Kerala: 90 ఏళ్ల వయసులో తగ్గేదే లే అంటున్న తాతా.. పంచాయతీ ఎన్నికల్లో పోటీ

Kerala: కేరళలో డిసెంబర్‌లో స్థానిక సంస్థల ఎన్నికలు జరగనున్నాయి. అయితే అక్కడ ఓ 90 ఏళ్ల వృద్ధుడు స్వతంత్ర అభ్యర్థిగా పోటీకి దిగడం అందరినీ ఆశ్చర్యపరుస్తోంది. అశమన్నూర్‌ గ్రామానికి చెందిన నారయణ్‌ నాయర్ (90) విశ్రాంత ప్రభుత్వ ఉద్యోగి. ఈయన పంచాయతీ ఎన్నికల్లో రెండో వార్డు నుంచి ఇండిపెండెంట్‌ అభ్యర్థిగా బరిలోకి దిగుతున్నారు. ఆ గ్రామంలో ప్రధాన పార్టీ అభ్యర్థులు తమ మద్దతుదారులతో ప్రచారాలు నిర్వహిస్తున్నారు. 

Also Read: సర్పంచ్‌గా పోటీ చేసేందుకు ఎస్సై ఉద్యోగం త్యాగం

నారాయణ్‌ నాయర్ మాత్రం ఒంటరిగా ప్రజల ఇళ్లకు వెళ్లి ఓటర్లను అభ్యర్థిస్తున్నారు. అయితే 90 ఏళ్ల వయసులో ఎన్నికల్లో పోటీకి దిగడంపై ఓ రిపోర్టర్ ఆయన్ని ప్రశ్నించారు. దీనికి స్పందించిన నారాయణ్ వయసు దేనికీ అడ్డుకాదని తెలిపారు. తమ వార్డు అభివృద్ధి చెందాలని కోరుకుంటున్నానని, అందుకే ఎన్నికల్లో పోటీ చేస్తున్నానని పేర్కొన్నారు. అంతేకాదు ఈ ఎన్నికల్లో తాను గెలిస్తానని నమ్మకం ఉందని ఆశాభావం వ్యక్తం చేశారు. కేరళలో డిసెంబర్ 9,11 తేదీల్లో రెండు దశల్లో స్థానిక ఎన్నికలు జరగనున్నాయి. 13న ఫలితాలు విడుదల కానున్నాయి. 

Also Read: గ్రామపంచాయతీలకు నిధులు ఎలా వస్తాయో తెలుసా?