Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

Ravindra Jadeja

Ravindra Jadeja: కోహ్లీ, రోహిత్ బాటలో జడ్డూ.. టీ20లకు గుడ్ బై!

Published on by

Ravindra Jadeja Retires: విరాట్ కోహ్లీ, రోహిత్ బాటలనే మరో భారత క్రికెటర్ ఆల్ రౌండర్ రవీంద్ర జడేజా టీ20 ఫార్మాట్ కు రిటైర్మెంట్ ప్రకటించాడు. వరల్డ్ కప్ విజయం సాధించిన ఒక రోజు తర్వాత తాను వీడ్కోలు పలుకున్నట్లు అధికారిక ప్రకటన చేశాడు.

ఎంతో గ‌ర్వంగా కెరీర్‌ను ముగిస్తున్నా..
‘టీ20 ప్రపంచకప్‌ గెలుపుతో తన కల నిజమైంది.. దేశం గెలుపు కోసం ఇతర ఫార్మాట్ లలో కృషి చేస్తా. గుండెనిండా కృత‌జ్ఞత భావంతో టీ20 ఫార్మాట్‌కు వీడ్కోలు ప‌లుకుతున్నా. ఎంతో గ‌ర్వంగా కెరీర్‌ను ముగిస్తున్నా. దేశానికి ఆడిన ప్రతిసారి నా అత్యుత్తమ ప్రతిభ క‌న‌బ‌రిచాను. ఇక మిగ‌తా ఫార్మాట్ల‌లోనూ అదే త‌ర‌హాలో ఆడుతా. ఇది నా టీ20 కెరీర్‌లో గొప్ప ఘ‌ట్టం. ఇన్ని రోజులు నాకు సపోర్టుగా నిలిచిన అభిమానులంద‌రికీ ధ‌న్యవాదాలు’ అంటూ ఇన్ స్టా వేదికగా ఎమోషనల్ అయ్యాడు జడ్డూ.

శనివారం బార్బడోస్‌లోని కెన్సింగ్టన్ ఓవల్‌లో భారత్ 7 పరుగుల తేడాతో దక్షిణాఫ్రికాపై గెలిచి రెండో టీ20 ప్రపంచకప్ ట్రోఫీని కైవసం చేసుకున్న సంగతి తెలిసిందే. కాగా ఈ విజయానందంలోనే గొప్ప ముగింపు కోరుకున్న విరాట్ (Virat Kohli), రోహిత్ (Rohit Sharma) టీ20లకు వీడ్కోలు పలికారు. అయితే వీరిద్దరూ ఈ నిర్ణయం తీసుకున్న 24 గంటల్లోనే ఆల్ రౌండర్ రవీంద్ర జడేజా సంచలన నిర్ణయం తీసుకోవడం విశేషం. ఇకపై తాను వన్డే, టెస్ట్ సిరీస్ లలోనే కొనసాగుతానని స్పష్టం చేశాడు.

IND vs ENG: టీమిండియాకు భారీ షాక్‌.. విశాఖ టెస్టుకు స్టార్‌ ప్లేయర్ ఔట్!

Published on by

INDIA VS ENGLAND 2nd test: ఇంగ్లండ్‌పై జరిగిన తొలి టెస్టులో భారత్‌ ఓడిపోయింది. 28 పరుగుల తేడాతో ఓటమి పాలైంది. రెండో ఇన్నింగ్స్‌లో 231 రన్స్ టార్గెట్‌తో బరిలోకి దిగిన టీమిండియా 202 రన్స్‌కు ఆలౌట్ అయ్యింది. హైదరాబాద్‌ గడ్డపై టీమిండియా టెస్టు మ్యాచ్‌ ఓడిపోవడం ఇదే తొలిసారి. రెండో ఇన్నింగ్స్‌లో బౌలర్లు, బ్యాటర్లు తీవ్రంగా నిరాశపరిచారు. ఇక రెండో టెస్టు విశాఖలో జరగనుంది. ఫిబ్రవరి 2న ప్రారంభంకానున్న రెండో టెస్టుకు ముందు టీమిండియాకు గట్టి షాక్‌ తగిలింది.


