TG Crime: సంగారెడ్డిలో హైటెన్షన్.. స్కూల్ బస్సులో మంటలు.. స్పాట్లో ఐదుగురు స్టూడెంట్స్!

TG Crime: సంగారెడ్డి జిల్లా కిష్టారెడ్డిపేటలో స్కూల్‌ బస్సుకు మంటలు అంటుకున్నాయి.  గురువారం ఉదయం చోటుచేసుకున్న సంఘటన అందరిలోనూ కలకలం రేపింది. ఢిల్లీ పబ్లిక్ స్కూల్‌కు చెందిన బస్సు విద్యార్థులను ఎక్కించుకుంటున్న సమయంలో ఒక్కసారిగా మంటలు చెలరేగాయి. ఇది అక్కడున్న విద్యార్థులు, ఉపాధ్యాయులు, బస్ సిబ్బందిలో తీవ్ర ఆందోళనను కలిగించింది. ఉదయం పాఠశాలకు వెళ్లేందుకు పిల్లలు బస్సులోకి ఎక్కుతుండగా కింద భాగంలో అకస్మాత్తుగా స్పార్క్ వచ్చి మంటలు చెలరేగాయి. మంటలు బస్సును చుట్టుముట్టడంతో పిల్లలు భయంతో అరవటం మొదలుపెట్టారు. అయితే వెంటనే అప్రమత్తమైన డ్రైవర్, టీచర్లు పిల్లలను బస్సు నుంచి కిందకు దించారు. 

ఘోర ప్రమాదం తప్పింది:

ఈ ఘటనపై సమాచారం అందుకున్న ఫైర్ సిబ్బంది తక్షణమే సంఘటనా స్థలానికి చేరుకొని మంటలను అదుపులోకి తీసుకువచ్చారు. మంటలు  అంటుకున్న సమయంలో బస్సులో విద్యార్థులు ఉండటంతో సమయస్ఫూర్తిగా వ్యవహరించకపోతే అది ఘోర ప్రమాదంగా మారేదని ఫైర్ అధికారులు తెలిపారు. అయితే మంటలు పూర్తిగా వ్యాపించకముందే పిల్లలను కిందికి దింపిన తీరుపై పలువురు ప్రశంసలు కురిపిస్తున్నారు. ఈ ఘటనలో ఎవరికీ గాయాలు కాకపోవడం వల్ల అంతా ఊపిరి పీల్చుకున్నారు. దీంతో పెద్ద పెను ప్రమాదం తప్పింది. 

సంగారెడ్డి జిల్లాలో తప్పిన పెను ప్రమాదం.

పాఠశాలకు వెళ్తున్న ఓ ప్రైవేటు బస్సులో మంటలు చెలరేగి పూర్తిగా బస్సు దగ్ధమైపోయింది.

ప్రమాద సమయంలో స్కూల్ బస్సులో ఐదుగరు విద్యార్థులు ఉన్నారు, ఈ ప్రమాదంలో అదృష్టవశాత్తూ ఎవరికి ఏమి కాలేదు.

ఫైరింజన్ వచ్చేలోపే బస్సు పూర్తిగా కాలిపోయింది.… pic.twitter.com/2OK2xyCayH

— greatandhra (@greatandhranews) July 10, 2025

కానీ స్కూల్ బస్సు పాక్షికంగా దగ్ధమైంది. స్కూల్ వాహనాల్లో మెకానికల్ సమస్యలు, భద్రతాపరంగా నిర్లక్ష్యం ఉంటే ఇలాంటి ఘటనలు జరుగుతాయని పలువురు ఉంటున్నారు. ప్రస్తుతం ఈ ఘటనపై స్థానిక పోలీసులు విచారణ చేపట్టారు. విద్యార్థుల తల్లిదండ్రులు స్కూల్ యాజమాన్యాన్ని ప్రశ్నిస్తూ భద్రతపై మరింత జాగ్రత్తలు తీసుకోవాలని డిమాండ్ చేస్తున్నారు. సమయానుకూలంగా స్పందించిన డ్రైవర్, టీచర్లు, ఫైర్ సిబ్బంది చొరవ వల్ల పిల్లలందరూ క్షేమంగా బయటపడగలిగారని తల్లిదండ్రులు అంటున్నారు. పోలీసులు ఘటనపై కేసు నమోదు చేసి దర్యాప్తు చేస్తున్నారు.

ఇది కూడా చదవండి: గుమ్మడికాయ ఏ వ్యక్తులు తినకూడదో తెలుసా..? అది తీవ్రమైన హాని కలిగిస్తుంది

(TG Crime | crime | Latest News | telugu-news)

ఇది కూడా చదవండి: కొత్తిమీర-జీలకర్ర ఆరోగ్య ప్రయోజనాలు తెలుసా..?