మార్కెట్‌లో AI వణుకు.. ఇన్వెస్టర్ల కొంపముంచిన సాఫ్ట్‌వేర్ స్టాక్స్!

షేర్ మార్కెట్ ఒక్కసారిగా కుప్పకూలింది. మన దేశీ మార్కెట్లలో ముఖ్యంగా సాఫ్ట్‌వేర్ కంపెనీల షేర్లు భారీగా పడిపోవడంతో ఇన్వెస్టర్లు లక్షల కోట్లు నష్టపోయారు. సెన్సెక్స్ ఏకంగా 559 పాయింట్లు పడిపోగా, నిఫ్టీ కూడా కీలకమైన స్థాయి కంటే కిందకు జారిపోయింది. టీసీఎస్, ఇన్ఫోసిస్, విప్రో లాంటి పెద్ద పెద్ద కంపెనీల షేర్లను అమ్మేయడానికి ఇన్వెస్టర్లు పోటీ పడటంతో మార్కెట్లలో ఈ కలకలం రేగింది.

ఈ పతనానికి ప్రధాన కారణం ఏఐ అని చెప్పొచ్చు. ప్రపంచవ్యాప్తంగా ఐటీ కంపెనీలు ఏఐ సాంకేతికతపై భారీగా ఖర్చు చేస్తున్నాయి. అయితే, ఈ ఏఐ వల్ల కంపెనీలకు వెంటనే లాభాలు వస్తాయా? లేక పాత పద్ధతిలో పనిచేసే ఐటీ ఉద్యోగాలకు దీనివల్ల ముప్పు వస్తుందా? అనే భయం ఇన్వెస్టర్లలో మొదలైంది. అమెరికా మార్కెట్లలో కూడా టెక్ కంపెనీల షేర్లు పడిపోవడంతో, ఆ ప్రభావం మన భారతీయ ఐటీ కంపెనీల మీద గట్టిగా పడింది.

అమెరికాలో వడ్డీ రేట్లు తగ్గుతాయని

దీనికి తోడు అంతర్జాతీయంగా ఉన్న మరికొన్ని సమస్యలు కూడా మార్కెట్‌ను దెబ్బతీశాయి. అమెరికాలో వడ్డీ రేట్లు తగ్గుతాయని అందరూ ఆశపడ్డారు, కానీ అక్కడ పరిస్థితులు చూస్తుంటే ఇప్పుడప్పుడే రేట్లు తగ్గేలా లేవు. అలాగే అమెరికా, ఇరాన్ దేశాల మధ్య ఉన్న గొడవలు కూడా ఇన్వెస్టర్లను టెన్షన్ పెట్టాయి. వీటివల్ల రిస్క్ తీసుకోవడం ఇష్టం లేక చాలామంది తమ షేర్లను అమ్మేసి బయటకు వచ్చేస్తున్నారు.

మార్కెట్ నిపుణులు చెబుతున్న దాని ప్రకారం.. ఇది కేవలం ఒక తాత్కాలిక భయం మాత్రమే కావొచ్చు. అయితే, చిన్న ఇన్వెస్టర్లు ఇలాంటి సమయాల్లో కంగారుపడి నిర్ణయాలు తీసుకోవద్దని వారు సూచిస్తున్నారు. మార్కెట్ మళ్లీ పుంజుకోవాలంటే ప్రపంచవ్యాప్తంగా ఐటీ రంగంపై ఉన్న ఈ నీలినీడలు తొలగిపోవాలి. అప్పటిదాకా ఇన్వెస్టర్లు కాస్త జాగ్రత్తగా ఉండటం మంచిది.