జడేజా ఆడడం డౌటే:
హైదరాబాద్‌లో జరిగిన తొలి టెస్టు నాలుగో రోజు ఆటలో జడేజా గాయపడ్డాడు. హామ్ స్ట్రింగ్ గాయంతో జడేజా బాధపడుతున్నాడు. ఫిబ్రవరి 2న ప్రారంభమయ్యే విశాఖ టెస్ట్‌కు జడేజా దూరమయ్యే అవకాశం ఉంది. గాయపడిన ఆటగాళ్ల స్కాన్ నివేదికలను ముంబై ఇన్‌స్టిట్యూట్‌కు పంపిస్తారు. ఇవాళ(జనవరి 29)లోపు ప్రొఫెషనల్ మెడికల్ ఒపీనియన్‌ని అందించాల్సి ఉంటుంది. తొలి టెస్టు నాలుగో రోజు ఆటలో జో రూట్ వేసిన బంతిని ఫేస్ చేసిన జడేజా పరుగు కోసం ప్రయత్నించాడు. అయితే బెన్ స్టోక్స్ నుంచి నాన్-స్ట్రైకర్ ఎండ్‌లో నేరుగా త్రో పడింది. దీంతో జడేజా ఔటయ్యాడు.

మిడిలార్డర్‌ పోరాడినా:
ఇంగ్లండ్‌తో ఐదు టెస్ట్‌ మ్యాచ్‌ల సిరీస్‌ను భారత్ పరాభవంతో ప్రారంభించింది. ఈ మ్యాచ్ విజయంతో ఇంగ్లీష్‌ జట్టు 1-0 ఆధిక్యంలో నిలిచింది. 7వికెట్లతో చెలరేగిన టాం హార్ట్‌లీ భారత జట్టు వెన్నువిరిచాడు. టాపార్డర్‌ విఫలమైనా టీమిండియా మిడిలార్డర్‌ ఇంగ్లండ్‌ స్పిన్నర్లను కొంతసేపు నిలువరించి పరుగులు రాబట్టగలిగింది. ఎనిమిదో వికెట్‌కు అశ్విన్‌-భరత్‌ 50 పరుగుల భాగస్వామ్యం పూర్తిచేయడంతో భారతజట్టు పరాజయం అంతరాన్ని తగ్గించుకోగలిగింది. 176 పరుగుల వద్ద భరత్‌, 182 పరుగుల వద్ద అశ్విన్‌ ఔటవడంతో టీమిండియా ఓటమి దఖాయమైంది. ఇక 202 పరుగుల వద్ద ఇంగ్లాండ్‌ విజయ లాంఛనం పూర్తయ్యింది. ఇంగ్లాండ్‌ సెకండ్‌ ఇన్నింగ్స్‌లో హార్ట్లీ 7, జో రూట్‌ 1, జాక్‌ లీచ్‌ 1 వికెట్లు పడగొట్టారు.

Also Read: కడప రాజకీయాల్లో సంచలనం.. షర్మిలతో సునీత భేటీ.

 

 

 

Ind VS SA: ఆ ముగ్గురు ఔట్.. నంబర్‌-1 ఆటగాడి స్థానంలో ఆల్‌రౌండర్‌.. తుది జట్టు ఇదే!

Published on by

Ind VS SA Test Series: దక్షిణాఫ్రికా(South Africa)తో ఆఖరిదైన రెండో టెస్టుకు కౌంట్‌డౌన్‌ మొదలైంది. రేపటి(జనవరి 3)నుంచి రెండో టెస్టు మొదలుకానుంది. కేప్ టౌన్‌(Cape Town)లోని న్యూస్‌ల్యాండ్స్ మైదానంలో దక్షిణాఫ్రికాపై భారత్‌ రెండో టెస్ట్ ఆడనుంది. తొలి టెస్టు ఓడిపోవడంతో సిరీస్‌ సమం చేసుకోవడానికి ఈ మ్యాచ్‌లో గెలుపు తప్పనిసరి. డ్రా చేసుకున్నా సిరీస్‌ ఓడిపోయే పరిస్థితిలో టీమిండియా ఉంది. తొలి టెస్టులో ఇన్నింగ్స్‌ 32 పరుగుల తేడాతో ఘోరంగా పరాజయం పాలైంది టీమిండియా. దీంతో రెండో టెస్టు కోసం పలు మార్పులు చేయనుంది.

