WhatsApp Update: బిగ్ ఛేంజ్.. ఫేస్‌బుక్ తరహాలో కవర్‌ఫొటో

ప్రముఖ మెసేజింగ్ యాప్ వాట్సాప్(WhatsApp) తన యూజర్ల కోసం మరో ఆసక్తికరమైన ఫీచర్‌(whatsapp-new-feature) ను తీసుకురావడానికి సిద్ధమవుతోంది. మెటా యాజమాన్యంలో ఉన్న వాట్సాప్, ఇప్పుడు ఫేస్‌బుక్, లింక్డ్‌ఇన్ వంటి ప్లాట్‌ఫారమ్‌లలో ఉన్న మాదిరిగా 'కవర్ ఫోటో' ఫీచర్‌ను ప్రవేశపెట్టాలని ఆలోచిస్తోంది. ఇప్పటివరకు ఈ సదుపాయం వాట్సప్‌ బిజినెస్‌ అకౌంట్స్‌లో మాత్రమే అందుబాటులో ఉండేది. ఇప్పుడు సాధారణ వినియోగదారులందరికీ ఈ ఫీచర్ ఇవ్వాలని సంస్థ ప్రయత్నిస్తోంది.

Also Read :  వికీపీడియాకు పోటీగా ఎలాన్ మస్క్ కొత్త AI టూల్.. డిటైల్స్ ఇవే..!

WhatsApp Cover Page Update

📝 WhatsApp beta for Android 2.25.32.2: what's new?

WhatsApp is working on a feature that allows users to set a cover photo for their profile, and it will be available in a future update!https://t.co/LzJmwiwQMqpic.twitter.com/ShdX6nCwe5

— WABetaInfo (@WABetaInfo) October 28, 2025

ఈ కొత్త అప్‌డేట్ ద్వారా, యూజర్లు తమ ప్రొఫైల్ పిక్చర్‌తో పాటు, ప్రొఫైల్ బ్యాక్‌గ్రౌండ్‌లో పెద్ద సైజులో కనిపించే కవర్ ఫోటోను కూడా సెట్ చేసుకోవచ్చు. ఇది యూజర్ల ప్రొఫైల్‌కు మరింత వ్యక్తిగత స్టైల్‌ను, ప్రత్యేకతను అందించనుంది. వాస్తవానికి, ఈ కవర్ ఫోటో ఫీచర్ మొదట వాట్సాప్ బిజినెస్ అకౌంట్స్ కోసం అందుబాటులోకి వచ్చింది. వ్యాపారాలు తమ బ్రాండింగ్, కొత్త ఆఫర్లు లేదా ప్రాడక్టులకు ప్రముఖంగా చూపించుకోవడానికి ఈ ఫీచర్ ఎంతగానో ఉపయోగపడుతుంది.

ఇప్పుడు, వాట్సాప్ సాధారణ వినియోగదారులందరికీ ఈ ఫీచర్‌ను విస్తరించాలని చూస్తోంది. ప్రొఫైల్ కస్టమైజేషన్‌ను మెరుగుపరిచే లక్ష్యంతో కంపెనీ ఈ నిర్ణయం తీసుకుంది. ప్రస్తుతం ఈ ఫీచర్ అభివృద్ధి దశలో ఉంది. ఈ కొత్త ఫీచర్‌తో పాటు, వాట్సాప్ ప్రత్యేకమైన గోప్యతా నియంత్రణలను కూడా ప్రవేశపెట్టనుంది. దీని ద్వారా వినియోగదారులు తమ కవర్ ఫోటోను ఎవరు చూడాలనేది స్వయంగా నిర్ణయించుకోవచ్చు. ఈ కవర్ ఫోటో ఫీచర్ త్వరలో అందుబాటులోకి వస్తుందని భావిస్తున్నారు. ఈ అప్‌డేట్ వాట్సాప్ ప్రొఫైల్‌కు కొత్త టచ్, మరింత పర్సనల్ ఎక్స్‌పీరియన్స్ అందిస్తుంది అనడంలో సందేహం లేదు.

Also Read :  ఎలక్ట్రిక్ స్కూటర్లపై అదిరిపోయే ఆఫర్లు.. రూ.20 వేల తగ్గింపుతో భారీ డిస్కౌంట్లు