Sailesh Kolanu: ఇది కదా కిక్కంటే.. ఒకే ఫ్రేమ్‌లో 19 మంది టాలీవుడ్ యంగ్ డైరెక్టర్స్ - రచ్చ రచ్చే

టాలీవుడ్ హీరోలంతా ఒకే ఫ్రేమ్‌లో కనిపిస్తే ఆ కిక్కే వేరు. వారిని చూసి అభిమానులు మురిసిపోతూ ఉంటారు. ఇక డైరెక్టర్లకు కూడా ప్రత్యేక ఫ్యాన్ బేస్ ఉంది. తమ డైరెక్టర్ సినిమా వస్తుందంటే.. జోరుగా సందడి సందడి చేస్తారు. మరి ఆ డైరెక్టర్లంతా ఒకే ఫ్రేమ్‌లో కనిపిస్తే ఎలా ఉంటుంది. అదిరిపోతుంది కదూ.. తాజాగా అలాంటిదే జరిగింది. టాలీవుడ్ యాంగ్ డైరెక్టర్లంతా ఒకే చోట కనిపించి ఫ్యాన్స్‌కు సర్‌ప్రైజ్ అందించారు. 

ఒకే ఫ్రేమ్‌లో డైరెక్టర్స్

శైలేష్‌ కొలను, బుచ్చిబాబు సానా, చందు మొండేటి, పవన్ సాధినేని, సందీప్ రాజ్,  హసిత్ గోలి, రాహుల్ సంకృత్యాన్,  భరత్ కమ్మ, వినోద్ అనంతోజు, వివేక్ ఆత్రేయ, వెంకీ కుడుముల, అనుదీప్,  ఆర్ఎస్ జే స్వరూప్ శ్రీరామ్ ఆదిత్య, సాయి రాజేష్,  మున్నా, వశిష్ఠ, సాగర్ కె చంద్ర డైరెక్టర్లు అందరూ కలిసి ఒకే చోట కనిపించడంతో కారణం ఏంటా? అని అంతా గుసగుసలాడుకుంటున్నారు. 

అయితే వీరంతా ఒకే చోట కలవడానికి ఒక కారణం ఉంది. రీసెంట్‌గా దర్శకుడు శైలేష్ కొలను నాచురల్ స్టార్ నానితో ‘హిట్ 3’ మూవీ తీసి బ్లాక్ బస్టర్ హిట్ కొట్టేశాడు. ఇందులో భాగంగానే అతడు తన తోటి డైరెక్టర్స్ అందరినీ ఒక చోట కలిశాడు. అందుకు సంబంధించిన ఫొటోలను తన ట్విట్టర్ (ఎక్స్) ఖాతాలో పంచుకున్నాడు.  

We have been wanting to catch up for a long time now and what better way than to share the success of my movie with this bunch of people who stood by me in the toughest of times. You may not know this but this group of directors in TFI keep in touch, check on each other and make… pic.twitter.com/k7zYQlsvXY

— Sailesh Kolanu (@KolanuSailesh) May 11, 2025

Also Read: ఆపరేషన్ సిందూర్‌ను ఆపలేదు.. ఎయిర్ ఫోర్స్ సంచలన ప్రకటన!

ఈ మేరకు ఆ పోస్టుపై తన మనసులో మాటలను రాసుకొచ్చాడు. ‘‘చాలా కాలంగా మేము కలిసి ఉండాలనుకుంటున్నాము. నా సినిమా విజయాన్ని కష్ట సమయాల్లో నాకు తోడుగా నిలిచిన ఈ వ్యక్తులతో పంచుకోవడం కంటే మంచి మార్గం ఏముంటుంది. మీకు ఇది తెలియకపోవచ్చు కానీ టాలీవుడ్ ఫిల్మ్ ఇండస్ట్రీ (TFI)లోని ఈ దర్శకుల బృందం ఎప్పుడూ టచ్‌లో ఉంటుంది. ఒకరినొకరు కలుసుకుని యోగక్షేమాలు తెలుసుకుంటాం. సినిమాలను సెలబ్రేట్ చేసుకుంటాం. మేమంతా ఒక కుటుంబం’’ అంటూ తెలిపాడు. 

Also Read: కాల్పుల విరమణలో వీళ్లే కీలకం.. ఇరు దేశాల DGMO గురించి మీకు తెలుసా?

hit 3 | saileshkolanu | latest-telugu-news | telugu-news