Sweating And Sleep: నిద్రలో కూడా చెమటలు పడుతుంటే ఆలస్యం చేయకండి

Sweating And Sleep: వేడి వాతావరణం, ఇంట్లో సరైన వెంటిలేషన్ లేకపోవడం, శరీరంలోని అధిక వేడి కారణంగా చెమటలు పట్టడం సర్వసాధారణం. అయితే కొంతమందికి నిద్రలో విపరీతంగా చెమట పడుతుంది. వాతావరణం చల్లగా ఉన్నప్పటికీ ఇది చిన్న సమస్య అని చాలా మంది దీనిని విస్మరిస్తారు. అయితే ఇది వివిధ వ్యాధులకు సంకేతం అని నిపుణులు హెచ్చరిస్తున్నారు. సమస్య తీవ్రం కాక ముందే వైద్యుడిని సంప్రదించడం మంచిది. హైపర్ థైరాయిడిజం వల్ల కూడా చమటలు పడతాయి. థైరాయిడ్ గ్రంథి జీవక్రియ, ఇతర శారీరక విధులను నిర్వహించడంలో సమర్థవంతంగా పనిచేస్తుంది. అయితే అది చాలా చురుకుగా మారినప్పుడు హైపర్ థైరాయిడిజం ప్రభావం చూపుతుంది. 

నిద్రలో చెమట పట్టడానికి..

దీనివల్ల శరీరం వేడిని, చెమటను తట్టుకోలేకపోతుందని నిపుణులు అంటున్నారు. కొన్నిసార్లు మనం అకస్మాత్తుగా ఒత్తిడికి, ఆందోళనకు గురవుతాం. అయితే వాటి ప్రభావాలు మెదడు, శరీరంపై ఉంటాయి. ఇది నిద్రలో చెమట పట్టడానికి కారణమవుతుందని నిపుణులు అంటున్నారు. కొన్ని రకాల మానసిక అనారోగ్యాలు నిద్రలో చెమట పట్టడానికి కారణమవుతాయి. ఈ రుగ్మత సంభవించినప్పుడు అది నిద్రలో ఒక రకమైన ఒత్తిడి, ఆందోళన, చెమటను కలిగిస్తుంది. 40 ఏళ్లు పైబడిన మహిళల్లో రాత్రిపూట చెమటలు పడితే ఇవన్నీ మెనోపాజ్ దగ్గరపడుతున్నా సంకేతాలుగా పరిగణించవచ్చని నిపుణులు తెలియజేస్తున్నారు. 

ఇది కూడా చదవండి: చెరకు రసం మొటిమలు, మచ్చలను తొలగిస్తుందా?

TB, HIV, లుకేమియా వంటి సమస్యలు ఉన్నవారి శరీర ఉష్ణోగ్రత అకస్మాత్తుగా పెరుగుతుంది. దీనివల్ల రాత్రిపూట చెమటలు కూడా వస్తాయని వైద్యులు చెబుతున్నారు. అధిక రక్తపోటు, యాంటీరెట్రోవైరల్స్, యాంటిడిప్రెసెంట్స్ వాడకం స్వేద గ్రంథులను నియంత్రించే మెదడు భాగాలను ప్రతికూలంగా ప్రభావితం చేస్తాయి. నిద్రలో చెమట పట్టడానికి కారణమవుతుంది. కెఫిన్ అధికంగా ఉండే ఆహార పదార్థాలను అధికంగా తీసుకోవడం వల్ల రాత్రిపూట చెమటలు పడతాయి. రోజువారీ ఆహారంలో మసాలాలు నివారించడం మంచిది. బరువును అదుపులో ఉంచుకోవడం వల్ల రాత్రిపూట చెమటలు పట్టే సమస్య కూడా తగ్గుతుందని నిపుణులు అంటున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: సన్నటి కనుబొమ్మలతో ఇబ్బంది పడుతున్నారా..ఇలా చేస్తే మందంగా పెరుగుతాయి

( health-tips | latest health tips | best-health-tips | latest-news )