ఆ ముగ్గురు ఔట్?
సెంచూరియన్‌ వేదికగా జరిగిన తొలి టెస్టులో భారత్ నలుగురు పేసర్లు ఒక స్పిన్నర్‌తో బరిలోకి దిగింది. టెస్టుల్లో నంబర్‌-1 బౌలర్‌ రవిచంద్రన్‌ అశ్విన్‌(Ravichandran Ashwin)ని ఆడించింది. అతను పర్వాలేదనిపించాడు. అయితే రేపటి మ్యాచ్‌కు అశ్విన్‌ స్థానంలో రవీంద్ర జడేజా(Jadeja) తుది జట్టులోకి వచ్చే అవకాశం ఉంది అంతే కాదు ఫార్మెట్‌తో సంబంధం లేదకుండా భారీగా పరుగులు సమర్పించుకుంటున్న పేసర్ ప్రసిద్ కృష్ణను పక్కనపెట్టే అవకాశం కనిపిస్తోంది. అతని స్థానంలో ముఖేశ్‌కు తుది జట్టులో అవకాశం దక్కవచ్చు. అటు ఆల్‌రౌండర్‌ శార్దూల్‌ఠాకూర్‌ గాయంతో బాధపడుతున్నట్టు సమాచారం. అతని స్థానంలో అవేశ్‌ఖాన్‌ తుది జట్టులోకి వచ్చే ఛాన్స్ ఉంది.

భారత్ ప్రాబబుల్ 11: రోహిత్ శర్మ, యశస్వి జైస్వాల్, శుభమన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్ (వికెట్ కీపర్), రవీంద్ర జడేజా, జస్ప్రీత్ బుమ్రా, అవేశ్ ఖాన్, మహ్మద్ సిరాజ్, ముఖేష్ కుమార్.

దక్షిణాఫ్రికా ప్రాబబుల్ 11 : డీన్ ఎల్గర్ (సి), ఐడెన్ మార్క్‌రామ్, టోనీ డి జోర్జి, ట్రిస్టన్ స్టబ్స్, కీగన్ పీటర్‌సన్, డేవిడ్ బెడింగ్‌హామ్, కైల్ వెర్రెయిన్నే (వారం), మార్కో జాన్సెన్, లుంగి ఎన్‌గిడి, కగిసో రబడ, నాండ్రే బర్గర్

Also Read: రికార్డు స్థాయిలో ఆదాయపు పన్ను రిటర్న్స్…డిసెంబర్ 31 వరకు ఎన్ని కోట్లు వచ్చాయంటే..!!

IND VS SA: ఆ ఇద్దరుని పక్కన పెట్టండి.. ఈ ఇద్దరికి ఛాన్స్ ఇవ్వండి.. రెండో టెస్టుకు సన్నీ సజెషన్‌!

Published on by

మొదటి టెస్టు ఘోరంగా ఓడిపోయాం. ఇన్నింగ్స్‌ తేడాతో పరాజయం మూటగట్టుకున్నాం. అది చేస్తాం.. ఇది చేస్తాం అని దక్షిణాఫ్రికా(South Africa) ఫ్లైట్ ఎక్కిన భారత్ ప్లేయర్లు టీ20, వన్డే సిరీస్‌లలో రాణించారు కానీ.. అసలుసిసలైన టెస్టు సిరీస్‌లో మాత్రం తొలి టెస్టును దారుణంగా ప్రారంభించారు. 31ఏళ్ల నుంచి దక్షిణాఫ్రికా గడ్డపై భారత్‌ ఎప్పుడూ కూడా టెస్టు సిరీస్‌ విజయం సాధించలేదు. ఈ సారైనా ఆ ఫేట్ మారుతుందని ఫ్యాన్స్‌ భావించగా.. టీమిండియా నిరాశ పరిచింది. ఇక ఆఖరిదైన రెండో టెస్టు జనవరి 3 నుంచి ప్రారంభం కానుండగా.. ఈ మ్యాచ్‌లో రెండు మార్పులు చేయాలని టీమిండియా లెజెండరీ క్రికెటర్‌ సునీల్ గవాస్కర్(Sunil Gavaskar) సూచించారు.

