Cibil Score: భారీగా సిబిల్ స్కోర్ పడిపోయిందా.. ఈ టెక్నిక్స్ పాటిస్తే 30 రోజుల్లోనే ఈజీగా పెంచుకోవచ్చు.. ఎలాగంటే?

ఈ రోజుల్లో సిబిల్ స్కోర్(cibil-score) అనేది చాలా ముఖ్యమైనది. మీరు లోన్(bank-loans) తీసుకోవాలన్నా లేదా కొత్త క్రెడిట్ కార్డ్(credit-card) కావాలన్నా ముందుగా చూసేది సిబిల్ స్కోర్. ఇది ఎంత బాగుంటే మీకు అంత తక్కువ వడ్డీ రేటుకే ఎక్కువ మొత్తంలో రుణాలు వస్తాయి. ప్రస్తుతం చాలా మంది సకాలంలో రుణాలు కట్టడం లేదు. దీంతో వారి సిబిల్ స్కోర్ ఒక్కసారిగా పడిపోతుంది. అయితే సిబిల్ స్కోర్‌ను కేవలం నెల రోజుల్లోనే ఈజీగా పెంచుకోవడం ఎలాగో ఈ స్టోరీలో చూద్దాం.

ఇది కూడా చూడండి: Gold Prices Today: నువ్వా.. నేనా..! గోల్డ్ తో సిల్వర్ పోటీ.. రేట్లు ఎలా ఉన్నాయంటే..?

రుణాలు సరైన సమయంలో చెల్లించండి

సిబిల్ తగ్గడానికి ప్రధాన కారణం ఇదే. క్రెడిట్ కార్డు బిల్లులు, ఈఎమ్‌ఐలు ఒక్క రోజు ఆలస్యం చేసినా కూడా క్రెడిట్ స్కోర్ మీద తీవ్రంగా ప్రభావం పడుతుంది. కాబట్టి మీరు తప్పకుండా కట్టాల్సిన టైమ్‌కే కట్టాలి. మీరు మీ క్రెడిట్, ఈఎంఐలకు తప్పకుండా ఆటోడెబిట్ సెట్ చేయండి. దీనివల్ల మీరు మరిచిపోకుండా సరైన టైమ్‌కి రుణాలు చెల్లిస్తారు. దీంతో మీ క్రెడిట్ స్కోర్ ఈజీగా పెరుగుతుంది.

30% నియమాన్ని పాటించండి
ఈ రూల్ మీ సిబిల్ స్కోర్ పెరగడానికి బాగా ఉపయోగపడుతుంది. దీన్నే 'క్రెడిట్ యుటిలైజేషన్ రేషియో' (Credit Utilisation Ratio - CUR) అంటారు. అంటే మీరు క్రెడిట్ కార్డు లిమిట్‌లో 30 శాతం కంటే తక్కువ మాత్రమే ఉపయోగించాలి. ఉదాహరణకు మీ క్రెడిట్ పరిమితి లిమిట్ రూ.1 లక్ష అయితే మీరు రూ. 30,000 కంటే ఎక్కువ వాడకుండా చూసుకోవాలి. మీరు ఎక్కువ ఖర్చు పెట్టినా, క్రెడిట్ కార్డ్ స్టేట్‌మెంట్ రాకముందే కొంత డబ్బు చెల్లించి 30% కంటే తక్కువ బ్యాలెన్స్ ఉండేలా చూసుకోండి. దీంతో మీరు తక్కువగా డబ్బులు వాడుతున్నారని అర్థమవుతుంది. దీనివల్ల మీకు నెల రోజుల్లోనే సిబిల్ స్కోర్ పెరుగుతుంది.

కొత్త లోన్లు తీసుకోవద్దు
సిబిల్ పెరగాలని అనుకుంటే మాత్రం కొత్త లోన్ లేదా క్రెడిట్ కార్డు కోసం అసలు అప్లై చేయవద్దు. మీరు ఇలా చేయడం వల్ల తక్కువ సమయంలో ఎక్కువగా డబ్బు అవసరం ఉందని బ్యాంకులు భావిస్తాయి. దీంతో ఆటోమెటిక్‌గా మీ సిబిల్ స్కోర్ తగ్గిపోతుంది. మీరు ఒక లోన్ తీసుకుంటే దాన్ని క్లియర్ చేసిన తర్వాత మాత్రమే ఇంకో లోన్ తీసుకోండి. 

ఒక మూడు నెలల పాటు
ఈ రూల్‌ను ఒకసారి పాటించి వదిలేయకుండా ఒక నెల నుంచి ఆరు నెలల పాటు పాటిస్తేనే సిబిల్ స్కోర్ ఈజీగా పెరుగుతుందని నిపుణులు చెబుతున్నారు.

ఇది కూడా చూడండి: Mutual Funds: రూ.1000 ఇన్వెస్ట్ చేయు.. రూ.కోటి పట్టు..  ఈ మ్యాచువల్ ఫండ్స్‌లో పెట్టుబడి పెడితే డబ్బే డబ్బు