AP Crime: వీడు కొడుకు కాదు రాక్షసుడు.. తల్లిని రోకలి బండతో కొట్టి చంపి..!

ఈ భూమ్మీద తల్లిని మించిన దైవం లేదు అంటారు. అమ్మ ఒడి బిడ్డకు మొదటి స్థానం. అటువంటి తల్లిని కంటికి రెప్పలా చూసుకోవాల్సిన కొడుకే ఆమె పాలిట కాలయముడయ్యాడు. కన్న పేగు బంధాన్ని తెంచుకున్న కసాయిగా మారాడు. ఈ రోజుల్లో ఆస్తిపాస్తులు, అప్పుల గొడవలు, పరువు ప్రతిష్ఠల కోసం ఎన్నో కుటుంబాలు చిన్నాభిన్నమవుతున్నాయి. తమలో తాము కలహించుకొని కన్నవాళ్లను కడతేర్చడానికి కూడా వెనుకాడడం లేదు. ఇలాంటి ఘటనలకు ప్రతిబింబమే ఆ కన్న కొడుకు కసాయిగా మారిన వైనం. మద్యం మత్తులో కన్నతల్లిని అత్యంత కిరాతకంగా చంపిన ఘటన ఏపీలో చోటుచేసుకుంది. 

తల్లిని చంపిన కొడుకు..

ఎన్టీఆర్ జిల్లా మైలవరం మండలం బాడవ గ్రామంలో ఒక హృదయవిదారకమైన ఘటన చోటుచేసుకుంది. మద్యం మత్తులో ఉన్న కొడుకు తన తల్లిని రోకలిబండతో కొట్టి చంపాడు. మృతురాలు గర్నెపూడి సీతామహాలక్ష్మి (60) నిందితుడు ఆమె కొడుకు గర్నెపూడి రవి (35) ఈ ఘటన బుధవారం రాత్రి చోటుచేసుకుంది. గత కొన్ని సంవత్సరాలుగా రవి మద్యానికి బానిసయ్యాడు. ఈ విషయంపై తల్లి సీతామహాలక్ష్మి అతడిని పలుమార్లు మందలించింది. బుధవారం రాత్రి కూడా ఆమె మద్యం తాగవద్దని కొడుకును కోరింది. దీంతో తీవ్ర ఆగ్రహానికి గురైన రవి మద్యం మత్తులో ఇంటిలో ఉన్న రోకలిబండను తీసుకొని తల్లి తలపై బలంగా కొట్టాడు. ఈ ఊహించని దాడితో ఆమె అక్కడికక్కడే కుప్పకూలిపోయింది. కుటుంబసభ్యులు, చుట్టుపక్కల వారు స్పృహలోకి వచ్చేసరికి సీతామహాలక్ష్మి అప్పటికే మరణించింది.

ఇది కూడా చదవండి: ఎంతకు తెగించావ్ రా...  అక్రమ సంబంధానికి ఒప్పుకోలేదని చంపేశాడు!

ఈ విషయం తెలుసుకున్న స్థానికులు వెంటనే పోలీసులకు సమాచారం అందించారు. ఘటనా స్థలానికి చేరుకున్న పోలీసులు మృతదేహాన్ని స్వాధీనం చేసుకుని పోస్టుమార్టం నిమిత్తం ప్రభుత్వాస్పత్రికి తరలించారు. ఈ సంఘటనపై కేసు నమోదు చేసుకున్న పోలీసులు దర్యాప్తు ప్రారంభించారు. నిందితుడు గర్నెపూడి రవిని అదుపులోకి తీసుకుని విచారిస్తున్నారు. మద్యం మత్తులో జరిగిన ఈ దారుణమైన హత్య గ్రామంలో విషాద ఛాయలు నింపింది. ఈ ఘటనపై పోలీసులు మరింత సమాచారం సేకరిస్తున్నారు. ఈ సంఘటనను నివారించాలంటే యువత మద్యపానానికి దూరంగా ఉండాలని, కుటుంబ పెద్దలు కూడా వారిపై దృష్టి పెట్టాలని స్థానికులు అభిప్రాయపడ్డారు. ఇలాంటి ఘటనలు పునరావృతం కాకుండా ఉండటానికి ప్రభుత్వాలు కఠినమైన చర్యలు తీసుకోవాలని వారు కోరారు. ఈ ఘటనపై పూర్తి స్థాయి నివేదిక కోసం పోలీసులు దర్యాప్తు చేస్తున్నారు. ప్రజలు మద్యపానం వల్ల కలిగే దుష్ప్రభావాలపై అవగాహన పెంచుకోవాలని కోరారు. ఇలాంటి దురదృష్టకరమైన సంఘటన సమాజంలో కుటుంబ సంబంధాలపై పెను ప్రభావం పడేలా చేస్తుందని మరికొందరు అంటున్నారు.

ఇది కూడా చదవండి: అయ్యో బిడ్డలు.. ఇంజనీరింగ్ స్టూడెంట్స్ ప్రాణం తీసిన ఈత సరదా.. ఎంతమంది చనిపోయారంటే?