Shubman Gill: కెప్టెన్‌గా చరిత్ర సృష్టించిన గిల్.. ఒకటి కాదు రెండుకాదు మొత్తం 5 రికార్డులు

ఇంగ్లాండ్‌తో జరుగుతున్న టెస్ట్ మ్యాచ్‌లో భారత జట్టు కెప్టెన్ శుభ్‌మాన్ గిల్ దుమ్ముదులిపేస్తున్నాడు. వరుసగా సెంచరీలు చేస్తూ పరుగులు రాబడుతున్నాడు. మొదటి టెస్ట్ మ్యాచ్‌‌లో భారత్ ఓడిపోయిన విషయం తెలిసిందే. ఈ మ్యాచ్‌లో గిల్ 140కి పైగా పరుగులు సాధించాడు. ఇక ఇప్పుడు రెండో టెస్ట్ మ్యాచ్ జరుగుతోంది. ఈ మ్యాచ్‌లో సైతం తన బ్యాటింగ్‌తో అదరగొట్టేస్తున్నాడు. 

రెండో టెస్ట్ మ్యాచ్‌లో చెలరేగిపోతున్నాడు. బర్మింగ్‌హామ్‌‌లోని ఎడ్జ్‌బస్టన్‌లో జరుగుతున్న ఈ సెకండ్ టెస్ట్‌లో విజృంభిస్తున్నాడు. తొలి ఇన్నింగ్స్‌లో 269 పరుగులు చేసి భారీ రికార్డులను క్రియేట్ చేశాడు. ఇప్పుడు రెండో ఇన్నింగ్స్‌లో కూడా కెప్టెన్ గిల్ తన బ్యాట్‌తో మ్యాజిక్‌ చేస్తున్నాడు. 

ఈ సెకండ్ ఇన్సింగ్స్‌లోనూ సెంచరీ సాధించడం ద్వారా గిల్ కెప్టెన్‌గా చరిత్ర సృష్టించాడు. దీనితో పాటు దిగ్గజ ఆటగాళ్ళు విరాట్ కోహ్లీ, సునీల్ గవాస్కర్ రికార్డులను బద్దలు కొట్టాడు. ఈ రెండో ఇన్నింగ్స్‌లో సెంచరీ సాధించడానికి ముందే శుభ్‌మన్ గిల్ తన పేరు మీద 5 పెద్ద రికార్డులను సృష్టించాడు. 

🚨 HISTORY CREATED BY GILL. 🚨

- Shubman Gill has most runs in a Test match for India. 🇮🇳 pic.twitter.com/UdD0OFI99l

— Mufaddal Vohra (@mufaddal_vohra) July 5, 2025

HISTORY CREATED BY GILL

ఇంగ్లీష్ గడ్డపై 1 టెస్ట్ మ్యాచ్‌లో 300 కంటే ఎక్కువ పరుగులు చేసిన తొలి ఆసియా బ్యాట్స్‌మన్‌గా గిల్ నిలిచాడు. 

టెస్ట్ మ్యాచ్‌లో 300 పరుగుల మార్కును దాటిన తొలి భారత కెప్టెన్‌గా గిల్ నిలిచాడు.

కెప్టెన్‌గా మొదటి 2 టెస్ట్ మ్యాచ్‌లలో అత్యధిక పరుగుల రికార్డు కూడా గిల్ పేరు మీదే నమోదైంది. 

శుభ్‌మన్ గిల్ కెప్టెన్‌గా తొలి సిరీస్‌లో అత్యధిక పరుగులు సాధించిన ఆటగాడిగా కూడా నిలిచాడు. గిల్ ఇప్పటివరకు 482 పరుగులు చేశాడు. అంతకుముందు ఈ రికార్డు 449 పరుగులు చేసిన విరాట్ కోహ్లీ పేరిట ఉంది.

గిల్ ఇప్పుడు టెస్ట్ మ్యాచ్‌లో అత్యధిక పరుగులు చేసిన భారత బ్యాట్స్‌మన్‌గా నిలిచాడు. ఇంతకు ముందు ఈ రికార్డు లెజెండరీ సునీల్ గవాస్కర్ పేరిట ఉంది. 

Also Read : రూ. 20వేలలో బెస్ట్ స్మార్ట్‌టీవీలు - మార్కెట్లో దుమ్మురేపుతున్న మోడల్స్ ఇవే!!