Home Tips: బాత్‌రూమ్ vs వాష్‌రూమ్ రెండూ ఒకటేనా..? విదేశాలకు వెళ్లేముందు ఈ తేడా తెలుసుకోవాల్సిందే!!

ఇంట్లో బాత్‌రూమ్, వాష్‌రూమ్ అనే పదాలను తరచుగా ఒకే అర్థంలో పయోగిస్తుంటాం. కానీ ఇంగ్లీష్ మాట్లాడే దేశాలలో ఈ రెండు పదాలకు వేర్వేరు సందర్భాలు, ప్రత్యేక అర్థాలు ఉన్నాయి. పబ్లిక్ ప్రదేశాలలో లేదా కొత్త దేశాలకు ప్రయాణించేటప్పుడు సరైన పదాన్ని ఉపయోగించకపోతే ఇబ్బందులు ఎదురుకావచ్చు. ఒక గదిలో స్నానం చేసే సౌకర్యం ఉందా లేదా అనే అంశం ఈ తేడాను స్పష్టంగా తెలియజేస్తుంది. ఈ గందరగోళానికి తెరదించడానికి.. ఈ రెండు పదాల మధ్య ఉన్న చిన్న లాజిక్‌ గురించి కొన్ని విషయాలు ఈ ఆర్టికల్‌లో తెలుసుకుందాం.

బాత్‌రూమ్‌కి వాష్‌రూమ్‌కి మధ్య తేడా.. 

బాత్‌రూమ్ (Bathroom): ప్రతిరోజూ మనం స్నానం చేసే గదిని బాత్‌రూమ్ అంటారు. ప్రాథమికంగా ఇందులో షవర్ లేదా బాత్‌టబ్ వంటి స్నానం చేసే సౌకర్యాలు తప్పనిసరిగా ఉంటాయి. ఇది కాకుండా.. టాయిలెట్, సింక్ కూడా ఖచ్చితంగా ఉంటాయి. చాలా ఇళ్లలో అంటే నివాస భవనాలలో ఉండేది బాత్‌రూమ్. ఇక్కడ వ్యక్తిగత శుభ్రత, రిలాక్సింగ్ ప్రక్రియ జరుగుతాయి. పూర్వపు రోజుల్లో స్నానం చేయడం ఒక పెద్ద కార్యక్రమం. దీని కోసం అపార్ట్‌మెంట్‌లో ప్రత్యేక గది ఉండేది. ఆ పద్ధతి నుంచే ఈ పదం ఉద్భవించింది. దీనిని కొన్నిసార్లు ఫుల్ బాత్ అని కూడా పిలుస్తారు. అంటే అన్ని సౌకర్యాలు ఉన్నాయని అర్థం.

వాష్‌రూమ్ (Washroom): వాష్‌రూమ్ అనే పదాన్ని పబ్లిక్ ప్రదేశాలలో.. అంటే షాపింగ్ మాల్స్, సినిమా థియేటర్లు, విమానాశ్రయాలు, కార్యాలయాలు వంటి చోట్ల ఎక్కువగా ఉపయోగిస్తారు. పేరుకు తగ్గట్టుగా.. ఇది కేవలం చేతులు కడుక్కోవడానికి, టాయిలెట్‌ను ఉపయోగించడానికి మాత్రమే ఉద్దేశించబడింది. ఇందులో స్నానం చేసే సౌకర్యాలు ఉండవు. ఇక్కడ కేవలం టాయిలెట్‌లు, చేతులు కడుక్కోవడానికి సింక్‌లు మాత్రమే ఉంటాయి. అందుకే వీటిని కొన్నిసార్లు హాఫ్ బాత్ లేదా పౌడర్ రూమ్ అని కూడా అంటారు. వీటిని మూత్ర విసర్జన లేదా మల విసర్జన, చేతులు శుభ్రం చేసుకోవడం వంటి వాటికి మాత్రమే ఉపయోగిస్తారు. కెనడాలో... ఇంట్లో ఉన్న స్థలాన్ని కూడా వాష్‌రూమ్ అని పిలుస్తారు.

 ఇది కూడా చదవండి: ఈ సమస్యలు ఉంటే ఈ కూరగాయను దూరం పెట్టాల్సిందే.. తింటే ఏమవుతుందో షాకింగ్ విషయాలు తెలుసుకోండి!!

ఈ తేడాలు అమెరికన్ ఇంగ్లీష్ , బ్రిటిష్ ఇంగ్లీష్ వంటి భాషా ప్రాంతాలను బట్టి మారుతుంటాయి. అమెరికన్ ఇంగ్లీష్‌లో ఇంట్లో లేని పబ్లిక్ ప్రదేశాలలో కూడా టాయిలెట్ ఉన్న గదిని బాత్‌రూమ్ అనే అంటారు. పబ్లిక్ ప్రదేశాలలో దీనిని మరింత అధికారికంగా రెస్ట్‌రూమ్ అని కూడా అంటారు. ఎందుకంటే టాయిలెట్ అనే పదాన్ని కొందరు సమస్యగా భావించడం వల్ల దాని అసలు ఉద్దేశాన్ని కవర్ చేస్తూ బాత్‌రూమ్, రెస్ట్‌రూమ్ వంటి మర్యాదపూర్వక పదాలు (Euphemisms) పుట్టాయి. వాష్‌రూమ్ అనే పదం వాషింగ్ సౌకర్యాన్ని హైలైట్ చేస్తుంది. వాషింగ్ సౌకర్యం లేని టాయిలెట్ ఉండదు. అందుకే ఆ పేరు వచ్చింది. కాబట్టి ఇకపై పబ్లిక్ ప్రదేశాలలో మీరు అడగవలసిన సరైన పదం వాష్‌రూమ్ లేదా రెస్ట్‌రూమ్ అని గుర్తుంచుకోవాలి.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు.  

 ఇది కూడా చదవండి:తక్కువ షుగర్‌తో ఎక్కువ లాభాలు..? టీలో ఈ ఒక్కటి మిస్ చేసి తాగడం ఎలాగో తెలుసుకోండి!!