ISRO: మరో చరిత్ర సృష్టించనున్న ఇస్రో.. డిసెంబర్ 4న సరికొత్త ప్రయోగం

భారత అంతరిక్ష పరిశోధనా సంస్థ(ISRO) మరో చరిత్ర సృష్టించనుంది. సూర్యుని రహస్యాలు తెలుసుకునేందుకు మరో కొత్త ప్రయోగానికి సిద్ధమైంది. ఇటీవల ఇస్రో ఆదిత్య ఎల్‌-1 మిషన్‌ను చేపట్టిన సంగతి తెలిసిందే. అయితే ఇప్పుడు ప్రోబా-3 మిషన్‌ను ప్రయోగించేందుకు రెడీ అవుతోంది. భారత్‌తో పాటు వివిధ దేశాలకు చెందిన శాస్త్రవేత్తలు ఈ ప్రయోగం కోసం పనిచేశారు. ఇక మిషన్‌ను ప్రయోగించే బాధ్యతను ఇస్రో తీసుకోనుండగా.. శాటిలైట్‌ను నింగిలోకి రాకెట్ పోలార్ శాటిలైట్ లాంచ్ వెహికల్ తీసుకెళ్లనుంది. 

Also Read: EVMలను హ్యాక్ చేయగలనంటూ యువకుడు సవాల్.. షాక్ ఇచ్చిన పోలీసులు

ISRO To Launch ESA's Proba-3 Mission

డిసెంబర్ 4న ఏపీలోని శ్రీహరికోట అంతరిక్ష కేంద్రం నుంచి యూరోపియన్ స్పేస్ ఏజెన్సీ ప్రోబా-3 మిషన్‌ను ప్రయోగించనుందని ఇస్రో తెలిపింది. ఇస్రో వాణిజ్య విభాగమైన న్యూస్పేస్ ఇండియా లిమిటెడ్ సాయంతో ప్రోబా-3 ప్రయోగం చేపట్టనున్నారు. బుధవారం సాయంత్రం 4.08 గంటలకు రాకెట్‌ నింగిలోకి దూసుకెళ్లనుంది. మిషన్‌లో 550 కిలోల వరకు బరువున్న శాటిలైట్లను ప్రత్యేక దీర్ఘవృత్తాకార కక్ష్యలో ఉంచనున్నట్లు ఇస్రో తెలిపింది. 

ఇది కూడా చూడండి: విషాదం.. అభిమానుల మధ్య ఘర్షణ.. వందమందికి పైగా..

ఈ ప్రయోగంలో యూరోపియన్ ఏజెన్సీ సూర్యుడి వాతావరణంలో బయటి, అత్యంత వేడిపొర అయిన సోలార్‌ కరోనాను అధ్యయనం చేయనుంది. ఈ ప్రోబా-3 మిషన్‌లో ప్రయోగించిన శాటిలైట్లు అర్టిఫిషియల్ సూర్యగ్రహణ పరిస్థితులను సృష్టిస్తాయి. ఆ తర్వాత సుర్యూడి బయటి పొర అయిన కరోనాను అధ్యయనం చేస్తాయి. ఈ జంట శాటిలైట్లలో ఒకదానిలో కరోనాగ్రాఫ్ ఉంటుంది. మరోటి అల్టరర్‌ను కలిగి ఉంటుంది. ఈ శాటిలైట్లలో ఒకటి సూర్యుడిని కనిపించకుండా కృత్రిమ గ్రహణం పరిస్థితిని సృష్టిస్తే.. మరొకటి కరోనాను గమనిస్తూ వస్తుంది.  

Also Read: యూపీ సర్కార్‌ కీలక నిర్ణయం.. ఆ ప్రాంతం ఇక మహాకుంభమేళ జిల్లా

స్పెయిన్, బెల్జియం, ఇటలీ, స్విట్జర్లాండ్, పోలాండ్ శాస్త్రవేత్తల కృషి ఫలితమే ప్రోబా- మిషన్ 3. ఈ మిషన్‌ను తయారు చేసేందుకు రెండేళ్ల సమయం పట్టింది. అయితే ఈ శాటిలైట్లు నిర్ణీత కక్ష్యలోకి చేరుకోవడం ఎంతో కీలకం. ఎందుకంటే ఇవి ఒకదానితో మరొకటి సమన్వయం చేసుకుంటూ కరోనాపై అధ్యయనం చేస్తాయి. ఈ రెండిట్లో ఏ ఒక్కటి కూడా పనిచేయకపోయినా రెండో శాటిలైట్‌కు ఉపయోగం లేకుండా పోతుందని శాస్త్రవేత్తలు చెబుతున్నారు.  

ఇది కూడా చూడండి: మహిళలకు గుడ్ న్యూస్.. స్వల్పంగా తగ్గిన బంగారం ధరలు