/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/09/canada-1-1-jpg.webp)
భారత్ తో రక్షణ సంబంధాలు తమ దేశానికి ఎంతో ముఖ్యమంటున్నారు కెనడా రక్షణ శాఖా మంత్రి బిల్ బ్లెయిర్. ది వెస్ట బ్లాక్ అనే ప్రతికకు ఇచ్చిన ఇంటర్వ్యూలో ఆయన ఈ ఆసక్తికరమైన వ్యాఖ్యలను చేశారు. కానీ ఖలిస్తానీ ఉగ్రవాది నిజ్జర్ హత్య కేసులో దర్యాప్త మాత్రం కొనసాగుతుందని స్పష్టం చేశారు. ఒకవేళ భారత్ విషయంలో మేము చేసిన ఆరోపణలు కనుక నిజమని రుజువైతే మాత్రం ఇదొక సవాల్ తో కూడుకున్న సమస్యగా మారుతుందని చెప్పారు. అది తెలిసినా కూడా మా పౌరులను, చట్టాలను రక్షించుకోవడం మా బాధ్యత అని బ్లెయిర్ అన్నారు. అందుకే నిజ్జర్ హత్య కేసులో పూర్తిగా దర్యాప్తు జరిపి నిజాన్ని బయటపెట్టాల్సిన బాధ్యత మా మీద ఉందని తెలిపారు.
మా గడ్డపై మా పౌరుని హత్య చేయడం మా సార్వభౌమత్వాన్ని ఉల్లంఘించడమే అన్నారు బిల్ బ్లెయిర్. ఇండో పసిఫిక్ వ్యహానికి కెనడా ఇప్పటికీ ఎంతో ప్రాధాన్యత ఇస్తోందని తెలిపారు. మరోవైపు నిజ్జర్ హత్య తరువాత ఆ నిఘా సమాచారాన్ని కెనడాకు అగ్రరాజ్యం అమెరికానే అందజేసిందని న్యూ యార్క్ టైమ్స్ అంటోంది. దాన్ని ఆధారంగా చేసుకునే కెనడా ప్రభుత్వం భారత్ మీద ఆరోపణలను చేస్తోందని అందులో కథనంగా వచ్చింది. తమదేశంలోని భారత దౌత్యాధికారుల సంభాషణలను దొంగచాటుగా వినడం ద్వారా కెనడా విభాగాలు కూడా ఈ విషయాన్ని నిర్ధారించుకున్నాయని తెలుస్తోంది.
ఇక నిజ్జర్ హత్య మీద కెనడా ప్రధాని జస్టిన్ ట్రుడో చేసిన వ్యాఖ్యలకు భారత విదేశాంగ్ మంత్రి ఎన్ . జైశంకర్ మరోసారి గట్టిగా బదులిచ్చారు. ప్రస్తుతం న్యూయార్క్ లో ఉన్న ఆయన ట్రూడో మీద పరోక్షంగా విమర్శలు చేశారు. స్వేచ్ఛ పేరుతో, మార్కెట్ పేరుతో చాలా పనులు జరుగుతున్నాయని ఆయన అన్నారు. మరోవైపు కెనడాతో పాటూ ఇతర దేశాల్లో ఉన్న ఆ దేశపౌరుల ఓసీఐ కార్డులను రద్దు చేయాలని భారత ప్రభుత్వం యోచిస్తోంది. దీని వల్ల ఆ దేశపౌరులు ఇక భారతదేశంలో అడుగుపెట్టేందుకు వీలు ఉండదు.