జడేజాను తీసుకురావాలి:
దక్షిణాఫ్రికా పిచ్‌లు సాధారణంగా పేసర్లకు అనుకూలిస్తాయి. సెంచూరియన్‌ వేదికగా జరిగిన తొలి టెస్టులో భారత్ నలుగురు పేసర్లు ఒక స్పిన్నర్‌తో బరిలోకి దిగింది. టెస్టుల్లో నంబర్‌-1 బౌలర్‌ రవిచంద్రన్‌ అశ్విన్‌(Ravichandran Ashwin)ని ఆడించింది. అతను పర్వాలేదనిపించాడు. అయితే అశ్విన్‌ స్థానంలో రవీంద్ర జడేజా(Ravindra Jadeja)ను ఆడించాలని సునీల్ గవాస్కర్‌ చెబుతున్నాడు. అంతే కాదు ఫార్మెట్‌తో సంబంధం లేదకుండా భారీగా పరుగులు సమర్పించుకుంటున్న పేసర్ ప్రసిద్ కృష్ణను తప్పించాలంటున్నాడు. అతని స్థానంలో ముఖేశ్‌కు తుది జట్టులో అవకాశం ఇవ్వాలని చెబుతున్నాడు. నిజానికి జడేజా గాయంతో బాధపడుతున్నాడు. మొదటి టెస్టు ప్రారంభానికి ముందు వెన్నుముకపై నొప్పితో బాధపడుతూ ఆ మ్యాచ్‌కు దూరమయ్యాడు.

అటు సన్నీ వ్యాఖ్యలతో మాజీ పేసర్‌ ఇర్ఫాన్ పఠాన్‌ ఏకీభవించాడు. ముఖేశ్‌ కుమార్ వెస్టిండీస్‌పై వెస్టిండీస్‌తో ఒకే ఒక టెస్టు ఆడాడు. అక్కడ పిచ్‌పై అతను రెండు వికెట్లు పడగొట్టాడు.40 ఫస్ట్-క్లాస్ మ్యాచ్‌లలో 151 వికెట్లను కలిగి ఉన్నాడు. ఇందులో ఆరు ఫైఫర్‌లు ఉన్నాయి. 30 ఏళ్ల ముఖేశ్‌ దక్షిణాఫ్రికాలో జరిగిన రెండు టీ20లలో మూడు వికెట్లు తీశాడు. మూడు వన్డేల్లో ఒక వికెట్ మాత్రమే తీశాడు. ఇక సెంచూరియన్‌లో జరిగిన తొలి టెస్టులో టీమ్ ఇండియాపై ఇన్నింగ్స్ 32 పరుగుల తేడాతో విజయం సాధించిన ప్రోటీస్ ప్రస్తుతం రెండు మ్యాచ్‌ల రెడ్-బాల్ సిరీస్‌లో 1-0 ఆధిక్యంలో ఉంది.

Also Read: నీళ్లు తాగుతూ కుప్పకూలిన క్రికెటర్‌.. చిన్నవయసులోనే ఊహించని మరణం!

WATCH:

IND VS SA: బెంచ్‌కే పరిమితం కానున్న నంబర్‌-1 ప్లేయర్‌.. దక్షిణాఫ్రికాతో టెస్టుకు భారత్‌ తుది జట్టు ఇదే!

