Upendra Re- Release: 26 ఏళ్ల తర్వాత థియేటర్లలోకి 'ఉపేంద్ర' కల్ట్ క్లాసిక్.. రీ-రిలీజ్ ఎప్పుడంటే..?

Upendra Re- Release:1999లో విడుదలైన కన్నడ స్టార్ ఉపేంద్ర నటించిన 'ఉపేంద్ర' సినిమా అప్పట్లో ఎంతటి సంచలనాన్ని సృష్టించిందో ప్రత్యేకంగా చెప్పక్కర్లేదు. ఆ సినిమా విడుదల సమయంలో కేవలం కర్ణాటకలోనే కాదు, అప్పటి ఆంధ్రప్రదేశ్‌లో కూడా దీనికి భారీ ఫాలోయింగ్ ఏర్పడింది. ఇప్పుడు ఈ కాల్ట్ క్లాసిక్ చిత్రం తిరిగి థియేటర్లలోకి వచ్చేందుకు సిద్ధమవుతోంది.

రీ-రిలీజ్ డేట్ ఫిక్స్..

అక్టోబర్ 11, 2025 న ఉపేంద్ర సినిమా రీ-రిలీజ్ కాబోతుంది. ఈ అఫిషియల్ డేట్ అనౌన్స్ చేయడమే కాకుండా, రీ-రిలీజ్ ట్రైలర్‌ను కూడా రిలీజ్ చేశారు. ట్రైలర్ విడుదలైన వెంటనే Gen Z ఆడియెన్స్ లోనూ పాత ఉపేంద్ర అభిమానులలోనూ మంచి క్రేజ్ వచ్చేసింది.

సాధారణ సినిమాలకు భిన్నంగా ఉండే కథ, డార్క్ సాటైరిక్ టోన్, మనసును కుదిపేసే డైలాగ్స్ ఈ సినిమాకు ప్రత్యేక ఆకర్షణలు. ఇప్పుడు ఈ సినిమా మళ్లీ థియేటర్‌లో చూడాలన్న ఆసక్తి ప్రేక్షకుల్లో కనిపిస్తోంది.

ఈ సినిమాను తెలుగు రాష్ట్రాల్లో తిరిగి విడుదల చేయడానికి Mythri Movie Distributors హక్కులు సొంతం చేసుకున్నారు. ఇది Mythri Movie Makers యొక్క డిస్ట్రిబ్యూషన్ విభాగం. వారు సినిమాను నిజాం ఏరియాలో పెద్ద ఎత్తున విడుదల చేయాలని ప్లాన్ చేస్తున్నారు.

ఈ సినిమాలో కథానాయకుడిగానే కాకుండా, రచయిత, దర్శకుడుగానూ ఉపేంద్ర స్వయంగా వ్యవహరించారు. ఆయన డైరెక్షన్‌ స్టైల్ సినిమాకు చాలా బలాన్నిచ్చింది. హీరోయిన్‌గా బాలీవుడ్ బ్యూటీ రవీనా టాండన్, అలాగే ప్రేమ, డామిని ప్రధాన పాత్రలు పోషించారు. ఈ సినిమాను పాటి సుదేవ్ ప్రెజెంట్ చేస్తున్నారు.

Also Read: బూతులు ఉంటే తప్పేంటి..? మాస్ జాతర 'ఓలే ఓలే' పాటపై రవితేజ షాకింగ్ కామెంట్స్..

సినిమా హైలైట్స్

సమాజంపై తక్కువగా మాట్లాడే కాన్సెప్ట్‌లను బోల్డ్‌గా చూపించిన డైరెక్షన్, హీరో పాత్రలో అసలు మనిషి మనస్తత్వాన్ని ప్రతిబింబించే విధానం, కామెడీ, హారర్, సోషల్ మెసేజ్ అన్నింటి కలిపిన సినిమా..

సాధారణ సినిమాలకన్నా భిన్నంగా, ఆలోచింపజేసే కథాంశంతో రూపొందిన 'ఉపేంద్ర' సినిమా, 26 ఏళ్ల తర్వాత కూడా ప్రేక్షకులను ఆకట్టుకుంటోంది. కొత్త తరం ప్రేక్షకులకు ఇది ఓ కొత్త అనుభవం, పాత తరం అభిమానులకు మాత్రం నోస్టాల్జియా.

అక్టోబర్ 11న థియేటర్లలో మళ్లీ మాయ చేయబోతున్న ఉపేంద్ర సినిమాను తప్పకుండా చూడాలని అభిమానులు ఎదురు చూస్తున్నారు.