వరద బాధితులకు సహాయం చేయడానికి ఐఏఎస్ అధికారుల సతీమణుల సంఘం ముందుకొచ్చింది. సంఘం ప్రతినిధులు ఈ రోజు సీఎం నారా చంద్రబాబునాయుడును కలిసి ముఖ్యమంత్రి సహాయ నిధికి రూ.5 లక్షల చెక్కును అందచేశారు. ఈ సందర్భంగా వారిని చంద్రబాబు అభినందించారు.
వైసీపీ నేత, మాజీ మంత్రి జోగి రమేష్ కోసం ఏపీ పోలీసులు ముమ్మరంగా గాలింపు చర్యలు చేపట్టారు. సీఎం చంద్రబాబు ఇంటిపై దాడి కేసులో నిందితుడిగా ఉన్న జోగి రమేష్ అజ్ఞాతంలోకి వెళ్లిపోయారు. దీంతో మూడు ప్రత్యేక బృందాలతో మాజీ మంత్రి కోసం పోలీసులు సెర్చ్ చేస్తున్నారు.
ఏలూరులో వైసీపీకి ఊహించని షాక్ తగలింది. సీనియర్ నేత గంటా ప్రసాద‌రావు పార్టీని వీడుతున్నట్లుగా ప్రకటించారు. పార్టీ వైసీపీ సభ్యత్వానికి, జిల్లా వైసీపీ బీసీ సెల్ అధ్యక్ష పదవికి ఆయన రాజీనామా చేశారు. ఈ మేరకు రాజీనామా పత్రాన్ని మాజీ సీఎం జగన్‌కు పంపించారు.
తెలంగాణ బీఆర్‌ఎస్‌ పార్టీ సోషల్‌ మీడియా ఇంఛార్జ్‌ కొణతం దిలీప్‌ అరెస్ట్ అయ్యారు. హైదరాబాద్ సైబర్‌ క్రైమ్‌ పోలీసులు అరెస్ట్ చేసి పీఎస్‌కు తరలించారు. భారీ వర్షాలు, వరదల నేపథ్యంలో బాధితులను ఆదుకోవాలని ప్రభుత్వాన్ని ప్రశ్నించినందుకే దిలీప్‌ను అరెస్ట్ చేశారని బీఆర్‌ఎస్‌ నేతలు ఆరోపిస్తున్నారు.
సీఎం కేజ్రీవాల్‌కు ఈసారి కూడా ఊరట దక్కలేదు. ఢిల్లీ లిక్కర్ కేసులో ఆయన బెయిల్ పిటిషన్ తీర్పును సుప్రీంకోర్టు రిజర్వు చేసింది. ఈ నెల 10న బెయిల్ పిటిషన్‌పై తీర్పునివ్వనుంది. అయితే ఈసారి ఆయనకు బెయిల్ వస్తుందని ఆప్ నేతలు ఆశాభావం వ్యక్తం చేస్తున్నారు.
ఎన్టీఆర్ జిల్లా నందిగామలో మాజీ ఎమ్మెల్యే మొండితోక జగన్ మోహనరావును టీడీపీ శ్రేణులు అడ్డుకున్నారు. కంచికచర్లలోని పునరావాస కేంద్రాన్ని ఆయన పరిశీలించడానికి వెళ్లారు. 4 రోజులుగా ప్రజలు ఇబ్బందులు పడుతుంటే రాని మీరు ఇప్పుడెందుకు వచ్చారని టీడీపీ శ్రేణులు నిలదీయడంతో ఘర్షణ జరిగింది.
సత్యవేడు టీడీపీ ఎమ్మెల్యే ఆదిమూలంపై టీడీపీ హైకమాండ్ సీరియస్ అయింది. టీడీపీ మహిళా కార్యకర్తపై లైంగిక వేధింపుల ఇష్యూలో ఆదిమూలంను సస్పెండ్ చేసింది. అశ్లీల వీడియోల వ్యవహారాన్ని సీఎం చంద్రబాబు దృష్టికి తీసుకెళ్లడంతో ఆయన వెంటనే ఆదిమూలంపై వేటు వేశారు.
TG: ఏఐ అనేది నేటి తరం అద్భుత ఆవిష్కరణ అని సీఎం రేవంత్‌రెడ్డి అన్నారు. AI హబ్‌గా హైదరాబాద్ ఉండబోతుందని చెప్పారు. కొత్త ఆవిష్కరణలు ప్రజల జీవితాల్లో మార్పులు తెస్తాయన్నారు. విప్లవాత్మక మార్పులకు హైదరాబాద్ మాదిరిగా ఏ నగరం సిద్ధంగా లేదని అన్నారు.
తెలుగు రాష్ట్రాల్లో వరదల నేపథ్యంలో ఏపీ డిప్యూటీ సీఎం పవన్ కల్యాణ్‌ బుధవారం మీడియాతో మాట్లాడారు. ఆ సమయంలో ఆయన డ్రోన్ల ద్వారా ఓ మహిళ సాయాన్ని అందుకుంటున్న ఫొటోను చూపించారు. అయితే ఆ ఫొటో ఏఐ అని, దాని మీద లోగో కూడా ఉందని నెట్టింట ట్రోల్స్ మొదలయ్యాయి.
/rtv/media/post_attachments/wp-content/uploads/2024/09/lella.jpg)
/rtv/media/post_attachments/wp-content/uploads/2024/09/Chandrababu-4.jpg)
/rtv/media/post_attachments/wp-content/uploads/2024/07/JOGI-RAMESH.jpg)
/rtv/media/post_attachments/wp-content/uploads/2024/09/jagan-20.jpg)
/rtv/media/post_attachments/wp-content/uploads/2024/09/FotoJet-17-1.jpg)
/rtv/media/post_attachments/wp-content/uploads/2024/09/FotoJet-19-1.jpg)
/rtv/media/post_attachments/wp-content/uploads/2024/09/rains-3.jpg)
/rtv/media/post_attachments/wp-content/uploads/2024/09/FotoJet-15-1.jpg)
/rtv/media/post_attachments/wp-content/uploads/2024/09/REVANTH-AI.jpg)
/rtv/media/post_attachments/wp-content/uploads/2024/09/pawan-1.jpg)
