ట్రంప్‌కు దమ్కీ ఇచ్చిన కేంద్ర మంత్రి రాజ్‌నాథ్ సింగ్

భారత రక్షణ మంత్రి రాజ్ నాథ్ సింగ్ అమెరికా అధ్యక్షుడు డొనాల్డ్ ట్రంప్ విధించిన సుంకాలపై పరోక్షంగా ఘాటైన విమర్శలు చేశారు. భారతదేశ వేగవంతమైన ఆర్థిక వృద్ధిని చూసి కొన్ని ప్రపంచ దేశాలు అసూయ పడుతున్నాయని, అందుకే భారతదేశ ఎగుమతులను ప్రపంచ మార్కెట్లో మరింత ఖరీదైనవిగా మార్చేందుకు ప్రయత్నిస్తున్నాయని ఆయన ఆరోపించారు. మధ్యప్రదేశ్‌లో జరిగిన ఓ కార్యక్రమంలో ఆయన మాట్లాడుతూ, "కొంతమంది తాము అందరికీ 'బాస్' అని భావిస్తారు, భారతదేశం ఇంత వేగంగా ఎలా అభివృద్ధి చెందుతోందని వారు జీర్ణించుకోలేకపోతున్నారు," అని వ్యాఖ్యానించారు.

VIDEO | Madhya Pradesh: Defence Minister Rajnath Singh (@rajnathsingh) slams the US President over the tariff issue without naming him, saying, “Some ‘boss’ is jealous, unable to accept India’s growth; trying to disrupt the country’s economy."

(Full video available on PTI Videos… pic.twitter.com/D3LLTywnXJ

— Press Trust of India (@PTI_News) August 10, 2025

ఇటీవల అమెరికా, భారతదేశంపై 50 శాతం సుంకాలు విధించింది. ఇందులో 25 శాతం సాధారణ సుంకం కాగా, రష్యా నుంచి చమురు దిగుమతులు కొనసాగించినందుకు అదనంగా 25 శాతం జరిమానా విధించింది. ఈ నిర్ణయంపై స్పందిస్తూ రాజ్ నాథ్ సింగ్, "భారత ఉత్పత్తులు ప్రపంచ దేశాలకు వెళ్ళినప్పుడు, వాటి ధరలు పెరుగుతాయని, దీంతో వాటిని కొనడం మానేస్తారని కొందరు ప్రయత్నిస్తున్నారు. కానీ భారతదేశం ఏ వేగంతో ముందుకు వెళ్తుందో, ప్రపంచంలో ఏ శక్తి కూడా భారతదేశాన్ని సూపర్‌పవర్‌గా మారకుండా ఆపలేదని నేను పూర్తి విశ్వాసంతో చెబుతున్నాను," అని స్పష్టం చేశారు.

#WATCH Raisen, Madhya Pradesh: Defence Minister Rajnath Singh says, "There are some people who are not happy with the speed at which India is developing. They are not liking it. 'Sabke boss toh hum hain', how is India growing at such a fast pace? And many are trying that the… pic.twitter.com/kucYjXnNNX

— ANI (@ANI) August 10, 2025

మోదీ ప్రభుత్వం హయాంలో భారతదేశ ఆర్థిక వ్యవస్థ 2014 నుంచి ఎంతగానో పుంజుకుందని, ఒకప్పుడు 11వ స్థానంలో ఉన్న భారతదేశ ఆర్థిక వ్యవస్థ ఇప్పుడు ప్రపంచంలోని టాప్ 4 ఆర్థిక వ్యవస్థల్లో ఒకటిగా ఉందని ఆయన గుర్తు చేశారు. రక్షణ రంగంలో కూడా భారతదేశం దూసుకుపోతుందని, 2014లో కేవలం రూ.600 కోట్లు ఉన్న రక్షణ ఎగుమతులు ఇప్పుడు రూ. 24,000 కోట్లకు పైగా పెరిగాయని ఆయన తెలిపారు. ఇది 'నయా భారత్'కు నిదర్శనం అని ఆయన అన్నారు.

అమెరికా విధించిన ఈ సుంకాలను భారతదేశం "అన్యాయమైన, అసంబద్ధమైన" చర్యగా అభివర్ణించింది. రష్యా నుంచి చమురు దిగుమతులు చేసుకోవడం కేవలం భారతదేశ ఇంధన భద్రత కోసం తీసుకున్న నిర్ణయమని, ఇది మార్కెట్ గతిశీలతపై ఆధారపడి ఉంటుందని భారతదేశం స్పష్టం చేసింది. ఈ సుంకాల వివాదంపై ఇరు దేశాల మధ్య వాణిజ్య చర్చలు నిలిచిపోయాయి. ఈ వివాదం వలన ప్రపంచ వ్యాప్తంగా భారతీయ ఉత్పత్తుల ఎగుమతులపై తీవ్ర ప్రభావం పడే అవకాశం ఉందని నిపుణులు హెచ్చరిస్తున్నారు.