటించారు. నార్కో-టెర్రరిస్టులను తమ పొరుగు ప్రాంతం నుండి తొలగించి, మాదకద్రవ్యాల నుండి అమెరికా ప్రజలను కాపాడటమే ఈ మిషన్ ప్రధాన లక్ష్యమని పేర్కొన్నారు. అమెరికా అధికారులు తమ దాడులు మాదకద్రవ్యాలను అక్రమంగా తరలించే పడవలను లక్ష్యంగా చేసుకుంటున్నాయని చెబుతున్నప్పటికీ, గత కొన్ని నెలలుగా జరిగిన అనేక దాడుల్లో వెనిజులా తీరానికి సమీపంలో ఉన్న పడవలే టార్గెట్ అయ్యాయి.

అయితేనిపుణుల అభిప్రాయం ప్రకారం, డ్రగ్స్ స్మగ్లింగ్‌ను అడ్డుకోవడానికి విమాన వాహక నౌక వంటి భారీ ఆయుధాలు అవసరం లేదు. ఈ మోహరింపు వెనిజులాపై సైనిక ఒత్తిడి పెంచడానికి, మదురో ప్రభుత్వాన్ని కూలదోయడానికే ఉద్దేశించినదని విశ్లేషకులు భావిస్తున్నారు. - military

Also Read :  మందుబాబులకు బిగ్ షాక్‌.. మధ్యాహ్నం వైన్స్‌ బంద్

నికోలస్ మదురోపై వారెంట్ జారీ

వెనిజులా(Venezuela) అధ్యక్షుడు నికోలస్ మదురోపై ఇప్పటికే అమెరికా డ్రగ్స్ అక్రమ రవాణా, మనీలాండరింగ్ ఆరోపణలు మోపి, ఆయనపై వారెంట్ జారీ చేసింది. అమెరికా బలగాల మోహరింపుకు ప్రతిస్పందనగా, వెనిజులా రక్షణ మంత్రి వ్లాదిమిర్ పాద్రినో లోపెజ్ దేశాన్ని గరిష్ట అప్రమత్తత స్థితిలోకి వెళ్లాలని ఆదేశించారు. మదురో ప్రభుత్వం దాదాపు 2,00,000 మంది బలగాలను రంగంలోకి దించామని, దేశం మొత్తం సైనిక సంసిద్ధతతో ఉందని ప్రకటించింది.

Also Read :  విమాన ప్రమాదంలో భారతీయురాలు మృతి.. రూ.317 కోట్ల పరిహారం