Published on by

India Vs South Africa: అసలుసిసలైన క్రికెట్‌ సమరానికి కౌంట్‌డౌన్‌ మొదలైంది. క్రికెట్‌ అంటేనే టెస్టులు.. టెస్టులు అంటేనే క్రికెట్. పరిమిత ఓవర్ల ఫార్మెట్లను ఇంతకాలం ఎంజాయ్‌ చేస్తూ వచ్చిన భారత్‌ క్రికెట్‌ అభిమానులు ఇప్పుడు టెస్టు మోడ్‌లోకి వెళ్తున్నారు. ట్రూ క్రికెట్‌ లవర్స్‌ ఎప్పుడూ టెస్టులను ఆదరిస్తారు. ఎందుకుంటే ప్లేయర్ల వ్యక్తిగత టాలెంట్‌ బయటపడే ఫార్మెట్ ఇదే. దక్షిణాఫ్రికా(South Africa) వేదికగా రెండు టెస్టుల సిరీస్‌ రేపటి నుంచి ఆరంభంకానుంది. సెంచూరియన్‌లో తొలి టెస్టు జరగనుంది. భారత్‌(India) కాలమానం ప్రకారం మధ్యాహ్నం 1:30నిమిషాలకు మ్యాచ్‌ స్టార్ట్ కానుంది. ఇక ఈ మ్యాచ్‌లో భారత్‌ జట్టు కూర్పు ఎలా ఉంటుందన్నది ఆసక్తిగా మారింది. ఎందుకుంటే రహానే, పుజారా లేకుండానే బరిలోకి దిగనున్నారు.

యువకులకు మంచి అవకాశం:
ఓపెనర్లగా రోహిత్ శర్మతో (Rohit Sharma) పాటు యువ ఓపెనర్ యశస్వి జైస్వాల్‌ గ్రౌండ్‌లోకి దిగనున్నాడు. ఇది జైస్వాల్‌కు ఛాలెంజింగ్‌గా చెప్పవచ్చు. ఇక వన్‌డౌన్‌లో పుజారా లేని లోటును శుభమన్‌గిల్‌ భర్తీ చేయాలని తహాతహలాడుతున్నాడు. అయితే గత వెస్టిండీస్‌ టెస్టు టూర్‌లో గిల్‌ ఘోరంగా ఫెయిల్ అయ్యాడు. కేవలం ఇండియా పిచ్‌లపైనే గిల్‌ రాణిస్తున్నాడన్న విమర్శలు ఉన్నాయి. ఈ విమర్శలకు చెక్‌ పెట్టాలంటే గిల్‌ కచ్చితంగా తానేంటో నిరూపించుకోవాల్సి ఉంటుంది. ఇక 2 డౌన్‌లో విరాట్‌ కోహ్లీ (Virat Kohli) దిగుతాడు.. తర్వాత శ్రేయస్‌ అయ్యర్‌ వస్తాడు. ఇక ఆ తర్వాత ఆరో స్థానంలో కీపర్‌ రాహుల్‌ ఎంట్రీ ఇస్తాడు. నిజానికి గతేడాది బోర్డర్‌ గవాస్కర్‌ ట్రోఫీలో రాహుల్‌ సరిగ్గా ఆడలేదు. అయినా తెలుగు కీపర్‌ భరత్‌ బెంచ్‌కే పరిమితం కావాల్సి ఉంటుంది. ఇక ఆ తర్వాత జడేజా, ఠాకూర్‌, సిరాజ్‌, బుమ్రా బ్యాటింగ్‌కు వస్తారు. పిచ్‌ పేసర్లకు అనుకూలం కావడంతో టెస్టు నంబర్‌-1 బౌలర్‌ రవిచంద్రన్‌ అశ్విన్‌ బెంచ్‌కే పరిమితం కావాల్సి ఉంటుంది.

