TG Crime: ఖమ్మంలో ఘోర రోడ్డు ప్రమాదం..స్పాట్‌లో 80 మంది..!!

TG Crime: ఖమ్మం జిల్లా కామేపల్లి మండలం మర్రిగూడెం సమీరంలో ఘోర రోడ్డు ప్రమాదం చోటు చేసుకుంది. ఖమ్మం నుంచి ఇల్లందు వెళ్తున్న ఆర్టీసీ బస్సును ఎదురుగా వస్తున్న యాష్ ట్యాంకర్ ఢీ కొట్టింది. ప్రమాదం జరిగిన సమయంలో బస్సులో సుమారు 80 మంది ప్రయాణికులు ఉండగా, వారిలో చాలామంది తీవ్రంగా గాయపడ్డారు. ఆర్టీసీ కండక్టర్ సహా పది మంది ప్రయాణికులు తీవ్రంగా గాయపడ్డారు. బస్సు సాధారణంగా ప్రయాణిస్తున్నప్పటికీ.. ట్యాంకర్ డ్రైవర్ వేగంగా, నియంత్రణ లేకుండా వాహనాన్ని నడిపిస్తున్నట్లు ప్రయాణికులు తెలిపారు. శుక్రవారం ఉదయం జరిగిన ఈ ప్రమాదం పలు కుటుంబాలను ఆందోళనలో ముంచింది.

మద్యం మత్తులో .. 

ప్రమాదం అనంతరం గాయపడినవారిని సమీప స్థానికులు, పోలీసులు అంబులెన్స్‌లలో ఖమ్మం జిల్లా ప్రభుత్వాసుపత్రికి తరలించారు. కొంతమందికి తలకాయకు గాయాలు కాగా, మరి కొంత మందికి చేతులు, కాళ్లకు ఫ్రాక్చర్లు అయ్యాయి. ఆసుపత్రిలో చికిత్స పొందుతున్న వారు ప్రస్తుతం ప్రమాదమేగాని స్థితిలో ఉన్నారని వైద్యులు తెలిపారు. ప్రమాదం జరిగిన వెంటనే అక్కడి వాతావరణం తీవ్ర ఉద్రిక్తంగా మారింది. బస్సు లోపల ప్రయాణికులు అరుస్తూ, కేకలు వేస్తూ భయానక దృశ్యాలు కనిపించాయి. కొంతమంది బస్సు లోపల ఇరుక్కుపోవడంతో వారిని బయటకు తీయడానికి స్థానికులు తీవ్రంగా శ్రమించారు. పోలీసులు వెంటనే ఘటనా స్థలానికి చేరుకొని సహాయ చర్యలు చేపట్టారు.

ఇది కూడా చదవండి: ప్రతిరోజూ ఒక గ్లాసు బెల్లం పాలు తాగితే శరీరంలో ఏం జరుగుతుంది?

 యాష్ ట్యాంకర్ డ్రైవర్ మద్యం మత్తులో వాహనం నడిపినట్లు ప్రయాణికులు, స్థానికులు ఆరోపిస్తున్నారు. పోలీసులు ట్యాంకర్ డ్రైవర్‌ను అదుపులోకి తీసుకొని విచారణ ప్రారంభించారు. డ్రైవర్‌కు ఆల్కహాల్‌ టెస్ట్‌ నిర్వహించి మద్యం మోతాదును నిర్ధారించనున్నట్లు అధికారులు తెలిపారు. ప్రమాదానికి గల అసలైన కారణాలపై మరింత లోతుగా విచారణ జరిపేలా చర్యలు చేపట్టారు. ఈ ప్రమాదం ప్రజలలో తీవ్ర ఆందోళనకు కారణమవుతోంది. శాంతియుతంగా ప్రయాణిస్తున్న వారికి ఇలా మద్యం మత్తులో వాహనం నడిపే డ్రైవర్ల వల్ల ప్రమాదాలు జరగడం పట్ల వారి భయపడుతున్నారు. బాధితుల ఆరోగ్య పరిస్థితి మెరుగుపడాలని స్థానికులు, బంధువులు ఆశిస్తున్నారు. పోలీసులు కేసు నమోదు చేసి దర్యాప్తు చేస్తున్నారు.

ఇది కూడా చదవండి: అంజీర్‌తో పాలు తాగితే ఏమవుతుంది? మంచిదా? చెడ్డదా?

( ts-crime | ts-crime-news | crime | Latest News | telugu-news | crime news)