Shafali Jariwala: గుండెపోటుతో బిగ్ బాస్ ఫేమ్.. ప్రముఖ నటి మృతి

ప్రముఖ నటి, మోడల్ షఫాలీ జరివాలా (42) కన్నుమూశారు. నిన్న (శుక్రవారం) రాత్రి ఆమె గుండెపోటుతో తుదిశ్వాస విడిచినట్లు సమాచారం. ఈ వార్తతో సినీ పరిశ్రమతో పాటు ఆమె అభిమానులు తీవ్ర దిగ్భ్రాంతికి గురయ్యారు.

Shefali Jariwala Passes Away

ప్రాథమిక సమాచారం ప్రకారం.. శుక్రవారం రాత్రి షఫాలీ ముంబైలోని తన నివాసంలో అస్వస్థతకు గురయ్యారు. ఆమెను ఆమె భర్త, నటుడు పరాగ్ త్యాగి, మరో ముగ్గురు ముంబైలోని బెల్లేవ్ మల్టీస్పెషాలిటీ ఆసుపత్రికి తరలించారు. అయితే ఆమె అప్పటికే మరణించినట్లు వైద్యులు ప్రకటించారు. మరణానికి ఖచ్చితమైన కారణం తెలియలేదు. 

Also Read: భారీ వరదలు.. వందల మంది గల్లంతు.. ఒకే కుటుంబంలో 18మంది!

2000ల ప్రారంభంలో విజయవంతమైన ‘కాంటా లగా’ మ్యూజిక్ వీడియోలో తన నటనకు షెఫాలీ జరివాలా బాగా పేరు తెచ్చుకుంది. ఈ పాట ఆమెకు ‘కాంటా లగా గర్ల్’ అనే బిరుదును కూడా తెచ్చిపెట్టింది. ఆ తర్వాత ఆమె సల్మాన్ ఖాన్ ముజ్సే షాదీ కరోగిలో నటించింది. అనంతరం ఆమె సల్మాన్ హోస్ట్ చేసిన రియాలిటీ షో బిగ్ బాస్ 13లో కూడా పాల్గొంది. 2004లో షెఫాలి మీట్ బ్రదర్స్ ఫేమ్ సంగీతకారుడు హర్మీత్ సింగ్‌ను వివాహం చేసుకుంది. కానీ 2009లో విడిపోయింది. 2015లో నటుడు పరాగ్ త్యాగిని రెండో వివాహం చేసుకుంది. 

Also Read: కోల్‌కతా గ్యాంగ్‌ రేప్‌ ఘటన.. వెలుగులోకి సంచలన నిజాలు

షెఫాలి జరివాలా మృతి పట్ల ప్రముఖులు సోషల్ మీడియాలో సంతాపం తెలిపారు. ‘‘నేను తీవ్ర దిగ్భ్రాంతికి గురయ్యాను. బాధపడ్డాను. హృదయం బరువెక్కింది.. మన ప్రియమైన స్టార్, నా ప్రియమైన స్నేహితురాలు shefalijariwala మమ్మల్ని విడిచిపెట్టారు. ఇప్పటికీ నమ్మలేకపోతున్నాను.’’ ఒకరు రాసుకొచ్చారు.

‘‘నా స్నేహితురాలు షెఫాలి జరివాలా ఇక లేరని విని నేను పూర్తిగా ఆశ్చర్యపోయాను. నేను చివరిసారిగా ఆమెను ఒక పార్టీలో కలిశాను. జీవితం చాలా చిన్నది. ఆమె నాతో BiggBoss13లో ఉంది.’’ మరొకరు తెలిపారు. 

Also Read: కనీసం ముగ్గురు పిల్లలను కనండి.. ఎలాన్‌ మస్క్‌ కీలక సూచన

Also Read :  పూరీ జగన్నాథ్ రథయాత్రలో 500 మంది భక్తులకు గాయాలు

crime news | latest-telugu-news | movie-news | Shafali Jariwala