Panchayat Elections : గ్రామపంచాయతీలకు నిధులు ఎలా వస్తాయో తెలుసా?

Panchayat Elections : తెలంగాణ(telangana)లో గ్రామపంచాయతీ ఎన్నిక(gram panchayat elections)లకు సంబంధించి నామినేషన్ల పర్వం కొనసాగుతోంది.గత ఏడాది జనవరి నెలాఖరు వరకు గ్రామ పంచాయతీ పాలక వర్గాల పదవీ కాలం ముగిసింది. పిబ్రవరి నుంచి ప్రత్యేక అధికారుల పాలన కొనసాగుతున్నది. జూలైలో మండల పరిషత్‌, జిల్లా పరిషత్‌ లు, ఈ ఏడాది జనవరిలో మున్సిపాలిటీల పాలక వర్గాల పదవీ కాలం ముగిసింది. అన్ని స్థానిక సంస్థల్లో ప్రత్యేక అధికారుల పాలన కొనసా గుతున్నది.  ప్రస్తుతం నామినేషన్లు కొనసాగుతుండగా వచ్చే నెలలో ఎన్నికలు(panchayat elections 2025) జరగనున్నాయి.  అయితే గ్రామాల అభివృద్ధి కోసం కేంద్ర, రాష్ర్ట ప్రభుత్వాలు ప్రత్యేక నిధులు ఎర్పాటు చేస్తాయి. మరోవైపు గ్రామంలో పన్నుల ద్వారా నిధులు సమకూరుతాయి. కాగా గ్రామ పంచాయతీకి ఇంకా నిధులు ఎలా వస్తాయో తెలుసుకుందాం.

పంచాయతీరాజ్‌ చట్టంలోని ఆర్టికల్‌ - 243 (H): పంచాయతీల ఆదాయ మార్గాల గురించి వివరిస్తుంది. రాష్ట్ర, కేంద్ర ప్రభుత్వ గ్రాంట్లు, రాష్ట్ర ప్రభుత్వ నిధులు ఇందులో ఉంటాయి. రాష్ట్ర ప్రభుత్వం అందించే గ్రాంట్లు, గ్రామ భౌగోళిక సరిహద్దుల్లో ఉన్న పరిశ్రమలపై పన్ను, పండుగలు, జాతరలపై పన్నులు ఉంటాయి. గ్రామ పంచాయతీకి గ్రామంలోని ఇళ్ల నుంచి ఇంటి పన్ను, ఆస్తుల బదిలీ పన్ను, వాహన పన్ను, ప్రకటన పన్ను, వారంతపు సంతలు, పశు సంతలు, గోడన్లు, వృత్తి పన్ను నుంచి ఆదాయం సమకూరుతుంది.

పంచాయతీరాజ్‌ చట్టం ప్రకారం పంచాయతీలు ఇంటి పన్నుతో పాటు సంతలు, లైసెన్స్‌లు, బంజరుదొడ్డి తదితర వాటిపై ఏటా డిమాండ్‌ను రూపొందించి దాని ప్రకారం ముందుకెళ్తారు. పన్నుల రూపేనా వచ్చిన నగదును ట్రెజరీలో జమచేసి పంచాయతీకి సంబంధించిన చిన్నచిన్న అవసరాలు, సిబ్బంది, పారిశుద్ధ్య కార్మికుల వేతనాల చెల్లింపు, గ్రామంలో చిన్నచిన్న మరమ్మతులు చేయించడం, ప్రభుత్వ కార్యక్రమాల నిర్వహణ, గ్రామసభల ఏర్పాటు, స్టేషనరీ తదితర వాటికి ఇందులోంచి వెచ్చించాల్సి ఉంటుంది.

Also Read :  ఉద్యమాన్ని మలుపు తిప్పిన దీక్ష.. నేడు బీఆర్ఎస్ దీక్షాదివస్‌

Gram Panchayat Elections 2025

పంచాయతీల అభివృద్ధికి కేంద్ర రాష్ట్ర ప్రభుత్వాలు నిధులు కేటాయిస్తున్నాయి. వీటికి తోడు పంచాయతీలు వాటి పరిధిలోని గ్రామాల్లో వసూలయ్యే పన్నుల ద్వారా అభివృద్ధికి కృషి చేయాల్సి ఉంటుంది. అయితే ప్రతి ఆర్థిక సంవత్సరంలో పంచాయతీల వారీగా లక్ష్యం నిర్దేశించుకుని, ఆ లక్ష్యం ప్రకారం వసూళ్లు చేయాలి. వీటితో పాటు పంచవర్ష ప్రణాళికల్లో భాగంగా కేంద్ర ప్రభుత్వం స్థానిక సంస్థలను బలోపేతం చేయడంతో పాటు, అభివృద్ధి పనులు చేపట్టేందుకు నీతి అయోగ్‌ ద్వారా జనాభా ప్రాతిపదికన ప్రతి ఏటా నిధులను కేటాయి స్తారు. ఆ నిధులతో పంచాయతీల్లో విద్యుత్‌ చార్జీల చెల్లింపు, తాగునీటి సరఫరా, పారిశుధ్య నిర్వహణ, వీధుల్లో సీసీ రోడ్లు, మురికి కాలువల నిర్మాణాలు చేపడుతుంటారు. - gram panchayat elections in telangana

గతంలో ఈ నిధులను రాష్ట్ర ప్రభుత్వా నికి పంపిస్తే అక్కడి నుంచి పంచాయతీలకు పంపించేవారు.  అయితే రాష్ట్ర ప్రభుత్వాలు సకాలంలో పంచాయతీలకు నిధులు విడుదల చేయడం లేదని భావించిన కేంద్ర ప్రభుత్వం గత ఐదేళ్ల నుంచి ప్రత్యేక బ్యాంకు ఖాతాలు తెరిపించి నేరుగా ఆ ఖాతాల్లోనే జమ చేస్తున్నారు. ఒక ఆర్థిక సంఘంలో  ప్రతి ఏటా నాలుగు విడతల్లో నిధులను విడుదల చేస్తారు. ప్రతి ఏటా ఒక్కో పంచాయతీకి జనాభాను బట్టి 15వ ఆర్థిక సంఘం ద్వారా 5 నుంచి 40 లక్షల రూపాయల వరకు నిధులు వస్తున్నాయి.  రాష్ట్ర ప్రభుత్వం విడుదల చేస్టే స్టేట్‌ ఫైనాన్స్‌ నిధులు కూడా ఉంటాయి. ఈ నిధులతో పంచాయతీల నిర్వహణ, మౌలిక వసతుల కల్పనకు సద్వినియోగం చేసుకోనున్నారు. 

Also Read :  ప్రాణం తీసిన యూట్యూబ్‌ ఇంటర్వ్యూ.. మాజీ మావోయిస్టు సిద్ధన్న హత్య