Weather Update Today: నేడు ఈ జిల్లాల్లో ఉరుములు, మెరుపులతో భారీ వర్షం.. IMD హెచ్చరిక!

గత వారం రెండు వారాలుగా దేశ వ్యాప్తంగా వర్షాలు దంచికొడుతున్నాయి. పలు రాష్ట్రాల్లో బీభత్సమైన వర్షాల కారణంగా వరదలు, కొండచరియలు విరిగిపడటంతో ఎంతో ప్రజలు ప్రాణాలు కోల్పోయారు. మరెందరో నిరాశ్రయులయ్యారు. కూడు, గూడు లేక విలవిల్లాడిపోయారు. ముఖ్యంగా హిమాచల్ ప్రదేశ్, అస్సాం, ఉత్తర ప్రదేశ్, బీహార్, ఛతీస్‌ఘడ్ వంటి రాష్ట్రాల్లో వరదలు ముంచెత్తాయి. ఈ తతంగమంతా గత రెండు వారాలుగా జరుగుతూనే ఉంది.  

ఇది కూడా చూడండి: ధర్మస్థల శవాల వెనుక అంతుచిక్కని మిస్టరీలు.. వెలుగులోకి సంచలన విషయాలు!

Weather Update Today

ఇక ఇవాళ కూడా పలు రాష్ట్రాల్లో వర్షాలు బీభత్సం సృష్టించనున్నట్లు వాతావరణ శాఖ తెలిపింది. ముఖ్యంగా ఉత్తర ప్రదేశ్‌లోని అనేక ప్రాంతాల్లో ఇవాళ వర్షాలు దంచి కొట్టనున్నట్లు వాతావరణ శాఖ వెల్లడించింది. అక్కడ కుండపోత వర్షంతో నదులు, వాగుల నీటి మట్టం పెరిగిపోవడంతో వరద ప్రమాదం ఉందని సమాచారం. 

ఇక ఇవాళ అనేక జిల్లాల్లో భారీ వర్షాలు కురుస్తాయని వెదర్ రిపోర్ట్ తెలిపింది. ఈ ఆగస్టు నెలలో కూడా వర్షాలు బీభత్సం సృష్టిస్తాయని వాతావరణ శాఖ పేర్కొంది. ఇవాళ రాష్ట్రంలోని తూర్పు డివిజన్‌లోని అనేక చోట్ల వర్షాలు కురిసే అవకాశం ఉందని తెలిపింది. సహరాన్‌పూర్, షామ్లి, ముజఫర్‌నగర్, బాగ్‌పత్, మీరట్‌లలో భారీ వర్షాలు కురిసే అవకాశం ఉందని వెల్లడించింది. 

వీటితో పాటు బిజ్నోర్, అమ్రోహా, మొరాదాబాద్, రాంపూర్, బరేలీ, పిలిభిత్, లఖింపూర్ ఖేరీ, బహ్రైచ్, శ్రావస్తి, గోండా, బల్రాంపూర్, సిద్ధార్థనగర్, మహరాజ్‌గంజ్, ఖుషీనగర్, డియోరియా, గోరఖ్‌పూర్, బస్తీలోని పలు చోట్ల ఉరుములు, మెరుపులతో కూడిన భారీ వర్షం కురిసే అవకాశం ఉందని తెలిపింది. అదే సమయంలో ఇక్కడ ఉరుములతో పాటు పిడుగులు కూడా పడతాయని హెచ్చరికలు జారీ చేశారు. ఆగస్టు 6 వరకు రాష్ట్రంలోని చాలా ప్రాంతాల్లో వర్షాలు కురిసే అవకాశం ఉందని పేర్కొంది.

ఇది కూడా చూడండి:ధర్మస్థలలో కీలక పరిణామం.. బయటపడిన అవశేషాలు

మరోవైపు ఈరోజు యూపీలో మౌ, బల్లియా, ఘాజీపూర్, చందౌలీ, వారణాసి, అజంగఢ్, అంబేద్కర్ నగర్, అయోధ్య బారాబంకి, సీతాపూర్, హర్దోయ్, ఫరూఖాబాద్, కన్నౌజ్, షాజహాన్‌పూర్, బదౌన్, కస్గంజ్, ఇటాహ్, మైన్‌పురి, హత్రాస్‌బాద్, గ్థ్రాస్‌బాద్, గ్థ్రాస్‌బాద్, గ్థ్రాస్‌బాద్‌లో కొన్ని చోట్ల వర్షాలు కురుస్తాయని తెలిపింది. 

అదే సమయంలో మధుర, ఆగ్రా, ఎటావా, ఔరైయా, కాన్పూర్, ఉన్నావ్, లక్నో, ఫతేపూర్, రాయ్ బరేలి, అమేథి, కౌశాంబి, ప్రతాప్‌గఢ్, సుల్తాన్‌పూర్, జౌన్‌పూర్, మీర్జాపూర్, సంత్ రవిదాస్ నగర్, సోన్‌భద్రలోని కొన్ని ప్రదేశాలలో తేలికపాటి వర్షాలు కురుస్తాయని సూచించింది.