Supreme Court: సంచలన తీర్పు.. ఓటర్ కార్డ్‌కు ఆధార్‌తోపాటు 11 సర్టిఫికేట్లు

ఓటర్ల జాబితా సవరణ ప్రక్రియలో ఆధార్‌ను కూడా గుర్తింపు పత్రంగా అంగీకరించాలని ఈసీకి సుప్రీంకోర్టు స్పష్టం చేసింది. ఓటర్ల జాబితా నుంచి 65 లక్షల మందికి పైగా ఓటర్లను తొలగించడంపై దాఖలైన పిటిషన్లను విచారించిన సుప్రీంకోర్టు శుక్రవారం ఈ ఆదేశాలు జారీ చేసింది. బిహార్‌ రాష్ట్రంలో జరుగుతున్న 'స్పెషల్ ఇంటెన్సివ్ రివిజన్' (SIR)పై అనేక ఆందోళనలు వ్యక్తమవుతున్న నేపథ్యంలో ఈ తీర్పు ప్రాధాన్యత సంతరించుకుంది.

The Supreme Court has tightened the noose on disenfranchisement in the name of SIR, further strengthening its earlier order.

1. Aadhar to be accepted as stand alone document for claims of inclusion by 65 lakh excluded persons.
2. BLO’s categorisation of electors as… https://t.co/3s2cSnuYwn

— Yogendra Yadav (@_YogendraYadav) August 22, 2025

ఇది ప్రజలకు అనుకూలమైన నిర్ణయమని, దీనివల్ల తమ పేర్లు ఓటర్ల జాబితాలో లేవని గుర్తించిన ప్రజలు తిరిగి తమ పేర్లను నమోదు చేయించుకోవడానికి సులభంగా ఉంటుందని న్యాయస్థానం వ్యాఖ్యానించింది. ఎన్నికల సంఘం ఇప్పటికే ఓటర్ల గుర్తింపు కోసం 11 రకాల పత్రాలను అనుమతించినప్పటికీ, అత్యధిక మంది ప్రజలు కలిగి ఉన్న ఆధార్‌ను కూడా అందులో చేర్చాలని సుప్రీంకోర్టు ఆదేశించింది.

The Supreme Court on Aug 22 said that people excluded from the draft electoral roll during during the ongoing Special Intensive Revision (SIR) in Bihar can submit Aadhaar card along with the requisite form to object to their exclusion.

The Bench said the people can submit their… pic.twitter.com/VXfArxVf8f

— Bar and Bench (@barandbench) August 22, 2025

"ఎన్నికల సంఘం ప్రస్తుతం అంగీకరిస్తున్న 11 పత్రాల జాబితా పౌర-స్నేహపూర్వకంగా ఉంది, కానీ ఆధార్, ఓటర్ ఐడీ కార్డులు సులభంగా అందుబాటులో ఉంటాయి. ఇప్పటివరకు వీటిని సమర్పించని వారు ఆధార్, ఓటర్ ఐడీలను కూడా సమర్పించవచ్చని ఎన్నికల సంఘం తన నోటీసులో పేర్కొనవచ్చు" అని జస్టిస్ సూర్యకాంత్, జస్టిస్ జాయ్‌మాల్య బాగ్చిలతో కూడిన ధర్మాసనం పేర్కొంది. ఈసీ తరఫు న్యాయవాది రాకేష్ ద్వివేది, ఆధార్ అనేది పౌరసత్వానికి రుజువు కాదని కోర్టుకు తెలిపారు. అయితే, ఆధార్ కేవలం గుర్తింపు పత్రంగా మాత్రమే అవసరమని, పౌరసత్వానికి కాదని సుప్రీంకోర్టు స్పష్టం చేసింది.

దీంతో పాటు, ఓటర్ల జాబితా నుంచి తొలగించబడిన 65 లక్షల మంది ఓటర్ల వివరాలను, వారి పేర్లు తొలగించడానికి గల కారణాలతో సహా పారదర్శకంగా వెబ్‌సైట్‌లో ప్రచురించాలని కూడా సుప్రీంకోర్టు ఈసీని ఆదేశించింది. దీనివల్ల ప్రజలు తమ పేర్లు ఎందుకు తొలగించబడ్డాయో తెలుసుకొని, తిరిగి చేర్చించుకోవడానికి వీలుంటుందని కోర్టు పేర్కొంది. తమ పేర్లు తొలగించబడిన వారు తిరిగి నమోదు చేసుకోవడానికి వీలుగా పత్రికలు, టీవీ, సోషల్ మీడియా ద్వారా విస్తృత ప్రచారం కల్పించాలని కూడా ఈసీని ఆదేశించింది.

ఈ కేసుపై తదుపరి విచారణను ఆగస్టు 22, 2025కు వాయిదా వేసింది. ఈ తాజా ఆదేశాలు బిహార్‌తో పాటు దేశవ్యాప్తంగా ఓటర్ల నమోదు ప్రక్రియపై సానుకూల ప్రభావం చూపుతాయని భావిస్తున్నారు.