POK: పాకిస్తాన్ సైన్య గౌరవం POKలో వేలం.. యూనిఫాంల నుండి హెల్మెట్ల వరకు ప్రతిదీ రూ. 10

పాకిస్తాన్ ఆక్రమిత కాశ్మీర్(PoK) లో పాకిస్తాన్ ప్రభుత్వం, అక్కడి ఆర్మీకి వ్యతిరేకంగా జరుగుతున్న నిరసనలు తీవ్రరూపం దాల్చాయి. ఈ ఆందోళనల్లో నిరసనకారులు పాక్ ఆర్మీని తీవ్రంగా అవమానిస్తూ ఒక చర్యకు పాల్పడిన వీడియో ఇప్పుడు సోషల్ మీడియాలో వైరల్ గా మారింది.  పాకిస్తాన్ ఆక్రమిత కాశ్మీర్ లో  జరుగుతున్న నిరసనల్లో భాగంగా, ఆందోళనకారులు పాకిస్తాన్ సైన్యానికి చెందిన యూనిఫాంలు, హెల్మెట్‌లు, షీల్డ్‌లు వంటి సామాగ్రిని రోడ్డు పక్కన ఉంచి కేవలం పది రూపాయలు చొప్పున అమ్ముతున్నట్లుగా ప్రదర్శించారు.

Civilians in Pakistan Occupied Jammu & Kashmir (PoJK) are mocking Pakistani security forces by keeping their uniform, helmets and shields on sale for Rs. 10 at the protest site. #Muzaffarabad#PoKpic.twitter.com/PTvQP1eWhx

— Aditya Raj Kaul (@AdityaRajKaul) October 2, 2025

పాకిస్తాన్ ఆర్మీ(pakistan-army) బలం, గౌరవం పట్ల ప్రజల్లో ఉన్న వ్యతిరేకతను, చులకన భావాన్ని తెలియజేయడానికి ఈ విధంగా చేశారు. ఒకప్పుడు అత్యంత విలువైనదిగా భావించే సైనిక సామాగ్రిని కేవలం 10 రూపాయలకు అమ్ముతున్నట్లు చెప్పడం ద్వారా పాక్ ఆర్మీని అపహాస్యం చేశారు. పాకిస్తాన్ ప్రభుత్వానికి, సైన్యానికి వ్యతిరేకంగా ప్రజలు నిలబడటమే కాకుండా వారిని ఎగతాళి చేయడానికి కూడా వెనుకాడటం లేదని ఇది స్పష్టంగా చూపిస్తుంది. ఈ వీడియో సైన్యం ప్రతిష్టకు పెద్ద దెబ్బ అని ప్రజలు నమ్ముతున్నారు. పాకిస్తాన్ఇది సైన్యానికి పెద్ద దెబ్బ. ఒకవైపు, సైన్యం కాల్పులు అణచివేత ప్రవర్తనకు పాల్పడుతున్నట్లు ఆరోపణలు ఎదుర్కొంటుంటే, మరోవైపు, ప్రజలు వారి యూనిఫాంలు, హెల్మెట్లను బహిరంగంగా ఎగతాళి చేస్తున్నారు. POK లోని ప్రజలు 38 డిమాండ్లపై నిరసన తెలుపుతున్నారు.

 POK అసెంబ్లీలో పాకిస్తానీ కాశ్మీరీ శరణార్థులకు కేటాయించిన 12 సీట్లను రద్దు చేయడం, ఐఎస్ఐ మద్దతుగల ముస్లిం కాన్ఫరెన్స్‌ను ఉగ్రవాద సంస్థగా పేర్కొనడం వీటిలో ఉన్నాయి. ఈ నిరసనలను అణచివేయడానికి షాబాజ్ షరీఫ్ ప్రభుత్వం, పాకిస్తాన్ సైన్యం కాల్పులకు తెగబడుతున్నాయి, కానీ నిరసనకారులు వెనక్కి తగ్గడానికి ఇష్టపడటం లేదు. JAAC (జాయింట్ యాక్షన్ కమిటీ) నాయకుడు షౌకత్ నవాజ్ మీర్ మాట్లాడుతూ, గత 70 సంవత్సరాలుగా PoK ప్రజలు తమ ప్రాథమిక హక్కులను కోల్పోతున్నారని అన్నారు. తమ డిమాండ్లను నెరవేర్చండి లేదా ప్రజల ఆగ్రహాన్ని ఎదుర్కోండి అని ఆయన స్పష్టంగా పేర్కొన్నారు.  ఇటీవల పాకిస్తాన్ ఆర్మీ చీఫ్ అసిమ్ మునీర్ అమెరికా ఆయన పర్యటన సందర్భంగా కూడా, ఎంపీ ఐమల్ వలీ ఖాన్ ఆయనను "సేల్స్ మాన్" అని పిలిచి ఎగతాళి చేశారు. ఈ సమయంలో, పీఓకే నుండి వచ్చిన ఈ వీడియో పాకిస్తాన్ సైన్యానికి మరింత ఇబ్బందికరంగా మారుతోంది.

Also Read :  ప్రియురాలిని హత్యచేసి బ్లూ డ్రమ్ములో కుక్కిన ప్రియుడు.. ఎందుకంటే?

నిరసనలకు కారణాలు 

• మంగ్లా జలవిద్యుత్ ప్రాజెక్ట్  PoKలోనే ఉన్నప్పటికీ, అక్కడి ప్రజలకు అధిక ధరలకు కరెంటు అమ్ముతున్నారు.
•  తమ ప్రాంతంలోని వనరులను ఉపయోగించుకుంటూ తమకే అధిక ఛార్జీలు విధించడంపై ఆగ్రహం వ్యక్తం చేస్తున్నారు.
• తీవ్రమైన ద్రవ్యోల్బణం కారణంగా, గోధుమ పిండి వంటి నిత్యావసర వస్తువుల ధరలు ఆకాశాన్నంటాయి. దీనిపై ప్రభుత్వం సబ్సిడీ ఇచ్చి, తక్కువ ధరకే అందించాలని డిమాండ్ చేస్తున్నారు.
• PoKలోని సహజ వనరులను  పాకిస్తాన్ ప్రభుత్వం మరియు అక్కడి పాలక వర్గాలు దోచుకుంటున్నాయని, కానీ తమ ప్రాంత అభివృద్ధిని పట్టించుకోవడం లేదని ఆరోపిస్తున్నారు.
•  దాదాపు 70 సంవత్సరాలుగా తమకు కనీస ప్రాథమిక హక్కులు కూడా కల్పించబడలేదని నిరసనకారులు ఆవేదన వ్యక్తం చేస్తున్నారు.
• శాంతియుతంగా నిరసనలు తెలుపుతున్న పౌరులపై పాకిస్తాన్ సైన్యం, భద్రతా దళాలు విచక్షణారహితంగా కాల్పులు జరపడం, హింసకు పాల్పడటం ఈ ఉద్యమాన్ని మరింత తీవ్రతరం చేసింది.

Also Read : ఐఫోన్లు 'Out of stock' కాకుండా ఉండటానికి 5 సింపుల్ ట్రిక్స్!