Jr NTR And Prashanth Neel Movie Crazy Update : టాలీవుడ్ యంగ్ హీరో ఎన్టీఆర్‌ (NTR), స్టార్ డైరెక్టర్ ప్రశాంత్‌ నీల్‌ (Prashanth Neel)కాంబోలో మూవీ రాబోతున్న విషయం తెలిసిందే. కాగా ఈ సినిమా షూటింగ్ ఎప్పుడెప్పుడు మొదలవుతుందా అని ఆసక్తికగా ఎదురుచూస్తున్న ప్రేక్షకులకోసం క్రేజీ అప్ డేట్ ఇచ్చారు దర్శకుడు. ఈ మేరకు రీసెంట్ గా ఓ సమావేవంలో పాల్గొన్న ప్రశాంత్ నీల్.. ఇప్పటి వరకు తాను తీసిన చిత్రాలకు అది విభిన్నంగా ఉంటుందని చెప్పారు. అయితే ఆ కథ ఏ నేపథ్యంలో సాగుతుందనే విషయం మాత్రం వెల్లడించలేదు. ప్రేక్షకులు యాక్షన్‌ చిత్రమని భావిస్తున్నారని, జానర్‌ ఏదైనా అది వారికి బాగా కనెక్ట్‌ అవుతుందన్న అభిప్రాయం వ్యక్తం చేశారు.

ఈ మేరకు వచ్చే ఏడాది ద్వితీయార్థంలో చిత్రీకరణ ప్రారంభించేందుకు సన్నాహాలు చేస్తున్నామన్నారు. ‘కేజీయఫ్‌ 3’ (KGF 3) గురించి మాట్లాడుతూ.. ‘‘ఆ సినిమా తప్పక ఉంటుంది. స్క్రిప్టు సిద్ధమైంది. సీక్వెల్‌ చేయాలనే ఆలోచనతోనే ‘కేజీయఫ్‌ 2’ (KGF)ఎండింగ్‌లో హింట్‌ ఇచ్చాం’’ అని తెలిపారు. బాలీవుడ్‌ ప్రముఖ నటుడు అమితాబ్‌ బచ్చన్‌ సినిమాలు చూస్తూ పెరిగానని, ఆయనతో ఓ సినిమా చేయాలనుందని మనసులో మాట బయటపెట్టారు. ‘సలార్‌ పార్ట్‌ 1- సీజ్‌ఫైర్‌’ (Salaar: Part 1- Ceasefire)త్వరలో విడుదల కానున్న సందర్భంగా ఓ మీడియాతో మాట్లాడుతూ ఈ సంగతులు పంచుకున్నారు. ప్రభాస్‌ (Prabhas) హీరోగా ప్రశాంత్‌ తెరకెక్కిస్తున్న చిత్రమే ‘సలార్‌’. శ్రుతి హాసన్‌ కథానాయిక. పృథ్వీరాజ్‌ సుకుమారన్‌, జగపతి బాబు, ఈశ్వరీరావు కీలక పాత్రలు పోషించారు. ఈ సినిమా తొలి భాగం డిసెంబరు 22న విడుదల కానుంది.

Also read :డీప్ ఫేక్ వీడియోపై స్పందించిన ప్రియాంక.. ఏమన్నారంటే

ఇక ‘కేజీయఫ్‌ 1’, ‘కేజీయఫ్‌ 2’ చిత్రాలతో ఈ దర్శకుడు దేశ వ్యాప్తంగా మంచి గుర్తింపు తెచ్చుకున్న సంగతి తెలిసిందే. ఆ ఘన విజయాల తర్వాత దర్శకత్వం వహించిన సినిమాకావడంతో ‘సలార్‌’పై ప్రేక్షకుల్లో భారీ అంచనాలు నెలకొన్నాయి. 2021లోనే ఎన్టీఆర్‌తో సినిమా చేస్తున్నట్లు ప్రకటించారాయన. #NTR31, #NTRNEEL అనేవి వర్కింగ్‌ టైటిల్స్‌గా ఉన్నాయి. ప్రస్తుతం శివ కొరటాల దర్శకత్వంలో ఎన్టీఆర్‌ ‘దేవర’లో నటిస్తుండగా ఈ మూవీ ఫస్ట్ పార్ట్ 2024 ఏప్రిల్‌ 5న విడుదలకానుంది.