భారత్ ప్రాబబుల్ ప్లేయింగ్-11 : రోహిత్ శర్మ (సి), యశస్వి జైస్వాల్, శుభ్‌మన్ గిల్, విరాట్ కోహ్లీ, శ్రేయాస్ అయ్యర్, కెఎల్ రాహుల్(కీపర్), రవీంద్ర జడేజా, శార్దూల్ ఠాకూర్/ఆర్ అశ్విన్, జస్‌ప్రీత్ బుమ్రా, మహ్మద్ సిరాజ్, ముఖేష్ కుమార్

దక్షిణాఫ్రికా ప్రాబబుల్ ప్లేయింగ్-11 : డీన్ ఎల్గర్, టెంబా బావుమా (సి), ఐడెన్ మార్క్రామ్, కీగన్ పీటర్సన్, టోనీ డి జోర్జి, కైల్ వెర్రెయిన్ (WK), కేశవ్ మహరాజ్, లుంగి ఎన్గిడి, కగిసో రబడ, గెరాల్డ్ కోయెట్జీ, నాండ్రే బర్గర్.

Also Read: ‘తాత్కాలిక కమిటీ ఏర్పాటు..’ క్రీడా మంత్రిత్వ శాఖ నిర్ణయంతో బీజేపీ ఎంపికి బిగ్ షాక్‌!

WATCH:

డ్రెస్సింగ్ రూంలో ప్రధాని మోదీ! భారత జట్టుకు నైతిక స్థైర్యం, జడేజా ఎమోషనల్ ట్వీట్

Published on by

Narendra Modi: ఓటమి దిగులుతో ఉన్న భారత క్రికెట్ జట్టుకు ప్రధానమంత్రి నరేంద్రమోదీ స్వయంగా డ్రెస్సింగ్ రూంకు వెళ్లి ధైర్యం నింపారు. ఫైనల్ లో పరాజయంతో తీవ్ర నిరాశలో ఉన్న ఆటగాళ్లలో ఆత్మవిశ్వాసం నింపే ప్రయత్నం చేశారు. ఈ ఓటమి భారత క్రికెట్ జట్టు సామర్థ్యాన్ని ఏమాత్రం తక్కువ చేయబోదని, తామేంటో ఇప్పటికే నిరూపించుకున్నారని స్పష్టంచేసిన ప్రధాని దేశ ప్రజలు ఇప్పుడూ, ఎప్పుడూ మీతోనే ఉంటారంటూ భరోసా ఇచ్చారు.
ప్రధాని మోదీ డ్రెస్సింగ్ రూంను సందర్శించిన ఫొటోతో రవీంద్ర జడేజా భావోద్వేగ స్వరంతో ట్వీట్ చేశాడు. ‘‘టోర్నమెంట్ గొప్ప అనుభవం. నిన్నటి ఓటమితో మా గుండె పగిలింది. అయితే, అభిమానుల మద్దతు మమ్మల్ని ముందుకు నడిపిస్తున్నది. డ్రెస్సింగ్ రూంలో నిన్న ప్రధానమంత్రి నరేంద్ర మోదీ సందర్శన ఎంతో ప్రత్యేకమైనది, అది మాలో స్ఫూర్తిని నింపింది’’ అని ట్వీట్ లో జడేజా పేర్కొన్నాడు.

ఇది కూడా చదవండి: కల చెదిరింది.. గుండె పగిలింది.. నిశ్శబ్ధమే మిగిలింది!

మరోవైపు పరాజయ భారంతో మైదానాన్ని వీడినా; టోర్నీలో ఆది నుంచి అత్యద్భుతమైన ఆటతీరును కనబరిచిన భారత జట్టుకు దేశవ్యాప్తంగా మద్దతు లభిస్తోంది. చివరి వరకూ పోరాట పటిమను ప్రదర్శించిన భారత జట్టుకు అభిమానులు బాసటగా నిలుస్తున్నారు. ధైర్యంగా ఉండాలంటూ సోషల్ మీడియా వేదికగా భారీగా పోస్టులు పెడుతున్నారు. ప్రధాని నరేంద్రమోదీ, హోం మంత్రి అమిత్ షా, కాంగ్రెస్ నేత రాహుల్ గాంధీ సహా ప్రముఖులంతా టీమిండియా స్ఫూర్తిని ప్రశంసిస్తూ ఇప్పటికే ట్వీట్లు చేశారు. ఇప్పుడూ, ఎప్పుడూ మీతోనే ఉంటామంటూ జట్టులో ధైర్యం నింపారు.