Business: మనం ప్రపంచంలోనే నంబర్.1.. చైనా, అమెరికాను దాటేసిన భారత్!

పప్పుధాన్యాలు మనిషి ఆహారంలో ఒక ముఖ్యమైన భాగం. ఇవి మొక్కల కుటుంబానికి చెందినవి, వాటి కాయలలో విత్తనాలను ఉత్పత్తి చేస్తాయి. శతాబ్దాలుగా పప్పుధాన్యాలు మానవ నాగరికతకు పోషకాహారాన్ని అందిస్తున్నాయి. ఇవి ముఖ్యంగా ప్రోటీన్, ఫైబర్, విటమిన్లు, ఖనిజాలకు గొప్ప వనరులు. మాంసాహారం తిననివారికి ఇవి ప్రోటీన్ అవసరాలను తీర్చడానికి ఒక మంచి ప్రత్యామ్నాయం. ప్రపంచవ్యాప్తంగా పప్పుధాన్యాల వినియోగం ఉంది. వీటిలో కందులు, పెసలు, శనగలు, మినపప్పు, పచ్చి బఠానీలు వంటి రకాలు ప్రాచుర్యంలో ఉన్నాయి. ఇవి కేవలం పోషకాలను అందించడమే కాకుండా.. నేల ఆరోగ్యాన్ని కూడా మెరుగుపరుస్తాయి. ఎందుకంటే అవి వాతావరణంలోని నత్రజనిని నేలలో స్థిరీకరిస్తాయి. అందువల్ల పప్పుధాన్యాలు ఆరోగ్యకరమైన ఆహారానికి, పర్యావరణ పరిరక్షణకు కూడా తోడ్పడతాయి. అయితే పప్పుధాన్యాల ఉత్పత్తిలో ప్రపంచంలోని టాప్ 10 దేశాలలో భారతదేశం నంబర్ 1 స్థానంలో ఉంది. పప్పుధాన్యాల ఉత్పత్తిలో చైనా, అమెరికా కూడా వెనుకబడి ఉన్నాయి. వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

పప్పుధాన్యాల ఉత్పత్తి రెట్టింపు..

ప్రపంచవ్యాప్తంగా పోషకాహారంలోనూ, వ్యవసాయంలోనూ కీలకపాత్ర పోషిస్తున్న పప్పుధాన్యాల ఉత్పత్తిలో భారత్ అగ్రగామిగా నిలుస్తోంది. ఇటీవల విడుదలైన నివేదికల ప్రకారం.. భారతదేశం ఏటా 28 మిలియన్ మెట్రిక్ టన్నుల పప్పుధాన్యాలను ఉత్పత్తి చేస్తూ ప్రపంచంలోనే మొదటి స్థానంలో ఉంది. గత 20 ఏళ్లలో 2002లో 11.13 మిలియన్ మెట్రిక్ టన్నులుగా ఉన్న భారతదేశ పప్పుధాన్యాల ఉత్పత్తి రెట్టింపు కంటే ఎక్కువగా పెరిగింది. ఈ పెరుగుదల దేశంలో పప్పుధాన్యాల వినియోగం ఎంత విస్తృతంగా ఉందో తెలియజేస్తుంది. భారతదేశంలో శనగలు, కందులు, పెసలు వంటి వివిధ రకాల పప్పుధాన్యాలు పండిస్తున్నారు. కర్ణాటక, మధ్యప్రదేశ్, మహారాష్ట్ర, రాజస్థాన్, ఉత్తరప్రదేశ్ వంటి రాష్ట్రాలు పప్పుధాన్యాల ఉత్పత్తిలో ముఖ్యపాత్ర పోషిస్తున్నాయి.

టాప్ 10 దేశాలు:

భారతదేశం- 28
మయన్మార్- 5.5  
కెనడా-  5.1 
చైనా- 5
రష్యా- 4.1 
నైజీరియా- 4
నైజర్- 3.5
ఇథియోపియా-3.47 తెలుగు
బ్రెజిల్- 2.9 ఐరన్
అమెరికా-2

ఇది కూడా చదవండి: అనిల్‌ అంబానీకి మరో ఎదురుదెబ్బ.. రూ.2929 కోట్ల బ్యాంక్ మోసం కేసులో సీబీఐ సోదాలు

భారత్ తర్వాత పప్పుధాన్యాల ఉత్పత్తిలో మయన్మార్ రెండో స్థానంలో ఉంది. 2021లో మయన్మార్ ఉత్పత్తి 7 మిలియన్ మెట్రిక్ టన్నులకు చేరింది. 2020-21లో 2 మిలియన్ టన్నులకు పైగా పప్పుధాన్యాలను ఎగుమతి చేసింది. దీంతో ప్రపంచ మార్కెట్లో కూడా ఈ దేశం ప్రాధాన్యతను నిరూపించుకుంది. మయన్మార్ తర్వాత కెనడా (5.1 మిలియన్ మెట్రిక్ టన్నులు), చైనా (5 మిలియన్ మెట్రిక్ టన్నులు), రష్యా (4.1 మిలియన్ మెట్రిక్ టన్నులు) మొదటి ఐదు స్థానాల్లో ఉన్నాయి. ప్రపంచవ్యాప్తంగా 170 దేశాల్లో పప్పుధాన్యాలు పండిస్తున్నారు. 2022 నాటికి ప్రపంచంలో సుమారు 9.6 మిలియన్ హెక్టార్ల విస్తీర్ణంలో పప్పుధాన్యాల సాగు జరిగింది. ఇది ఆహార భద్రతలో పప్పుధాన్యాల ప్రాముఖ్యతను స్పష్టం చేస్తోంది.

ఇది కూడా చదవండి: SBI క్రెడిట్ కార్డు వాడే వారికి అలర్ట్.. సెప్టెంబర్ 1 నుంచి కొత్త రూల్స్.. తప్పక తెలుసుకోండి!