Manipur: మణిపూర్ సీఎం రాజీనామా.. తర్వాత రాష్ట్రపతి పాలన?

Manipur: బీరేన్ సింగ్ (CM Biren Singh) రాజీనామా మణిపూర్ లో రాజకీయ అనిశ్చితికి దారి తీసింది. అసలే హింసతో రాష్ట్రం అంతా అల్లకల్లోలంగా ఉంది. దానికి తోడు ఇప్పుడు ఈ కొత్త సమస్యతో మరిన్ని ఇబ్బందులు తలెత్తుతున్నాయి. తొందరలో ఇక్కడ ఎవరో ఒకరు సీఎం కాకపోతే పరిస్ధితి మరింద దారుణంగా తయారవుతుందని అంటున్నారు. బిరేన్ సింగ్ ప్రస్తుతం తాత్కాలిక ముఖ్యమంత్రిగా రాష్ట్ర వ్యవహారాలను చూసుకుంటున్నారు. ఇప్పుడు, బిజెపి కొత్త ముఖ్యమంత్రిని ఎన్నుకోలేకపోతే, అసెంబ్లీ సమావేశాన్ని పిలవకపోతే రాష్ట్రపతి పాలన విధించే అవకాశం ఉందని చెబుతున్నారు. ప్రభుత్వాన్ని ఏర్పాటు చేయడానికి బీజేపీ ముందుకు రావడం లేదని...దీనిపై ఎటువంటి చర్యలు తీసుకోవడానికి ఉత్సాహం చూపించడం లేదని ఆ పార్టీ వర్గాలే చెబుతున్నాయి. అందుకే ఇక్కడ రాష్ట్రపతి పాలనే నియమించే అవకాశమే ఎక్కువగా ఉందని అంటున్నారు. 

Also Read:  Singapore: సింగపూర్‌కు ఉగ్రదాడుల ముప్పు.. ప్రజలంతా రెడీగా ఉండాలంటూ మంత్రి వ్యాఖ్యలు!

ఆరు నెలల గ్యాప్ ఉంటే అదే...

రాజ్యాంగం ప్రకారం రాష్ట్ర అసెంబ్లీ రెండు సమావేశాల మధ్య 6 నెలల కంటే ఎక్కువ అంతరం ఉండకూడదు.. కానీ మణిపూర్ అసెంబ్లీ సందర్భంలో ఈ రాజ్యాంగ కాలపరిమితి నేటితో ముగుస్తోంది. అంతేకాకుండా, రాష్ట్రంలో అనేక రౌండ్ల సమావేశాల తర్వాత కూడా.. ఏ పార్టీ లేదా కూటమి ఇంకా ప్రభుత్వాన్ని ఏర్పాటు చేయడానికి ముందుకు రాలేదు. కనీసం దాని గురించి మాట్లాడడం కూడా లేదు. దీని బట్టి ఇక్కడ అసెంబ్లీని రద్దు చేయాల్సిన ఆవశ్యకత ఏర్పడుతోంది. ఇటువంటి పరిస్థితుల్లో ప్రభుత్వ ఏర్పాటు అవకాశాలను అన్వేషించే ప్రయత్నాలు కొనసాగుతాయి. ప్రభుత్వ ఏర్పాటుకు సంబంధించి ఏ ఆధారం, హోప్ లేకపోతే రాష్ట్రంలో రాష్ట్రపతి పాలన విధిస్తారు. దీని బట్టి ప్రధాని మోదీ తన విదేశీ పర్యటన నుండి తిరిగి వచ్చిన తర్వాత దీనిపై నిర్ణయం తీసుకోవచ్చని చెబుతున్నారు. 

Also Read: PM MOdi: భారత్ లో పెట్టుబడులకు ఇదే మంచి సమయం..ప్రధాని మోదీ

Also Read: Trump: ట్రంప్‌ మరో తలతిక్క నిర్ణయం...ప్రపంచ దేశాలకు విరుద్ధంగా పేపర్‌ వద్దు..ప్లాస్టికే ముద్దంటన్న పెద్దన్న!