Jana Nayagan: జననాయగన్‌ను బీజేపీ అడ్డుకుంటోంది: రాహుల్ గాంధీ

ప్రముఖ నటుడు విజయ్ నటించిన 'జననాయగన్' సినిమాపై వివాదం నెలకొన్న సంగతి తెలిసిందే. ఈ సినిమా విడుదలకు సెన్సార్‌ బోర్డు నుంచి జాప్యం జరగడంతో చిత్ర నిర్మాత సుప్రీంకోర్టును ఆశ్రయించారు. ఈ క్రమంలోనే ఈ వ్యవహారంపై తాజాగా కాంగ్రెస్ అగ్రనేత రాహుల్ గాంధీ స్పందించారు. ఈ సినిమాను కేంద్ర ప్రభుత్వం అడ్డుకుంటోందని ఆరోపించారు. తమిళ సంప్రదాయాలపై బీజేపీ సర్కార్ దాడి చేస్తోందంటూ విమర్శించారు. ప్రధాని మోదీ తమిళ ప్రజల గొంతు నొక్కాలని యత్నిస్తున్నారని.. ఇది ఎప్పటికీ సాధ్యం కాదంటూ ధ్వజమెత్తారు.  

Also Read: భారత్ లో నిఫా వైరస్ డేంజర్ బెల్స్.. ఎలా సోకుతుందో తెలుసా?

ఇక వివరాల్లోకి వెళ్తే హెచ్ వినోద్‌ దర్శకత్వంలో వచ్చిన జననాయగన్ సినిమాకు యూ/ఏ సర్టిఫికెట్‌ ఇవ్వాలని మద్రాస్ హైకోర్టు సింగిల్ బెంచ్‌.. సెన్సార్ బోర్డుకు గత శుక్రవారం ఆదేశించింది. కానీ సింగిల్ బెంచ్ ఇచ్చిన తీర్పును సవాల్ చేస్తూ సెన్సార్ బోర్డు మద్రాసు హైకోర్టు డివిజన్ బెంచ్‌ను ఆశ్రయించింది. దీంతో ఈ కేసును పరిగణలోకి తీసుకున్న డివిజన్ బెంచ్‌ సెన్సార్‌ సర్టిఫికెట్‌ జారీపై తాత్కాలిక స్టే విధించింది. తదుపరి విచారణను జనవరి 21కి వాయిదా వేసింది. దీంతో చిత్ర నిర్మాతలు సుప్రీంకోర్టును ఆశ్రయించారు. 

Also Read: సంక్రాంతి వేళ బిగ్ షాక్.. ప్రముఖ కంపెనీలో భారీగా లే‎ఆఫ్‎లు

ఇది విజయ్ చివరి సినిమా కావడంతో ఇందులో ప్రభుత్వాలను విమర్శించేలా ఉన్న 50కి పైగా పొలిటికల్ డైలాగులు, సీన్‌లను కట్ చేయాలని లేదా మ్యూట్ చేయాలని సెన్సార్ బోర్డు సూచించినట్లు తెలుస్తోంది. కోర్టులో వాదనల వల్ల జనవరి 9న విడుదల కావాల్సిన ఈ సినిమాకు బ్రేక్ పడింది. సీజేఐ సూర్యకాంత్ నేతృత్వంలోని ధర్మాసనం జనవరి 15న దీనిపై విచారణ చేయనుంది. మరి ఈ సినిమా విడుదలపై సుప్రీంకోర్టు ఎలాంటి తీర్పు ఇస్తుందో అనేదానిపై ఆసక్తి నెలకొంది.